1Korɛntea 4:12 - BII BILA

¹² N co lalle kiolɔɔ o baalaa nin. A co naa yeowlan, mì n va duaa dɔvɔɔ. A co naa yɛlen tollo, mì n va biwnɔnndo.

1Korɛntea 4:12 Referans Kwoze

1Piɛr 3:9

La mingì maa dɛnɛ vɔɔndo le, la mingì yeiyo le. Kɛ o niaa bɛnda le tosaa-o co duaa dɔvɔɔ ni, kani le ken niaa sɔla veeloo ni, haliko mi la loo duaa.

Matie 5:11

Dɛnɛ kɛndɔɔ vanin le niaa, telen nda yeownin niaa, mà tol niaa yɛlen, mà hɛɛnduu niaa sɔɔn vɔɔŋun súú-súù ka coo le ya-o.

Rɔmnda 12:14

La dɔw vanaa co niaa yɛlen tollo-a duaa. La dɔw duaa, la mɛna vana le.

Rɔmnda 12:20

Lelan, «Te yiaan ma nɛi pɛ yaamɔɔ nɔmndo, ke ndu ɲɛdiaa, te kolɔɔ bii ndu pɛ, ke ndu mò kol. Taa tosa pɛ lende, maa ladɛngulta biyaalan n co ndu dengeliaa o lebol lende ni.»

Dɛnnda kiilaa 18:3

Le tùú nda va baala pilɔɔ tosaa-o, cɛila-kolala-toandaalan ndáà toosiaa ni, mó kɔ luɛi o yiya o nda lo, má va baalaa latulu.

Luke 6:28

mì la dɔw vanaa co niaa mɛɛniaa-a duaa, mì la piɛi Hala le vanaa co niaa saangiaa-a.

1Piɛr 3:14

La sɔla pɛ sangaa le dɛnɛ kɛndɛ niaa co tosaa-o, mɛɛ dɛnɛ kɛndɔɔ vanin le niaa. La nɔ siòònde a ɲɛ vanndacieea nɔ siòònde-o le, la va yoloma-yoloma le.

1Piɛr 2:23

ndu nda yei o mingi loo, ndu nda saangiaa, o pasa loo, kɛ mó mɛi Hala Vana kialaa iyama sandaa sɔɛi ndɔɛi o ba.

Luke 23:34

Mí Yeesu dimi aa: «Pua, mal nda haki, kani a sina ɲɛ nda co tosaa-o le.» O kon kɔɔli, má mal siondei le volɔɔla ndɔla cuɛinanndan piɔvanndo.

Matie 5:44

Kɛ ya, i co niaa dimul: la kaola yaamɔaa niaa, la piɛi Hala le vanaa co niaa saangiaa a niaa yɛlen tollo-a.

Dɛnnda kiilaa 7:60

O kon kɔɔli, mó del vula baŋaa, mó yonda coocoo aa: «Maalii, mal nda haki le haki ndaa ho!» Mɛɛ o cii kon dimi, mó malnun kɔl.

Nsaŋ 15:20

La lóónun a sɔɛi ya dimul niaa-e maa buɛiyo hiw vana ndɔ bɛndoo le. Taa tol-la pɛ yɛlen, mɛɛ niaa bɛɛ a tolnin niaa yɛlen, taa bii pɛ sɔɛi nii, mɛɛ a biinin vɛlɛ sɔɛi niɛi.

Yude 1:9

Nduyɛ, hali lɔ́ɔ́ Misɛl simlacinɔ mɛlɛkaa va sɛɛngianndo nda masaa ɲinaa vɔɔnda le dialun Moise-on ndo, o dimul ndu diomnda vɔɔnda vaa lende le, kɛ nuaa o dimul ndu ni aa: «Màá Mɛlɛka tuisi nɔm dɛnɛ palaa coo!»

1Timote 4:10

Lelan, te n co pɛ baalaa mì n va sangaa taw, le tùú naa n tiindan Hala nɔ yoomoo o ba-o ni, o co vana ciindiaa le vannda kpow-vo, kɛ taama-taama vanaa laalannda.

2Tesalonikea 3:8

Vana-vana dow naa balo fúú le, kɛ mí n fafala o baalaa nin, mí n sanga taw. N va baalaa idii a icɔl yɔŋii náà n va o ba vana bɛngu niaa tɛɛn.

1Tesalonikea 2:9

Puapilɛa naa, la yiyan ndɔ mɛɛ naa n tosa baalaa mí n sanga taw yɛ: n va vallo idii a icɔl telen naa n va niaa Yoongu kɛndɛ fula Hala o ba-o tiiyallo-o yɔŋii naa n va o ba pila bɛngu.

1Korɛntea 9:6

Te o co kon te, vɛ̀ɛ̀ naa Barnabas koni bɛnda mì n tosa vallo le baloo dɔwnɔnndo ni?

Dɛnnda kiilaa 20:34

Niaa pila sinà maa ya pila va baalaa tosaa le o ya nɔ makoo-o sɔlaa ni, a le makola vanaa va ya kɔɔli-a nɛŋio.

1Piɛr 4:19

Lelan, vanaa co sangaa sɔlaa o hɛnan Hala-o tosaa-a nin-nda nda mɛi kɔlta ndalan vana cɔw ɲɔɔn-ndo o ba, o faŋan o diomnde ndɔlen coo loo, mà hiow laci a dɛnɛ kɛndɔɔ tosaa.

Rɔmnda 8:35

Nɛ̀ɛ́ sɛi yɛnin naa a canyɛi Krista-e? Mo va maa dɛnɛ palaa ni? Buulan bɛndoo bàà? Yaamɔɔlen bàà? Yiaan bàà? Bala fondolan bàà? Kpundɛlan bàà? Mɔɛi cɔwve bàà?

2Korɛntea 11:8

Kundala vanaa laalaŋaa celen la sala ya, mí cua volin ndan le niaa malaa.

Efɛsea 4:28

Vana co vuilenndo, ndu mal vuilen. Ndu pila tosa baalaa, haliko mo sɔla ɲɛ o piɔvan nda vanaa co o bahavɛiyo nin-nda-o.