1Korɛntea 5:10 - BII BILA

¹⁰ Kɛ kon co dimi le maa la kiolun vanaa vaa lende kɔɔli o ceendo ho coo le, te kon te vanaa nɔ yeemɛi ɲɛ-sɔlaa taw-va, te kon te vanaa del vannda coo-a, te kon te vɛlɛ vanaa sooluu piɔmnda-a. Kani te lende ni, mɛɛ faŋanndo niaa faŋannin o ceendo ho coo ni.

1Korɛntea 5:10 Referans Kwoze

1Korɛntea 10:27

Te vana co vana laalan too veelu pɛ niaa le dioo, mì la yeema le kɔlan, mɛɛ la dio ɲɛdiaa kɛ́-kɛ̀ o co niaa cɔm, la saangiaa kɔlta niaalan a ɲunaa le.

Dɛnnda cɔɔmuanndan 12:9

Má viaw ndu tambálaká bɛndu kon, ndu kɛwvo sindɛ pɛɛn, o nda veelu aa masa ɲinaa vɔɔnda te kon te Setana-o. O hiŋ vanaa co icali o lɛŋnden coo-a kpow hɔlla-o, má viaw mɛlɛkaa ndɔa a ndu latulu o lɛŋnden coo.

1Nsaŋ 5:19

N sínà maa a Hala-a naa n co ni, mì ceendo kpede va o kpaaya Vana Vɔɔndo bɛngu.

1Nsaŋ 4:5

Ceendo nɔ vanaa kan ni. Lelan nda soaa maa vanaa ceen ni, mì ceendo yaŋ nda nilan.

Filipea 2:15

haliko mi la va vanaa yaalan te-a a vanaa diandaa, mì la va cuavaa Hala-a, à vànà seelun isɔw nin te-a vanaa co laasianndo-a a vanaa vɔɔnda tɛɛn. Mì la va nda diondɔɔ tɛɛn maa ɲɛ-tengaa o ceendo,

Efɛsea 2:2

O dɛnnda lan nin niaa va kelaa telen kon ni maa vanaa ceenda, mí la va ɲɛ masa kpaaya ihoyo va dimio-o biyɔɔ, kɔl co kon baalaa tosaa telenndo ho vanaa co Hala diom tueyɔɔ le-a tɛɛn-ndo.

2Korɛntea 4:4

le vanaa laalan te-a, a Setana masa ceendo ho suumiaa kan kɔltan-nda pɛɛn, yɔŋii nda cɔ ɲɛ vavonndo, o co Yoongu kɛndɛ biilu Krista-o-o, Krista co velan Hala-o o.

1Korɛntea 1:20

Kuɛɛ vana kɔlkaloo co yɛ? Kuɛɛ vana dɛnɛ sinaa co yɛ? Kuɛɛ vanaa caa kɔɔsɔ sondoo-a co yɛ o telenndo ho bɛngu? Vɛ̀ɛ̀ o co Hala le sííngùù dɛnɛ sinaa ceendo ho diɔmnde le?

Nsaŋ 8:23

Mí Yeesu mulul nda aa: «Lɛŋ nanu niaa fula ni, ya yɛ, coocoo ya fula ni. O ceendo ho nin niaa fula ni, ya yɛ i fula o ceendo ho nin te.

1Nsaŋ 4:7

Caaŋaa nia hɛnan ya-a, n kaolian vellaa-velle, kani Hala o ba kaolaa fula ni, nduyɛ vana-vana kaola pɛ, mɛɛ o Hala-o co kon ni, o sina Hala.

Nsaŋ 17:9

Le nda ya co nɔm piɛiyo ni. O co le ceendo le ya co piɛilen te, kɛ le vanaa n ke ya-a, kani le nɔm nda co ni.

Nsaŋ 17:6

I cɔm vanndacieea n cua o ceendo nin, má sɔaa ya o ba-a diola nɔmndan. Le nɔm nda va ni, má ke ya nda, má bii sɔɛi nɔmnde.

Nsaŋ 15:19

Te niáà va pɛ le ceendo, ceendo va niaa kaolaa, kani le ndu niáà vanin ni. Kɛ le mɛɛ niaa co le ceendo le yɛ, nduyɛ mí hɛli niaa fulaa o ceendo nin, lelan ceendo nɔ nɛyɔn niaa ni.

Luke 18:11

Mí Faliisinɔɔ sim, mó piɛi Hala o kɔl nin aa: ‹Hala, i mel nɔm balika, kani i co maa vanaa tɔ̀a le, vuiya, vanaa yɔŋ vɔɔnda a vanaa suundaa pɛɛn. I co vɛlɛ maa vana biyaa muloo hoo le.

1Korɛntea 5:9

O sɛbɛ tase ya sɛval niaa-o nin, mí yáà dimul niaa maa canyɛi kɛ́-kɛ̀ i va niaa tɛɛn niaa vanaa co dɛnnda nɔɔlɛilan tosaa-a le.

1Korɛntea 5:11

Kɛ sunsun, vanaa ya dimi maa ɲɛ-ɲɛ va niaa tɛɛn te-a a co haa ni, vana-vana dimi pɛ maa puapilɛ niaa o co ni, kɛ mò va: vana sundaa, te kon te vana nɔ hɔlte ɲɛ-sɔlaa-o, te kon te vana soolaa n'piɔmndo, te kon te vana sondo kalaa, te kon te vana kolaa mamɔiyo, te kon te vuiyo. La dia bɛɛ niaa vana vaa lende le.