1Korɛntea 5:8 - BII BILA

⁸ Lelan n tosan kafoo, o co a lɛvɛn paandu le, o co vɛlɛ a lɛvɛn dɛnɛ haki, te kon te dɛnɛ kɔlvesɛi le, kɛ bulu toosian a lɛvɛn too co dɛnɛ sandaa a toɲaa ni.

1Korɛntea 5:8 Referans Kwoze

Tɔŋ miingua 16:3

La bɛnda mì la de ɲɛdiaa sálà kon a bulu toosian a lɛvɛnndo-o latulu le. O palɛi ndii ŋɔmmɛw bɛngu, la bɛndu mi la va bulu toosian a lɛvɛn too dioo. Bulu imɔnɔ kon vanin niaa yiyalanndo ni maa a kiltan niaa fula o lɛŋnde Esipte len nin ni. O kon, le fɛɛn a fɛɛn, la vanin loonɔnndo a paale niaa faŋan Esipte len.

Fulaa 12:15

«O palɛi ndii ŋɔmmɛw bɛngu, la bɛnda mì la va bulu toosian a lɛvɛn too dioo. Paale tasele lɔ́ɔ́ kon le tiiya dɔ́ɔ́ pɛ, la soli lɛvɛnndo o cɛila niaalan nin few-few. Kandɔɔ paale tasele len, kɔ bii paale ŋɔmmɛwndɔlen, te vanndo de pɛ bulu toosian a lɛvɛnndo-o, a bɛnda mà faŋa vana kon Israɛlla tɛɛn.

Luke 12:1

O telen kon mí vannda taw a cuungian háá ma va nɛwvanndo. Mí Yeesu kandu sɔɛi o kaandeŋaa ndɔa lo, mó dimul nda aa: «La mandan a lɛvɛn Faliisia, sɔɔn muluanndon pɛɛn.

Marke 8:15

Mí Yeesu dimul nda aa: «La mandan a lɛvɛn Faliisia a á lɛvɛn Herɔde-o.»

Matie 16:6

Mí Yeesu dimul nda aa: «La mandan a lɛvɛn Faliisia a Sadusea!»

1Piɛr 4:2

haliko o va lɛ yoomu a yeemɛi n'faluei le, kɛ o hɛnan Hala-o nin le telen tɔ̀ lo ndu le tosaa o falon nin-ndo.

Efɛsea 6:24

Màá vanaa kaola Maalii naa Yeesu Krista kaola kpeekpeiyo-a kpow a sɔla dɛnɛ kɛndɔɔ!

1Korɛntea 5:6

Kuundian niaa niŋ te. La sínà maa lɛvɛnndo ɲɛ-pɔmbɔ nɔla mò heelu kpeyan buloo.

Nsaŋ 1:47

Yeesu cɔu Natanaɛl hunɔɔ ndu o ibuŋ, mó dimi aa: «Israɛlnɔɔ kpeekpei co hoo ni, o nɔ lacòòva o kɔl too.»

Matie 16:12

O kon mí kaandennda bii bila maa o co sɔɛi lɛvɛn ndáà vow o buloo-o le o va dimio le, kɛ pɛɛkula Faliisia a Sadusea.

Esai 30:29

La solinin condon mɛɛ vana soli condon o ɲumma paale kafoan nin yɛ, la nɔnin kɔlkɛndɔɔ nin maa vana co kɔlan o diom lesɛ̀ŋndo bɛngu-o, le kɔlan o pembii Mɛlɛka-e coo, o pow kpova Israɛlla coo.

Esai 25:6

Mɛlɛka-Nɔ-Kpaayaa-Kpow-vo tuisi kafo diaa le vannda súúlan kpow o pembei he coo, o toosiaanin ɲɛm dian yeelɛiyon, mɔima kálà-kálàn, visin macuɛiyon a mɔima kálà-kálàma yueinun-ndan.

Condii lisai 42:4

Idii a icɔl, i co mɛmɛan pumndo. Vannda co ya ɲuuniaa tuŋ aa: «Kuɛɛ nɛ Hala nɔmndo co yɛ?»

Condii lisai 32:2

Dɛnɛ kɛndɔɔ co le vana kon, vana Mɛlɛka co lɛ tɛɛmbuu ndɔ cɔm coo loo, o nɔ yiyan lakafa o kɔl too.

