1Korɛntea 4:7 - BII BILA

⁷ Kani o nɛi kuɛɛ coo n co yɛ yiyanndo maa a hiow caanda? Ɲɛm n nɔ-on kpow, vɛ̀ɛ̀ o co Hala le ke nɔm mun te? Te o co yɛ pɛ lende, le yɛɛ nɛ n co yɛ niko lisanndo maa o co ke le nda ke nɔm mun te?

1Korɛntea 4:7 Referans Kwoze

Nsaŋ 3:27

Mí Nsaŋ muli aa: «Vanacieo nɔla ɲɛ-ɲɛ sɔlaa le, te o co mì ɲɛ kon yɔngun ndu fulaa o halataala le.

1Piɛr 4:10

Vana-vana tosa mì caanda sɔla malaa o ke o sɔla Hala o ba-o nin. O kon mì la siŋnun vanaa caa ɲɔɔn mandaa-a, ɲɛm Hala ke niaa-on.

Nsaki 1:17

Ɲɛm-kéan kɛndɔn kpow a ɲɛm-kéan peelunndon kpede, coocoo n co fulaa ni, Pau Hala o ba. Vana cɔw ɲɛ-tengaa kpow-vo. Nduyɛ, o màngàlannin te, hali ɲɛ-pɔmbɔ.

Rɔmnda 12:6

Mɛɛ naa n sɔla valta yɛ́-yɛ́lan o kɛndɛi kennun naa-e nin yɛ, te vanndo sɔla pɛ vali tɛɛngaa diom Hala-o, o bɛnda mò tosa vali kon a laalanndo.

Nsaŋ 1:16

Mí naa kpow n sɔla duaa o kɛndɛi ndɔɛi nin, duaa o duaa coo,

Talelan 2:6

Kani Mɛlɛka yɔngu kɔlkaloo ni. Ndu o sondo sinapɛngoo a dɛnɛ sinaa fula ni.

Luke 19:13

Kɛ lɔ́ɔ́ pá mó kɔa, mó veelu buɛyaa ndɔa n'van tɔ́, mó yɔngu vana-vana sianii kpungbɛi ipilɛ, mó dimul nda aa: ‹La tosa yulalen a sianion mun háá mì hin.›

1Korɛntea 15:10

Kɛ nduyɛ, kɛndɛi Hala-e tosa ni mì va mɛɛ ya co nuaa yɛ, kɛndɛi o tosal-la ken-nde i yɔŋnun fúú le. Kani i tosa vallo hiovɔɔ kiilaa kan kpow coo, o co ya pila le tosa vali kon te, kɛ kɛndɛi Hala-i co ya coo-e.

1Korɛntea 7:7

Yáà yeema mì vanpiaandua kpow ndáà va maa ya, kɛ nduyɛ Hala yɔngu vannda valtan yɛ́-yɛ́ le tosaa. O ke pɛ vanndo hoo vallo pum, o mulin, o ke vana celen vali celen.

Rɔmnda 12:3

Le kɛndɛi Hala tosal-la-e, i co niaa dimul maa la cannun niaa pila ɲɛ mò hiow mɛɛ niaa co yɛ le, kɛ la tuisin mì vana-vana cennun mɛɛ o co yɛ, maa mɛɛ Hala ke vana-vana laalanndo yɛ.

Rɔmnda 1:5

O ndu kɔɔli naa n sɔla kɛndɛi ni, mí n siŋnun kiilaa le vanaa-mangalaa-isɔɔa kpow sɔɛi ndɔɛi dimullo haliko ma cɛl ndi, mà laalan.

Daniɛl 5:23

Má simul Maalii co o halataala-o, má cua ɲɛm diandan va o cɛi ndɔɔ nin-ndon, má kol mɔiyan lenin niaa vanaa bɛndua nɔmnda, laandaa nɔmnda a sámáá nɔmnda. Mí la lisa piɔmaa cɔwnun a sianion, a volin humbon, a daɲan, a cilinndon, a yɔmnde a á powtan-nda. Piɔmaa niaa kan yɛ, a ci le, a tui le, a bii ɲɛ-ɲɛ bila le. Kɛ, má sooluu nda, má kɛɛ Hala nɔ yoomu nɔmndo a siɔdii nɔmndo o ba-o biiloo.

Daniɛl 5:18

Òó masaa! Mí Hala-Hiow-Ɲɔɔn-Kpow-vo yɔngu Nebukanɛsar fuɲa nɔm masalen, vanabɛnduyɛi, bɔɔbɔɔyɛi a biiloo.

Esekiɛl 29:3

Soo o ndu lo má dimul ndu aa nuaa Maalii Hala dimi ni aa: ‹Nɔm Faraɔnnɔɔ, nɔm co masaa Esipte-o, tofa vɔ mɛɛ ya co nɔm kuello yɛ! Nɔm kuì bɛndu co hoo hinilan o peela bɛndula nɔmndan tɛɛn-ndo, a co dimio maa pee nɔm bɛndoo Nil, le nɔm o co ni, nɔm pila toosialan ndu ni.

1Korɛntea 5:6

Kuundian niaa niŋ te. La sínà maa lɛvɛnndo ɲɛ-pɔmbɔ nɔla mò heelu kpeyan buloo.

1Korɛntea 3:5

Nɛ̀ɛ́ co yɛ niko Apolɔs? Nɛ̀ɛ́ co yɛ Pol? Vanaa baala Hala-a daama naa n co ni, a niaa laalan o ba-a, maa mɛɛ Hala ke vana-vana vallo le tosaa yɛ.