1Korɛntea 4:15 - BII BILA

¹⁵ Kani hali la nɔ bɛɛ vannda vaalan tɔ́ le niaa nɛila Krista lan cɔmndo, fuɲaa ndu pilɛ kpé niaa nɔ o Yeesu Krista nin ni, ya siŋnun fuɲa kon ni, le cuu ya cuu niaa yoongu kɛndɔɔ-o.

1Korɛntea 4:15 Referans Kwoze

Kalatea 4:19

Cuavaa nia, i co o sanga bɛndoo nin le niaa, maa sanga vialaa, háá mì sɔɛi Yeesu-e i luɛi niaa nin,

1Korɛntea 3:10

Maa mɛɛ kɛndɛi Mɛlɛka-e i yɔngun ya-e. Ya ya, i tosa baalaa maa vana caa baalaa taw-vo, mí kila cɛiyo, mí vana celen tangul lecoo. Kɛ, mɛɛ mì vana caa taw a mɛɛ n co cɔwva lecoo yɛ.

1Korɛntea 9:23

I co kon kpow tosaa le sɔɛi Hala-e vannda tiiyallo haliko ma sɔla duaa ndɔɔ.

1Korɛntea 9:14

Lende koni Maalii dimi ni, maa vanaa co vannda Yoongu kɛndɔɔ tiiyallo-a, balo ndaa bɛnda mò fula o Yoongu kɛndɔɔ nin.

1Piɛr 1:23

niaa velun a sɛnɛi, o co o yɛi vu-o nin te-a, kɛ o yɛi vi loo nin a sɔɛi Halɛi kiyɛyii hiw lɔ́ɔ́-lɔ́ɔ̀ lei nin-nda.

Nsaki 1:18

O velu naa a sɔɛi toɲɛi mɛɛ hɛnan ndɔɔ co yɛ, haliko mi n va vanaa tasea o ɲɛm o cɔw-von tɛɛn.

Filemɔn 1:19

Ya Pol, ya pila co nɔm diomndan ndan sɛval-lo nuaa ni: i mingulnin nɔm. Sínà maa hali mì i yiyalan nɔm bɛɛ le, mɛɛ mà yɔngu ya yoomu nɔmndo.

Tite 1:4

I co nɔm Tite sɛbɔɔ ho sɛval, nɔm po ni kpeekpeiyo o laalan pilɛ naa n nɔ-o nin. Màá Hala Fuɲaa a Yeesu Krista vana ciindiaa naa ke nɔm dɛnɛ kɛndɔɔ a kɔlɲuloo!

2Timote 4:3

Kani telen pum co hunɔɔ tiiya, kaannde kpeekpeile Mɛlɛka len le hɛnannin vannda le, kɛ nda pila vanin yeemɛi le ɲɛ hɛnannin nda-o tueyɔɔ o pɛɛkoo.

1Korɛntea 9:18

Yɛɛ co yɛ niko sala nuu? Ndu co ɲɔɔ ya hɛnando le vannda Yoongu kɛndɔɔ tiiyallo fondo fúú ni, i nɔ mì ɲuna o yɔngun ya-o le diom kon dimio le.

1Korɛntea 9:12

Te vanaa pum a nɔ pɛ di kon le ɲɛm mun sɔlaa niaa o n'dial, baa naa yɛ? Vɛ̀ɛ̀ n nɔ dí mì n sɔla mun hiovɔɔ o kon coo le? Kɛ n co di kon tofa le. N co dɛnndan kpow biuvɔn yɔŋii naa mingi sɔɛi Yeesu-e a makɔɔ.

1Korɛntea 3:6

Ya Pol tɔl ni, mí Apolɔs pɔɔliaa, kɛ mí Hala tosa mí tɔlɔɔ hindu.

Rɔmnda 15:20

Kɛ ya pila daama hɛli le Yoongu kɛndɔɔ yondaa o lɛŋii vannda sina vɔ Krista lei nin ni. Yɔŋii yáà tangul o kila vana celen coo.

Kundalan 11:12

Mò va maa ya solin vannda ha o ipulu ni? Ya velu nda ni? Le yɛɛ nɛ n dimul-lɛ ya aa: ‹Bii nda o ibuŋ mɛɛ komsaa bii cɛlɛkpɛ o co vɔɛsio-o o ibuŋ yɛ háá mì la tiiya o lɛŋnde ya yiilu fuɲaa ndaa mamaa kpemaa le nda len yɔngoo len nin?›

1Korɛntea 1:30

Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,

1Korɛntea 3:8

Kpen-kpen vana tɔl-lo nda vana pɔɔlia-o co ni, Hala dɔawnin vana-vana vɔ́ngɔ̀ mɛɛ baala ndɔɔ co yɛ.

1Korɛntea 9:16

Nduyɛ, vannda Yoongu Kɛndɔɔ tiiyallo, kon co dɛnɛ kuundian le ya le, kani lelan ya sɔla veeloo ni. Dɛnɛ palaa co le ya, te i tiiyal vannda Yoongu kɛndɔɔ le.

1Korɛntea 15:1

Puapilɛa nia, i co niaa Yoongu kɛndɛ ya tiiyal niaa-o yiyalan, o niaa cɛl mì la sim lecoo yili-o.

2Korɛntea 4:5

O co yoongu naa pila le naa n co yondaa le, kɛ yoongu Maalii Yeesu Krista-o naa n co dimio ni. Nduyɛ le Yeesu naa n co vanaa baalaa niaa ni.

Kalatea 3:24

Lelan, tɔŋndo va naa hɔlten ni, háá mi Krista ndóò hin, haliko mi Hala ndóò ce naa vanaa sandaa le laalanndo.

Kalatea 3:25

Laalanndo hin niko, tɔŋndo nɔ lɛ naa lehɔl coo le.