1Korɛntea 4:10 - BII BILA

¹⁰ Diɔmnda naa n co le Krista ni, kɛ niaa niaa, vanaa kɔlkalua pila niaa co o ndu nin ni. N nɔ mayoomu le, kɛ niaa la nɔ yoomuan. N nɔ lebɛɛ le, kɛ niaa la nɔ bɛɛlen.

1Korɛntea 4:10 Referans Kwoze

1Korɛntea 2:3

Lelan, i va niaa ikɛi a dialun vílɛ́iyon, a siòònde mí va ɲiiya taw.

Dɛnnda kiilaa 26:24

Pol lo sɔɔn mun cɔmndo, mí Fɛstis yonda aa: «Poo nɔm a seema! Pɛɛku bɛndoo cii nɔm bollen hiŋ!»

Dɛnnda kiilaa 17:18

Vanaa kɔlkalua del Epikuri nda Stoise kɔɔli-a a pum a va ndu sɛɛngiaa. Mí a pum a va ɲunaa aa: «Yɛɛ vana tombolaa ho yeema yɛ dimio?» Mí a pum nda dimi aa: «Bɔɔle a halaa mialla o kɔɔ o co sɔɛi nuaa ni.» Le tùú nda tuei Pol sɔɛi a Yoongu Kɛndɛ Yeesu-o o kɔɔ a á tendul ndɔɔ fulaa vanvílɛ́iya tɛɛn-ndo o kɔɔ-o nda va dimio lende ni.

1Piɛr 4:14

Te la sɔla pɛ sangaa le diola Krista lan, dɛnɛ kɛndɔɔ o co le niaa ni, kani Kɔl biilaa, Kɔl Hala-o co niaa coo.

2Korɛntea 13:9

Te n nɔ mayoomu le, n naŋ kɔl, kɛ niaa niaa la nɔ yoomuan, nduyɛ o naa n yeema o piɛile naalen nin-ndo co ni, mì la peelun.

1Korɛntea 3:18

Vana-vana huinun ndu pila le. Te vana pum o niaa tɛɛn yiyan pɛ maa o nɔ kɔlkalu ivanacieeyaa, mɛɛ o siŋnun diɔmndo mò sɔla kɔlkalu kpeekpeiyo.

1Tesalonikea 4:8

Lelan, vana-vana kɛɛ pɛ pɛɛkoo ho, o co vanaciee le o kɛɛ le, kɛ Hala, o co niaa Kɔl-Diandaa ndɔɔ keo-vo o kɛɛ lende ni.

2Korɛntea 11:29

Te vana pum va pɛ vana nɔ mayoomu loo, ya bɛɛ i cennun vana nɔ mayoomu loo. Te vana pilɛ pɔw pɛ, i sanga taw o kɔl nuu nin.

2Korɛntea 11:19

Niaa vanaa kɔlkalua co vɔ cɛlɔɔ a kɔlta niaalan kpow le diɔmnda biuvɔnndo.

2Korɛntea 10:10

Kani vannda co dimio aa: «Diomnda co o sɛbɛla Pol-tan nin-ndan la vɔw bɔɔ, la hɛnan vana o tueyɔɔ le, kɛ ndu pila va pɛ naa tɛɛn, vana ci ndu ɲɛ-ɲɛ le, vana luei bɛɛ sɔɛi ndɔɛi yii le.»

1Korɛntea 10:12

Lelan, vana-vana yiyan pɛ maa o sim yili, ndu mandan yɔŋii o del.

1Korɛntea 4:8

Ɲɛ-ɲɛ niaa yeema pɛ, la cii sɔla. La cii nin bolofaa sɔla. La kandu masalen tosaa, naa naa n co n'masa le, vɛ̀ɛ̀ lende le? Màá niáà siŋnun ko n'masa, o kon mì naa n tosa masalen naa niaa!

1Korɛntea 3:2

A nɔnɔan ya dɔw niaa balo ni, o co a ɲɛdiaa kàlà-kálà le, kani niáà tiwnin ba kon dioo le. Nduyɛ, sunsun bɛɛ la nɔla vɔ le, kani la co vɔ kelaa maa vanaa ceenda.

1Korɛntea 2:14

Vanaciee nɔ Hala Kɔl-Diandaa loo nɔla mò cɛl sɔɔn Hala Kɔl-Diandaa le, kani sɔɔn ndiɔmndon n co ndu o hɔl ni. Mɛɛ mì Hala Kɔl-Diandaa va vanndo nin malan o sínà mun kɔlɔlan.

Dɛnnda kiilaa 17:32

Ndáà tueyɔɔ Pol sɔɛi a tendul vanvílɛ́iya o kɔɔ, mí vanaa pum can ndu mamɔɔ, mí a pum nda dimi aa: «Lɔ́ɔ́ celen a dimul naa.»

