1Korɛntea 5:5 - BII BILA

⁵ O bɛnda mì la mal vana vaa lende Setana o ba, haliko mi dialun ndɔn tambu, mì kɔl ndɔɔ sɔla cindaa o paale Maalii Yeesu len.

1Korɛntea 5:5 Referans Kwoze

1Timote 1:20

Vanaa kan a pum a co haa ni: Himene a Alɛksandre, a ya mal Setana o ba-a, haliko a pɛɛku lɛ vannda le sɔɔn tana dimio a Hala o kɔɔ le.

SƐBƐ YƆB-O 2:6

Mí Mɛlɛka dimul Setana aa: «Ava, mɛɛ ndu pila co o kpaaya nɔmndo bɛngu. Kɛ yaa baa o yoomu ndɔɔ le dɛ!»

2Korɛntea 13:10

I co niaa sɛbɔɔ ho sɛval a hɔlta kalalan, haliko lɔ́ɔ́ ya kɔanin o niaa lo-o, i soaa o niaa lo a hɔlta kala le kpaaya Mɛlɛka ke ya-o le. Kani kpaaya kon, le kunda niaa hivio laci o co ni, kɛ o co le ndu tɛɛmbuu le.

2Korɛntea 10:6

Nduyɛ, telen niaa biinin sɔɛi nɛi-yo, naa bɛɛ n bɛɛndiannin le vanaa tui naa diom te-a dɛnɛ palaa tuisio coo.

1Korɛntea 11:32

Kɛ Mɛlɛka kialunin naa iyama, mò mingi naa o nɛi, o kon n sɔlanin yaalaa a ceendo latulu le.

1Korɛntea 1:8

Mɛlɛka hiawnin laci a niaa kpaayaa keo háá o mɛɛlulan, haliko mi la va vanaa yaalan te-a paale Maalii naa Yeesu hunnin-nden te.

Dɛnnda kiilaa 26:18

I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»

1Nsaŋ 5:16

Te vanndo ce pɛ puapilɛ ndɔɔ haki tosa mì vana vi loo tosaa, o piɛi mì Hala ke ndu yoomoo, te o va pɛ maa lekɛ́ndɛi haki kon tosa mì vana vi le. Haki tosa mì vana vi-o co, o co le haki kon te ya co dimio le piɛilen te.

Talelan 23:14

A bandìla ndu pɛ a sionnden, a ciindiaa yoomu ndɔɔ, a faŋa ndu o nɛi ciee-piɔ́m-ndo coo.

Condii lisai 109:6

A co dimio aa: «La mal ndu vanaa yɔŋ vɔɔnda o ba, la simi vana hɛɛnduaa n'sɔɔ ndu o ba kɛndɔɔ coo.

2Piɛr 3:12

La va o cumndo nin, mì la tosa mì paale Hala le len le keleŋa tiiya, paale halataalaa tambunin o yinnden nin, mì ɲɛm co lon-ndon tenga o yinnde biyaalen nin-nden.

2Timote 1:18

Màá Maalii tosa mì Mɛlɛka tuinun ndu iɲíí o paale kialaa iyamalen. Nɔm pila sínà mɛɛ o mala ya taw Efɛs yɛ.

Filipea 1:6

I nɔ laalanndo maa: Vana kandu vali kɛndɛ kon niaa o kɔl-lo lonin lecoo háá mò cii ndu o paale Yeesu Krista hunnin-nden.

Matie 4:10

Mí Yeesu dimul ndu aa: «Faŋan ya kɔɔli, Setana! Kani o co o sɛvaa aa: ‹Mɛlɛka Hala nɔmndo n bɛnda le biiloo ni, ndu pilɛ kpé n bɛnda le baalaa tosallo ni.›»

Luke 22:31

Mí Yeesu dimul Simɔn-Piɛr aa: «Simɔn, Simɔn, yaŋnun! Setana ɲuna Mɛlɛka mì ndu Setana hɛi niaa maa mɛɛ vana hɛi maalon nuaa yɛ.

2Korɛntea 12:7

Kɛ nduyɛ, yɔŋii yongaa piɔ ya nin ca le kaamaala bɛndula ya ce o vunduan nin-ndan, mí sɔla sangaa o falon nin taw vana ca ko aa mɛlɛkanɔ Setana-o hun lɔɔ ya le ya kuunaa yɔŋii yongaa piɔ ya o n'dial ni.

Tɔŋ lasálàá 13:21

Kɛ te vana-solia-lasálàá ce pɛ maa yiiŋii humbui co o kàváá coo le, maa kàváá hiw yáw ndɔɔ yingila le, mo ce vɛlɛ maa kava kon co nin ɲumndo, o faŋa ndu caanda tɛɛn, o ven ndu ndu pilɛ le palɛi ndii ŋɔmmɛw.