1Korɛntea 6:10 - BII BILA

¹⁰ vuiya, vanaa nɔ hɔlte ɲɛ-sɔlaa-a, vanaa kolaa mamɔiya, vanaa co vannda yeowlan-nda a vanaa co caanda delɔɔ coo-a a lueinin o Masale Hala len nin te.

1Korɛntea 6:10 Referans Kwoze

1Korɛntea 5:11

Kɛ sunsun, vanaa ya dimi maa ɲɛ-ɲɛ va niaa tɛɛn te-a a co haa ni, vana-vana dimi pɛ maa puapilɛ niaa o co ni, kɛ mò va: vana sundaa, te kon te vana nɔ hɔlte ɲɛ-sɔlaa-o, te kon te vana soolaa n'piɔmndo, te kon te vana sondo kalaa, te kon te vana kolaa mamɔiyo, te kon te vuiyo. La dia bɛɛ niaa vana vaa lende le.

Kalatea 5:21

yeemɛi bɛnduei, mɔiyan yɔngɔnndo, pululen a dɛnnda vaa lende. Vanaa co dɛnndan ndan tosaa-a, i co niaa ndi pɔɔ dimul maa mɛɛ ya dimúl nin niaa ndi yɛ, nda sɔlanin kɛ o masale Hala len nin te few.

Efɛsea 4:28

Vana co vuilenndo, ndu mal vuilen. Ndu pila tosa baalaa, haliko mo sɔla ɲɛ o piɔvan nda vanaa co o bahavɛiyo nin-nda-o.

1Piɛr 4:15

Vana-vana o niaa tɛɛn sanga le tùú o co vana diuvaa n'vanndo-o le, le tùú o co vuiyo-o le, le tùú o co vana tosaa dɛnnda vɔɔndo-o te kon te vana vow sondoo o sɔɔn pilan nin-ndo le,

Esekiɛl 22:29

Vanaa co o lɛŋnde len nin-nda co vannda yɛɛvɔɔ dɔvɔɔ, a co vuilen yɔŋndo, a co vanaa ikɔɔa a vanaa bala fondoa saangiaa le tɔnɔɔ solio nda o n'dial, a co mialla mɔnɛi lueiyo o dí ndaa kpede coo.

Matie 23:33

Niaa kɛwva ha, niaa hɔ̀ɔ̀lɔ́a! Vɛ̀ɛ̀ niaa ɲaanun yɛnin yamɛi co niaa hunɔɔ kilulɔn le kɔlan o ɲánndávàà-e?

Esekiɛl 22:27

Simlacia nɔmnda co macoaa maa tunaa yondoa co ɲɛ nda bii-o sɔmndo-a, a co vannda diwvo a yoomulan tɛɛmbuuo le bolofaa sɔlaa o ken nin.

1Tesalonikea 4:6

Vana-vana pílàn puapilɛ ndɔɔ tana le, vana-vana tɛɛmbuu puapilɛ ndɔɔ labɛɛ o sɔɛi he nin te. Maa mɛɛ naa n dimul niaa sɔɛi ken kpéŋ-kpéŋ yɛ, Mɛlɛka tuisinin vannda sangaa coo le hakila vaa lende.

Nsaŋ 12:6

Yiyan o sɔla kon-ndo, o co iɲíí le ndóò nɔ a vanaa bala fondoa le, kɛ le tùú o va vuiyo-o. O va ɲɛm nda va mandaa-on ciimbuuo, kani ndu óò manda bɔlɔ nda n'volio o ba ni.

Esekiɛl 22:13

Tofa vɔ, i lɔɔ balan a kpingaa le delɔɔ coo n co tosa-o a le vanaa nda co diwvo nanu-a.

Matie 23:13

«Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co vannda dio masale halataalaa kindallo. Niaa pila co luɛyɔɔ le, la co vɛlɛ cɛlɔɔ mì vanaa yeema le luɛyɔɔ-a luɛi le. [

Matie 21:19

Mó ca voosu tumndo o nɛiyo lekɔɔ, mó sɔɔnguu, kɛ o komal ɲɛ-ɲɛ lecoo le, fɔ pei daama. O kon mó dimul ndu aa: «Nɔm a kum-ndɛ fɛɛn a fɛɛn te!» Fɔ́ɔ́fɔ̀, mí voosu kon vesa.

Esai 1:23

Vanaa lanila kalua simlacia niaa co ni, nda co vuiya simndan kɔɔli le vuilen tosaa ni. Nda kpow a yeema bolofaa luɛyɔɔninndo, a co kiltan ikilikiliei vɔ̀ngɔ̀lan kɔɔli tuŋ! A co isɔɔ le vííya ma tosal nda dɛnɛ sandaa le, a cɛl bɛɛ mì dɛnɛ vanalanɔ pɔnɔ ndɔ vi-o tiiya o nda lo di le yamɛi kiolɔɔ le.

Yeremi 7:11

Vɛ̀ɛ̀ buulula vanaa tosaa dɛnnda vɔɔnda cɛi nuu co ni, cɛi diola nilan la co hoo veelɔnndo nin-ndo? Nduyɛ lende ya co ndi cɔu vakpa ni. Diom Mɛlɛka dimi-o co kon ni.

Talelan 7:27

Nɛiyo le kɔlan ciee-piɔ́m cɛi ndɔɔ co ni, nɛi yaa vana piɔ́m di-o calta ndɔlan la co ni.»

Dɛnnda kiilaa 20:32

Nihau, i sɔɔ niaa Hala o ba a o kɛndɛi ndɔɛi bɛngu. O nɔ kpaayaa le niaa yoomuan lueiyo, mò tosal niaa dɛnɛ kɛndɔɔ taw, kpaaya o kɛsi teengen le vanaa co le ndu-a kpow-vo.

1Korɛntea 15:50

Puapilɛa nia, ɲɛ ya co dimio-o co hoo ni, dialun puulon a koovan nɔla kɛ Masale Hala len sɔlaa le. Lende vɛlɛ koni, ɲɛ vu-o nɔla mò va ɲɛ pilɛ a ɲɛ vi loo le.

Efɛsea 5:5

Kani mɛɛ mì la sínà hee ɲɛkɛndɛi: vana-vana co vana suundaa, vana nɔɔla Mɛlɛka o hɔl-lo, te kon te vana nɔ yeemɛi vɔɔnde-o (kani yeemɛi vɔɔnde nɔu, piɔmnda sooloo co kon ni), nda sɔlanin Masale Krista len a Masale Hala len maa kɛ́ le.