Tɔŋ lasálàá 23:6

Te la tosa pɛ kafo kon icɔllo, diimandɔɔ la kandu kafo bulu toosian a lɛvɛn too tosaa le ya Mɛlɛka. Kandɔɔ paale len háá palɛi ndii ŋɔmmɛw, bulu niaa vanin dioo-o bɛnda mò toosian a lɛvɛnndo le.

2Korɛntea 8:8

Sɔɛi ya co hee dimio-e, o co mì baŋ niaa le ndi tosa le, kɛ le cɔmndo mɛɛ vanaa celen a co kindinndo yɛ, le kaola kpeekpei niaa nɔ-o sinaa.

2Korɛntea 1:12

Kani ɲɛ naa n nɔla mì n kelu yongaa a ndu o kɔɔ-o co hoo ni, kɔlta naalan la co seilen timbio mɛɛ naa n kela o ceendo nin yɛ, taam-taama niaa o hɔl. Kela diandaa a kela toɲaa o yɔŋnun ni, o fula Hala o ba-o, n tosa kon a kɔlkalu ivanacieeya le, kɛ o kɛndɛi Hala-e bɛngu.

1Korɛntea 5:1

Vannda co ya dimullo lɔ́ɔ́-lɔ́ɔ̀ maa vanaa pum a co dɛnnda nɔɔlɛilan tosaa niaa tɛɛn, dɛnnda nɔɔlɛila co bɛɛ tosan hali vanaa sínà Hala le-a tɛɛn-ndan pɛɛn, maa vana pum co nda lanɔɔ fuɲa ndɔ.

1Korɛntea 3:3

Kani paŋalianndan a sɛɛngianndan la co vɔ niaa tɛɛn. Vɛ̀ɛ̀ o co vanaa ceenda le niaa co vɔ o kon mì la va kelaa o vanacieeyɛi nin te?

Yosue 24:14

Mí Yosue dimul nda aa: «O laan, siòòŋii Mɛlɛka-e va niaa, mì la tosal ndu baalaa a kɔlta niaalan kpede, mì la lo o lediom coo a ndu. La mal halaa fuɲaa niaa mamaa va biiloo peo leeloo-a, halaa Esiptea pɛɛn, mì la tosal Mɛlɛka baalaa.

Tɔŋ miingua 16:16

Bɛmbɛ leyáá o vɔsio nin, vanpiaandua kpow a bɛnda mà hun cuungian Mɛlɛka Hala niaa o hɔl o fonda o hɛlinin-ndo: telen kafo bulu toosian a lɛvɛn too, telen kafo koavaa a telen kafo lakùùo. Vana-vana hun bala fondo Mɛlɛka o hɔl te.

Fulaa 13:6

O palɛi ndii ŋɔmmɛw bɛngu, la bɛnda mì la va bulu toosian a lɛvɛn too dioo. O paale ŋɔmmɛwndɔlen coo, la tosa kafoo le Mɛlɛka biiloo.

Fulaa 12:8

A bɛnda mà tuɛi visin mun, mà de mun icɔl kon a bulu toosian a lɛvɛn too a á bil loloo.

Fulaa 12:19

O palɛi ŋɔmmɛvii ken bɛngu, lɛvɛnndo bɛnda mò va niaa o laba cɛilan nin te. Te vanndo de pɛ ɲɛdiaa toosian a lɛvɛnndo-o o palɛi ken bɛngu, o va mial, o va Israɛlnɔ pilaciee, o bɛnda mò faŋan Israɛlla tɛɛn few-few.

Fulaa 13:7

Vana-vana bɛnda mò de bulu toosian a lɛvɛn too o palɛi ŋɔmmɛvii ken bɛngu. O lɛŋnde niaale len nin kpow, vana bɛnda mì vana saalun bulu toosian a lɛvɛnndo-o, te kon te lɛvɛnndo pila o laniaa lo le.

2Korɛntea 2:17

N co maa vanaa pum te, a co yulalen tosaa a sɔɛi Hala-e a. Kɛ naa naa, le tùú Hala vem naa-o naa n co sɔɛi a toɲaa ndu Hala o hɔl o Krista nin ni.