1Korɛntea 4:8 - BII BILA

⁸ Ɲɛ-ɲɛ niaa yeema pɛ, la cii sɔla. La cii nin bolofaa sɔla. La kandu masalen tosaa, naa naa n co n'masa le, vɛ̀ɛ̀ lende le? Màá niáà siŋnun ko n'masa, o kon mì naa n tosa masalen naa niaa!

1Korɛntea 4:8 Referans Kwoze

Dɛnnda cɔɔmuanndan 5:10

A siinguu nda masalen a kunda vanaa-solia-lasálàá le Hala naa, nduyɛ a tosanin masalen o lɛŋnden coo.»

Kalatea 6:3

Te vanndo cennun pɛ ɲɛ, mò ve yɛ niko ɲɛ-ɲɛ le, mɛɛ ndu pila co palanndo ni.

2Korɛntea 13:9

Te n nɔ mayoomu le, n naŋ kɔl, kɛ niaa niaa la nɔ yoomuan, nduyɛ o naa n yeema o piɛile naalen nin-ndo co ni, mì la peelun.

1Korɛntea 5:6

Kuundian niaa niŋ te. La sínà maa lɛvɛnndo ɲɛ-pɔmbɔ nɔla mò heelu kpeyan buloo.

1Korɛntea 1:5

Nduyɛ, la sɔla valtan le tosaa o ndu nin, taama-taama o sɔɛi nin a o sinaa kpow nin.

Rɔmnda 12:3

Le kɛndɛi Hala tosal-la-e, i co niaa dimul maa la cannun niaa pila ɲɛ mò hiow mɛɛ niaa co yɛ le, kɛ la tuisin mì vana-vana cennun mɛɛ o co yɛ, maa mɛɛ Hala ke vana-vana laalanndo yɛ.

Luke 6:25

Dangaa co le niaa co pumndo sunsun-nda, kani yiaan ma nɛinin niaa. Dangaa co le niaa co mamɔɔ-a, kani mɔnɛi biinin niaa mì la can.

Talelan 13:7

Vanndo pum mò cɔm maa o nɔ bolofaa, nduyɛ ɲɛ-ɲɛ ò nɔ le. Vanndo pum yɛ, mò cɔm maa o nɔ ɲɛ-ɲɛ le, kɛ mò nɔ ɲɛ-sɔlaa taw.

Dɛnnda cɔɔmuanndan 3:17

Kani a co dimio aa: Vana bolofaa ya co ni, i pɛ a bolofaa taw, i hew lɛ ba a ɲɛ-ɲɛ le. A co sínà maa a cuu dikpilan te? Kuɛi, bala fondolan, sumaa a fɛ́lio tol nɔm coo.

Filipea 2:12

Lelan, caaŋaa nia ya kaola taw-va, maa mɛɛ niaa co lɔ́ɔ́-lɔ́ɔ̀ vanaa biyaa isɔɔ-a o dɛnɛ Hala-o nin yɛ, la hiow laci a tosaa lende telen ya co niaa ikɛi-yo, kɛ mì la hiow bɛɛ sɔɛi ndɔɛi biyɔɔ telen ya co niaa tɛɛn too.

Filipea 1:27

Kɛ la kela mɛɛ Yoongu kɛndɛ Krista-o co yɛ. O kon, i kɔ o niaa lo, i kɔa le, i co tueyɔɔ maa la co yili o yiyan pilɔɔ nin, mì la va Yoongu kɛndɔɔ cɛwcɛwvo a laalan pilɔɔ.

2Korɛntea 11:1

Àá! Te niáà cɛl pɛ mì niáà biwnun diɔmii nii ɲɛ-pɔmbɔ. Nduyɛ, lekɛ́ndɛi, la co ya biwnɔnndo.

1Korɛntea 4:18

Vanaa pum a co yongaa sɔɛi niaa tɛɛn, vana ca ko bɛɛ aa i co lɛ lakɔ o niaa lo le.

Dɛnnda kiilaa 26:29

Mí Pol muli aa: «O va le telen bingi, o va vɛlɛ le telen vilɛi, i co Hala piɛi, haliko mi nɔm a vanaa co ya diom tueyɔɔ hau-va kpow siŋnun maa ya, o co mɛɛ ya co o yɔlɔn nuaa yɛ le dɛ!»

Yeremi 28:6

«Amiina! Màá Mɛlɛka tosa mɛɛ n dimi nuaa yɛ, mò cua ɲɛm-laandun co le Cɛi-Hala-on ndo, mò mingi mun nanu a vanaa nda kɔɛ o biyɔɔ nin-nda.

Esai 5:21

Dɛnɛ palaa co vɛlɛ le vanaa cennun nda pila vanaa kɔlkalua a vanaa sinaa dɛnɛ-a!

Talelan 25:14

Vana dimì le vanndo ɲɔɔ keo kɛ o yɔngu ndu loo co ko maa piɔɔ hel mò yɔngu hoeiye kɛ o se loo.

Kundalan 11:29

Mí Moise mulul ndu aa: «Paŋalaa n co le ya ni? Màá Mɛlɛka tuisi kɔl ndɔɔ vanaa ndɔa kpow coo, haliko ma siŋnun vanaa-tɛɛngaa-diom Hala-a!»

Matie 5:1

Yeesu cɔu sɛ́lɛ́ bɛndoo, mó hel o pembei coo, mó cal. Mí kaandeŋaa ndɔa sɔɔnguu ndu ikɛi.