1Korɛntea 4:2 - BII BILA

² Nduyɛ vana yɔngu ɲɔɔ le mandaa-o bɛnda mò va vana lo o lediom coo-o.

1Korɛntea 4:2 Referans Kwoze

Matie 25:21

Mí vana ndɔ bɛndoo dimul ndu aa: ‹Nuvali, vana baala kɛndɔɔ a vana baala lo o lediom coo-o n co ni. A yɔŋnun vana lo o lediom coo-o o ɲɛm pɔmbɔn nin, i sɔaanin ɲɔɔn taw nɔm o ba. Sɔɔnguu mì n dɔwnun ɲaale latulu naa nɔm.›

Luke 12:42

Mí Maalii mulul ndu aa: «Ɔ́ɔ̀ niko vana baala kɔlkalu lò kon o diomnden coo-o? Ndu co ò vana ndɔ bɛndoo dimulnin le hɔlla landɔɔ cɛi ndɔɔ coo a le vanaa baalaa tɔ̀a ɲɛdiaa yɔngoo a telen bɛnda-o-o ni.

Matie 25:23

Mí vana ndɔ bɛndoo dimul ndu aa: ‹Nuvali, vana baala kɛndɔɔ a vana baala lo o lediom coo-o n co ni. A yɔŋnun vana lo o lediom coo-o o ɲɛm pɔmbɔn nin, i sɔaanin ɲɔɔn taw nɔm o ba. Sɔɔnguu mì n dɔwnun ɲaale latulu naa nɔm.›

Talelan 13:17

Kiilanɔ vɔɔndo hun a dɛnɛ palaa ni, kɛ kiilanɔ toɲaa, ndu toosiaa o toosiaa dɛnndan ni.

Kundalan 12:7

Kɛ o co ɲɛ pilɛ le o co a vana ni baalaa Moise le. Ndu ndu, vana lo o lediom coo-o o co o ya lo cɛinin kpow ni.

Kolɔsea 4:17

La dimul Arsipe le hɔlla landɔɔ o vali o sɔla Maalii o ba-o coo, o tosá ndu ɲɛkɛndɛi.

2Korɛntea 2:17

N co maa vanaa pum te, a co yulalen tosaa a sɔɛi Hala-e a. Kɛ naa naa, le tùú Hala vem naa-o naa n co sɔɛi a toɲaa ndu Hala o hɔl o Krista nin ni.

Kolɔsea 1:7

Epafras caan naa naa n co vallo latulu-o pɛɛku niaa, ó co vallo le niaa maa vana baala Krista-o.

1Korɛntea 7:25

Le felengia sínà vɔ dɛnɛ vanapɔnɔ le-a yɛ, Maalii dimul-la isɔɔ a nda o kɔɔ le, kɛ yiyan nuu ya co dimi ni, ya Mɛlɛka ce ho ɲia mó siinguu ya vana o nɔla mò tiindan-ndo-o pɛɛn.

2Korɛntea 4:2

Kani n kɛɛ dɛnnda lasiɛmbula co tosanndo o vionnɔnndo nin-ndan. N co kɔlkalu vɔɔn tosa o dɛnndan nin te, n co vɛlɛ sɔɛi Hala tundɔɔ le. N co vannda toɲa kpeikpeiyo cɔmndo, mì n va kindinndo haliko ma laalan naa Hala o hɔl.

Kolɔsea 4:7

Le o co a sɔɛi nii o kɔɔ-o yɛ, Tisike downunnin niaa kona kpede. Puapilɛ naa naa n kaola taw-vo o co ni, vana baala sɔvɛ Maalii-o a caan ni naa n co vali Maalii-o tosaa latulu-o.

1Korɛntea 4:17

Le hee, i co Timote po ni ya kaola taw-vo vomɔɔ o niaa lo, vana lo o lediom coo a Mɛlɛka-o o co ni. O yiyalannin niaa nɛila ya co kelaa coo o Krista nin-ndan a mɛɛ ya co keiyo pɛɛkoo vanaa laalannda tɛɛn nɛɛ-nɛɛ ka yɛ.

2Masaa 12:15

Vanaa va baalaa le Cɛi-Hala-o mingio toosiaa-a kínɛí ndáà ke mun ni kpow, haliko mi ndáà luei mun o baala toosiaa Cɛi-Hala-o nin.

2Masaa 22:7

Kɛ vana ɲunanin nda le kona dɔwnɔn le volin co nda yɔngɔn-ndon te, kani a kɔl sandaa nda co va baalaa a mun ni.»

1Korɛntea 4:1

Lelan mɛɛ mì la ce naa maa vanaa baalaa Krista-a a vanaa bɛnda maa cɔm sɔɔn vianaŋun Hala-on-nda.

1Korɛntea 4:3

Ya ya, buulan co ya mì la kelu ya iyama, te kon te mì vanaciee kelu ya iyama le, ya pila bɛɛ i kilun iyama le.