Dɛnnda kiilaa 9:16

Ya pila cɔmnin ndu sanga kɛ́-kɛ̀ o co hunɔɔ sɔla o diola nilan.»

Luke 18:9

Mí Yeesu dimi taloo ho a vanaa pum o kɔɔ, a cennun nda pila vanaa sandaa, a ci caaŋaa ndaa ɲɛ-ɲɛ le-a aa:

Luke 10:16

Mí Yeesu dimul vɛlɛ kaandeŋaa ndɔa aa: «Vana-vana tuei pɛ niaa diom, mɛɛ ya o tuei diom ni, vana kɛɛ pɛ niaa, mɛɛ ya o kɛɛ ni. Nduyɛ, vana-vana kɛɛ ya pɛ, mɛɛ vana vem ya-o o kɛɛ lende ni.»

Luke 6:22

Dɛnɛ kɛndɔɔ co le niaa, telen vannda nɔnin nɛyɔn niaa, mà kɛɛ niaa, mà va niaa yeowlan, mà kela a niaa o lasonndo le tùú niaa laalan Po vanacieo-vo.

Matie 24:9

A tuisinin dɛnɛ palaa súú-súù ka niaa coo, mà diw niaa, mì vanaa-mangalaa-isɔɔa kpow a pɛɛsa niaa le diola nilan.

Matie 5:11

Dɛnɛ kɛndɔɔ vanin le niaa, telen nda yeownin niaa, mà tol niaa yɛlen, mà hɛɛnduu niaa sɔɔn vɔɔŋun súú-súù ka coo le ya-o.

Osee 9:7

Palɛi Mɛlɛka co sangaa tuisi-e tiiya, palɛi konalan la dɔawnunnin-nde pɛɛn. A toɲa, palɛi ken keinin Israɛlla coo. La co dimio aa: ‹Vana-tɛɛngaa-diom Hala-o seema. Vana sɔla Kɔllo-o hiŋnun bollen.› Lende ni, kɛ kon tosan le dɛnɛ vɔɔn niaa bɛndoo a le nɛyɔn bɛndu niaa nɔ-o.

Esai 53:3

Vana vannda ndáà pɛɛsa ma kɛɛ-o o va ni, vana ɲɛ kindilaa o va ni, vana dema sangaa sɔla-o o va ni. Maa vana vannda feŋal hɔlla-o o va ni, ndáà tɛɛndan ndu bɔɔ, ndáà ci ndu ɲɛ-ɲɛ le.

Talelan 11:12

Vana congu caanda-o pe lebol te, kɛ vana kɔlkaloo ndu, meinɔnndo o meinun ni.

2Masaa 9:11

Mí Yehu fula, mó muungu nɛɛ simlacia vana ndɔ bɛndoo va-a. Má kɔ ɲuna ndu aa: «Vɛ o co sɔɛi vɔɔn te? Yɛɛ nɛ vana seemɛi kon ndóò hin yɛ tosa o nɔm ndo?» Mí Yehu mulul nda aa: «Niaa pila sina langbanɔɔ ho a sɔɔn fula ndu o sondo-on!»

1Korɛntea 1:21

Le mɛɛ ceendo a kɔlkalu ndɔɔ siná Hala o kɔlkalu ndu Hala-o nin te yɛ, mí ɲɔɔ hɛnan Hala le vanaa laalannda ciindiaa a sɔɛi ndɔɛi vannda co ken cɔu diɔmnde-e.

1Korɛntea 1:23

Naa naa, sɔɛi Krista nda baŋ o yɔm singafilaa coo-e naa n co vannda tiiyallo ni, sɔɛi co tosaa mì Yuifia va luɛyɔɔ o pɔwlan nin, mì i va diɔmnde le vanaa sínà Hala le-a-e pɛɛn.

1Korɛntea 1:25

Kani dɛnɛ Hala vannda co cɔu maa idiɔm-ndo hiow kɔlkalu vanndacieea, kpaaya lepɛŋ ndɔɔ hiow kpaaya vanndacieea.

2Korɛntea 6:8

Vannda co naa bɛɛlen keo, mà va naa bɛ̀ɛ̀lan tɛɛmbuuo. A co sɔɔn vɔɔnndon dimio a naa o kɔɔ, mà va sɔɔn naan kɛndɔn dimio. A co naa cɔw vanaa lacòòvaa, nduyɛ toɲaa naa n co nda dimullo ni.

2Korɛntea 4:12

Le hee, piɔ́mndo co naa baalaa o n'dial, haliko mi yoomoo tosa niaa koni baalaa o n'dial.