1Korɛntea 5:1 - BII BILA

¹ Vannda co ya dimullo lɔ́ɔ́-lɔ́ɔ̀ maa vanaa pum a co dɛnnda nɔɔlɛilan tosaa niaa tɛɛn, dɛnnda nɔɔlɛila co bɛɛ tosan hali vanaa sínà Hala le-a tɛɛn-ndan pɛɛn, maa vana pum co nda lanɔɔ fuɲa ndɔ.

1Korɛntea 5:1 Referans Kwoze

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

Dɛnnda cɔɔmuanndan 2:21

I ke ndu telenndo le mangalanndo, kɛ o yeema mò mangalan, mò faŋan laasian ndɔ kon te.

Kolɔsea 3:5

La diw dɛnnda ceennda kɛ́-kɛ̀ co niaa nin: suundaa, dɛnnda nɔɔlɛilan, yeeman bɛndon, yeeman vɔɔnndon a yeemɛi ɲɛ sɔlɛi, kani piɔmnda sooloo co yeemɛi ɲɛ-sɔlaa ni.

Efɛsea 5:3

Yungu co le Hala-o niaa co ni, lelan o bɛnda mì vana saalun bɛɛ dɛnɛ nɔɔlɛi súú oo súù a dɛnɛ laasiɛi kɛ́-kɛ̀, te kon te yeemɛi vɔɔnde niaa tɛɛn te.

Tɔŋ lasálàá 18:8

A bɛnda ma tosa kpelemɔɔsaa a lanɔɔ fuɲa nɔm te. A tosa pɛ kon, mɛɛ a cii fuɲa nɔm labɛɛ.

Kalatea 5:19

Nduyɛ dɛnnda n'falulan la co kpendekele: suundaa, dɛnnda nɔɔlɛilan, ilaasi-laasiei,

1Tesalonikea 4:7

Kani Hala veelu naa le kela o dɛnɛ nɔɔlɛi nin te, kɛ le kelaa o dindinndo nin.

2Korɛntea 12:21

I co buulanndo, lɔ́ɔ́ ya kɔanin vɛlɛ niaa yilɔɔ-o, mì Hala tosa mì siɛmbulan la bii ya vɛlɛ le niaa, yɔŋii ya caŋ le vanaa kan, a tosa hakilan o tasendɔ taw, mà va hiovɔɔ laci-a. A kɛɛ kan le dɛnnda nɔɔlɛilan, suundaa a yeemɛi vɔɔnde malɔɔ-a.

1Korɛntea 6:18

La vow balan o suundaa nin te! Yɔŋnda vɔɔnnda celennda vanndo tosa lan la pilan ko dialun ndɔn te, kɛ vana vow pɛ baa o suundaa nin, o tɛɛmbuu dialun ndɔn ndu pilan.

1Korɛntea 6:13

La co vɛlɛ dimio aa: «Le ɲɛm dian demboo co ni, mì demboo ndu va le ɲɛm dian.» Kɛ nduyɛ, Hala tɛɛmbuunin ndan tan tiɔn kpow. Diallon n co le suunda le, le Mɛlɛka n co ni, mì Mɛlɛka ndu va le diallon.

1Korɛntea 6:9

Niaa pila sínà maa vanaa sendu le-a lueinin o Masale Hala len nin te. La huinun te: vanaa-vanaa co keiyo suundaa, vanaa soolaa n'piɔmnda, vanaa kei suundaa a langbaa felengia-a, vanpiaandua tosa kpelemɔsaa a caaŋaa ndaa vanpiaandua-a,

1Korɛntea 5:11

Kɛ sunsun, vanaa ya dimi maa ɲɛ-ɲɛ va niaa tɛɛn te-a a co haa ni, vana-vana dimi pɛ maa puapilɛ niaa o co ni, kɛ mò va: vana sundaa, te kon te vana nɔ hɔlte ɲɛ-sɔlaa-o, te kon te vana soolaa n'piɔmndo, te kon te vana sondo kalaa, te kon te vana kolaa mamɔiyo, te kon te vuiyo. La dia bɛɛ niaa vana vaa lende le.

Dɛnnda kiilaa 15:29

la dia visin nda co halaa fondoa sálàlan solullo-on te. La dia kooma cɔlua te kon te visin visi nda kundikundi mí koovan ma lo ndu nin-ndo le, la suunda le. Te la kpakpala pɛ dɛnndan ndan kpow, mɛɛ o naŋ. La lɔl kɛndɛ!»

Dɛnnda kiilaa 15:20

Kɛ n sɛvɛlan nda sɛbɔɔ, mì n dimulun nda maa a dia ɲɛm vannda co halaa fondoa sálàlan solullo-on te, a suunda le, a dia visin visi nda kundikundi mì koovan ma lo ndu nin-ndo le, a dia vɛlɛ koovan te.

Yeremi 2:33

«La caa bɔɔ nɛiyo nuwviaa le kɔlan kela suundɛiyo. La dɛli nin a keiyo o nɛi dɛnɛ vɔɔndo coo.

2Korɛntea 7:12

Lelan, te la ce pɛ mì sɛval niaa sɛbɔɔ ho, o co le vana tɛɛmbuu dɛnɔɔ ho-o le, o co vɛlɛ le vana nda tosal dɛnɔɔ hoo-o le, kɛ haliko mi dialun fulan niaa nɔ le naa o niaalo-on n cɔmnun vakpa Hala o hɔl.

