1Korɛntea 4:6 - BII BILA

⁶ Puapilɛa nia, le ya pila a le Apolɔs ya dimi sɔɔn mun kpow ni, haliko mi niáà sɔla pɛɛkoo, mí niáà bii taloo ho bila aa: «La hiilu ɲɛ-ɲɛ o ɲɛ sɛvan ho-o nin te.» Vana-vana o niaa tɛɛn tosa yonga mò biilu vana pilɛ hiovɔɔ vanndo pilɔɔ coo le.

1Korɛntea 4:6 Referans Kwoze

2Korɛntea 11:4

Kani vana pum co hunɔɔ o niaa lo, mò hun dimul niaa sɔɛi Yeesu celen, Yeesu o naa n dimul niaa sɔɛi ndɔ loo, mì la cɛl kɔl celen, faŋanndo o kɔl diandaa naa n cɔm niaa-o coo, mì la cɛl yoongu celen, faŋanndo o Yoongu kɛndɛ niaa sɔla naa o ba-o coo. Nduyɛ, la co kon cɛlɔɔ ɲɛkɛndɛi.

2Korɛntea 12:19

O co nin lɔ́ɔ́ levil, la co yiyanndo maa le naa pila naa n co kindinndo ni. O Krista nin naa n co sɔɛi Hala o hɔl ni. Caaŋaa naa naa n kaolaa-a, le mɛɛ niaa hiaw laci o laalanndo nin yɛ naa n co kon kpow tosaa ni.

2Korɛntea 12:6

Hali yáà yeema bɛɛ le kuundianndo, yáà venin diɔm te, kani toɲaa yáà diminin ni. Kɛ i co kuundian te, yɔŋii vana cɔ ya o bɛndu hiovɔɔ ɲɛ ya co tosaa-o coo, te kon te mà ce ya mɛɛ vannda a co tueyɔɔ a ya o kɔɔ-e coo.

Kolɔsea 2:18

Vana-vana pɛɛku niaa tuisin fondoo te kon te mɛlɛkaa biiloo, mì la malnun ndu o ba le. Vanaa vaa lende a ca lɔma sɔlaan ɲɛ ni, mà handu man kɔltan coo. Nda koni yiyannda ivanacieeyalan la pei kuundian fondoo nin ca ni.

1Tesalonikea 1:5

kani o co a sondo daama le naa n tiiyal niaa Yoongu kɛndɔɔ le, kɛ a kpaayaa a á mala Hala Kɔl-Diandaa mala naa-o. Nduyɛ, la sínà mɛɛ naa n va niaa kelaa tɛɛn le dɛnɛ kɛndɛ niaa yɛ.

Rɔmnda 12:3

Le kɛndɛi Hala tosal-la-e, i co niaa dimul maa la cannun niaa pila ɲɛ mò hiow mɛɛ niaa co yɛ le, kɛ la tuisin mì vana-vana cennun mɛɛ o co yɛ, maa mɛɛ Hala ke vana-vana laalanndo yɛ.

2Korɛntea 10:7

Mɛɛ niaa co dɛnndan cɔw yɛ niaa co lan biyɔɔ ni. Te vanndo laalan pɛ maa le Krista o co ni, mɛɛ mò sínà maa naa bɛɛ le Krista naa n co ni.

2Korɛntea 4:15

Le dɛnɛ niaa kɛndɔɔ sɔɔn mun kpow n co yɔŋnɔnndo ni. Haliko mi kɛndɛi Hala-e kui, mì vannda taw mal balikaa le Hala biiloo.

1Korɛntea 8:1

Le visin nda co piɔmnda sálàlan solullo-on yɛ, muli ndɔɔ co hoo ni. I co toɲa maa «Naa kpow n sínà dɛnɛ» maa mɛɛ niaa co dimio yɛ. Kɛ nduyɛ, kuundianndo dɛnɛ sinaa yɔngu vana ni. Kaolaa yɛ, diom pilɔɔ o luei vannda tɛɛn ni.

1Korɛntea 5:6

Kuundian niaa niŋ te. La sínà maa lɛvɛnndo ɲɛ-pɔmbɔ nɔla mò heelu kpeyan buloo.

1Korɛntea 3:19

Kani kɔlkalu ceendo ho, diɔmnde o co Hala o hɔl ni, mɛɛ o co sɛvaa yɛ aa: «Mɛlɛka bii vanaa kɔlkalua a kɔlkalu nda vɔɔndo.»