1Korɛntea 1:11

Kani puapilɛa nia, yungu Kloe-o dimul-la maa sɛɛngianndan la co niaa tɛɛn.

Amɔs 2:7

A nɔ yeemɛi taw le cundu co lɛŋ-ndo cɔu vanaa ikɔɔa o lebol. A co dí vanaa co o sangaa nin-nda tɛɛmbuuo, Poo nda fuɲaa co kɔlan suundaa a vanalanɔ pilɔɔ. Lende nda co diola nila diandaalan bɛɛlan tɛɛmbuuo ni.

Esekiɛl 16:47

Te nɔm óò mɛɛlu pɛ o kela vɔɔndo coo maa nda, mí nɔm óò tosa dɛnnda nɔɔlɛilan maa nda kpafii, kon ndóò va tiŋ fisa. Kɛ mí nɔm bɛɛ laasian o kelala nɔmndan kpow nin hiovɔɔ nda coo.

Tɔŋ miingua 27:20

Màá dangaa va vana suunda a laandaa fuɲa ndɔ-a o pilɛ-o coo! Kani ɲɛ o tosa kon-ndo, fuɲa ndɔ o tɛɛmbuu labɛɛ lende ni. Vannda kpow a cɛlnin aa: ‹Amiina!›

Esekiɛl 22:10

Vanaa pum co suundaa a laandaa fuɲaa ndaa nanu, a pum co vanlaandua co o paangii ndɛi nin-nda baŋɔɔ le vaa a nda.

1Dɛnnda lemasalan 5:1

Rubɛn yɔŋnun po tasoo o poaa Yakɔb-a tɛɛn ni. Kɛ ndóò hinilan a lanɔɔ fuɲa ndɔ, mí fonda ikaasonyaa hialun ndu, mí fonda kon yɔngun polale Yosɛf len, po Israɛl-lo pɛɛn. O kon, Rubɛn cinnun-ndɛ maa po tase le.

2Samiɛl 20:3

Masaa tiiyaa dɔ́ɔ́ o cɛi ndɔ lemasaa nin, mó veelu sámáá ndɔa tɔ́a ndóò mɛi o cɛi lemasa kon nin le ndu mandaa-a, mó luei nda o cɛiyo pum nin, mó handu kpalilla le nda mandaa, mó va kpekula ndalan toosiaa. Kɛ o sɔɔnguu lɛ o kɛ́-kɛ̀ ikɛi le ndu sinaa vanalanɔ le. Lende nda lo a mandaa ni háá má vu, a va nin ndon vanáà ca ko aa vanlaandua piaandaa ndaa vi-a ni.

2Samiɛl 16:22

Má tondul Absalɔm cɛi-kola-toandaa o bɛ́ɛ̀ lemasaa. Mó kɔ hini a sámáá fuɲa ndɔa lon Israɛlla kpow o hɔl.

1Samiɛl 2:24

Poaa nia, la pɛngi dɛ! Ɲɛ ya co tueyɔɔ a niaa o kɔɔ-o niŋ te, la co tosaa mí vanaa Mɛlɛka-a va kasio delɔɔ.

Tɔŋ lasálàá 20:11

Te vanndo suunda pɛ a laandaa fuɲa ndɔa o pilɛ, mɛɛ o tɛɛmbuu fuɲa ndɔ labɛɛ. Lelan, vana kon a vanalanɔ nda suunda kon-ndo, a bɛnda mà sɔla piɔ́mndo nda ŋiɔn kpow. Nda pila nuwviaa piɔ́m ndaa ni.

O Kandɔɔ 49:4

Kɛ ŋol bɛɛ mì hiiyo fula nɔm maa mamɛn, fonda tasoo ve lɛnin le nɔm te. Kani a nɔɔliaa kpele fuɲa nɔm-ndo, a hel o ya lo kpele má tosa mààlan.

O Kandɔɔ 37:2

Dɛnɛ yungu ndɔɔ yɔŋnun hoo ni: Yosɛf po ndɔ ndóò nɔ vɔsilan tɔ́ a laŋɔmmɛw, má va saa a cuinnda mandaa nda bɛndaa ndɔa latulu, poaa Bilha nda Silpa-a, laandaa fuɲa ndɔa pɛɛn. Sɔɛi-sɔɛi vɔɔn bɛndaa ndɔa kan ndáà dimi pɛ, ndóò kɔ cɔɔmuu nda o fuɲa nda lo.

O Kandɔɔ 35:22

Tuma o va icali o tàndà kon nin-ndo, mí Rubɛn po ndɔ suunda a buɛi laandu Rasɛl-lo, Bilha pɛɛn, ó va nin hinilan fuɲa ndɔ kɔɔli-o. Mí Israɛl fuɲa ndɔ tuɛi sɔɛi ken. Yakɔb ndóò velu poaa tɔ́ a à ŋiɔn.

2Korɛntea 2:5

Te vana pum tosa pɛ dɛnɛ tɛɛmbuu vana kɔllo-o, o co ya le o tɛɛmbuu kɔl te, kɛ niaa kpow o tɛɛmbuu kɔl lende ni. Te i hiw yɛ ba le, mɛɛ vanaa pum niaa tɛɛn o tɛɛmbuu kɔl lende ni.