2Timote 2:10

Lelan i co dɛnndan kpow biuvɔn le dɛnɛ kɛndɛ vanaa Hala hɛli-a, haliko mi nda bɛɛ sɔla cindaa, o fula Yeesu Krista o ba-o, mà sɔla vɛlɛ biilu fɛɛn-fɛɛndo.

2Korɛntea 10:15

Lelan n kilu yonga mì n hiow ba a baala caanda tosa-o le. Kɛ n nɔ tiindanndo maa laalan niaa cɔɔlunnin, o kon mì fonda vali naa n tosa niaa tɛɛn-ndo hiow laci, nduyɛ, n hiwnin pɛɛngula hendulun naa lan coo le.

2Korɛntea 10:12

Kani n tɔɔndan bɛɛ le siimanndo, te kon te le tuwvanndo a vanaa nɔ yiyannda vaa lende-a a pum te. A co kan nda pila cuannɔnndo maa ɲɛ tuvaa-a, nda pilaa tɛɛn nda co tuuŋanndan ni. Diɔmnda nda co ni.

1Korɛntea 13:4

Biwnɔnndo kaolaa biwnun ni, o nɔ kɛndɛi, o paŋala le, o kuundian te, o pe a yonga le,

1Korɛntea 9:23

I co kon kpow tosaa le sɔɛi Hala-e vannda tiiyallo haliko ma sɔla duaa ndɔɔ.

1Korɛntea 5:2

Nduyɛ la co yongaa sɔɛi. Óò bɛnda mì mɔnɛi ndíì bii niaa taw, mí niáà soli vana tosa dɛnɛ kon-ndo niaa tɛɛn.

1Korɛntea 3:21

Lelan, vana-vana tiindan biilu vanndacieea le, kani le niaa ɲɔɔn kpow n co ni.

1Korɛntea 1:31

maa mɛɛ o co o sɛvaa yɛ aa: «Vana-vana yeema pɛ le lisanndo, ndu lisan o Maalii nin.»

1Korɛntea 1:19

Kani o co o sɛvaa aa: «I tɛɛmbuunin kɔlkalu vanaa kɔlkalua, mì ɲumi dɛnɛ sinaa vanaa dɛnɛ sinaa.»

1Korɛntea 1:12

Ɲɛ ya tuei-yo co ni maa vanaa pum co niaa tɛɛn, a co dimio-a aa: «Ya le Pol ya co ni.» O pum ndu co dimio aa: «Ya le Apolɔs ya co ni.» O pum ndu aa: «Ya le Sefas ya co ni.» O pum yɛ aa: «Ya le Krista ya co ni.»

Esai 2:22

Yɛɛ nɛ vanacieo co yɛ kpeekpei!» Yoomu co ndu o milin-ndo bendu le. Lelan, la pɛngi vanacieo kɔnganndo.

Condii lisai 146:3

La tiindan vanaa kpaayaa co o ceendo ho coo-a le, vanndacieea daama nda co ni, a tiwba mà ciindiaa vana le.

Condii lisai 8:4

I tofa pɛ halataalaa, vali n tosa a laba-o co kon ni, mì tofa paangei a loeon n toosiaa-on,

Dɛnnda kiilaa 18:24

Mí Yuifinɔ pilɛ, diolan Apolɔs, fulaa Alɛksandrii tiiya Efɛs. Ndóò caa sɔɛi taw, ndóò sina vɛlɛ Sɛbɛ-Hala-o ɲɛkɛndɛi.

Dɛnnda kiilaa 19:1

Telen Apolɔs va Korɛnte-o, mí Pol balu lɛŋnde maluaŋnden, mó tiiya Efɛs. Mó komal kaandennda pum lon,

2Korɛntea 12:20

Nduyɛ, buulanndo co ya, kani lɔ́ɔ́ ya tiiyanin lon-ndo, ko i komalnin pá niaa mɛɛ ya yeema yɛ mi niaa bɛɛ ce ya mɛɛ niaa yeema le ya cɔu yɛ. I co buulanndo, ko sɛɛngianndan ya komalnin niaa tɛɛn ni, ko paŋalianndan ni, ko kɔltuwvo ni. Te kon te, yevanndan, diolan vannda tɛɛmbuuo, congulan, kelaa a vannda o lasonndo, yongaa te kon te sɔngɔlan.