1Korɛntea 4:1 - BII BILA

¹ Lelan mɛɛ mì la ce naa maa vanaa baalaa Krista-a a vanaa bɛnda maa cɔm sɔɔn vianaŋun Hala-on-nda.

1Korɛntea 4:1 Referans Kwoze

1Piɛr 4:10

Vana-vana tosa mì caanda sɔla malaa o ke o sɔla Hala o ba-o nin. O kon mì la siŋnun vanaa caa ɲɔɔn mandaa-a, ɲɛm Hala ke niaa-on.

Tite 1:7

Nduyɛ, le mɛɛ simlacinɔ vanaa laalannda bɛnda mò nɔ hɔlten baala Hala-o coo yɛ, o bɛnda mò va vana yaalan too: o va vana yonga le, o va vana nɛi kɔl itambu loo le. O va vana yɔngun mɔiyan-ndo le, o va vana lasɔngɔ le, o va vana hɔlte ɲɛ-sɔlaa le.

1Timote 3:9

mà va vanaa bii sɔɛi toɲa kpeekpeiye a laalanndo a á yiyan kɛndɔɔ-a.

2Korɛntea 4:5

O co yoongu naa pila le naa n co yondaa le, kɛ yoongu Maalii Yeesu Krista-o naa n co dimio ni. Nduyɛ le Yeesu naa n co vanaa baalaa niaa ni.

Efɛsea 6:19

La piɛi vɛlɛ Hala le ya, haliko te i va pɛ sɔɛi, mò ke ya diomnda bɛnda lan, mì soo a kɔlkɛsiaa, mì cɔm vannda sɔɛi vianaŋii co o Yoongu kɛndɔɔ nin-nde.

Kolɔsea 2:2

haliko ma sɔla yoomuan, mà va diom pilɛ o kaolianndo nin, mà sɔla laalan kɔlkalu kpeekpeiyo. O kon mà sínà dɛnɛ viannan Hala-o, Krista pɛɛn.

Rɔmnda 16:25

N candun Hala! Ó nɔ kpaayaa le niaa yoomuan lueiyo o laalanndo nin-ndo, maa mɛɛ Yoongu kɛndɛ ya cuu niaa-o a sɔɛi Yeesu Krista ya tiiyal niaa-e co yɛ, a mɛɛ sɔɛi vianaŋii naa n sɔla Hala o ba-e i co yɛ. O Yoongu kɛndɛ kon nin Hala co kaamaa co o viannanndo kabi masindɛ-o cɔmndo ni.

Kolɔsea 4:3

Mì la piɛi vɛlɛ le naa: mì Hala kumbil naa dioo le sɔɛi, haliko mi n tiwba dɛnɛ viannan Krista-o yondaa. Le dɛnɛ viannan ndɔ kon ya co o yɔlɔn nuaa ni,

Efɛsea 1:9

O cɔm naa sɔɛi vianaŋii ndóò yeema le tosaa-e, sɔɛi vianaŋii kɛndɛ-kɛndɛ ndóò tuu le tosaa o Krista nin-nde.

2Korɛntea 12:6

Hali yáà yeema bɛɛ le kuundianndo, yáà venin diɔm te, kani toɲaa yáà diminin ni. Kɛ i co kuundian te, yɔŋii vana cɔ ya o bɛndu hiovɔɔ ɲɛ ya co tosaa-o coo, te kon te mà ce ya mɛɛ vannda a co tueyɔɔ a ya o kɔɔ-e coo.

2Korɛntea 11:23

Hee ndi maa vana seemɛi kpeekpei ya co ndi dimi ni. Vɛ̀ɛ̀ vanaa baalaa Krista-a nda co ni? Ya, i hiow nda o nɛi kon coo, kani i kei o sangalan taw nin mí hiaw nda, a mal-la o kaasoolan taw mí hiaw nda, i sɔla lɔɔ hiovɔɔ o nda sɔla-o. Mbɔ̀ piɔ́mndo bindibindi ya bɔɔ!

Luke 12:42

Mí Maalii mulul ndu aa: «Ɔ́ɔ̀ niko vana baala kɔlkalu lò kon o diomnden coo-o? Ndu co ò vana ndɔ bɛndoo dimulnin le hɔlla landɔɔ cɛi ndɔɔ coo a le vanaa baalaa tɔ̀a ɲɛdiaa yɔngoo a telen bɛnda-o-o ni.

Matie 24:45

«Ɔ́ɔ̀ vana baala kɔlkalu lò kon o diomnden coo-o, ò vana ndɔ bɛndoo handu buɛyaa ndɔa bollen le nda baloo keo o telen bɛnda-o-o?

1Timote 3:16

A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.

1Timote 3:6

O va vana laalan sɛnɛi-yo le, yɔŋii yongaa piɔ ndu nin, mò sɔla yaalaa maa mɛɛ ɲina vɔɔndo sɔla yaalaa yɛ.

2Korɛntea 6:4

Kɛ o dɛnndan nin kpow, n co vannda cɔmndo maa vanaa baalaa Hala-a lekɛ́ndɛi naa n co ni: n co sangalan biwnɔnndo taw, sɔɔn imɔnɔn a sɔɔn yɔngu vana buulannda bɛndulan-ndon.

1Korɛntea 4:13

A tɛɛmbuu pɛ naa diolan, n tɛɛlun nda. Háá sunsun, a co naa cɔu maa nɔ́ɔ́ sál, nɔɔ le ceendo kpede.

1Korɛntea 3:5

Nɛ̀ɛ́ co yɛ niko Apolɔs? Nɛ̀ɛ́ co yɛ Pol? Vanaa baala Hala-a daama naa n co ni, a niaa laalan o ba-a, maa mɛɛ Hala ke vana-vana vallo le tosaa yɛ.

1Korɛntea 2:7

Kɛ kɔlkalu Hala-o, kɔlkalu dɔaw vanndacieea kɔndɔfilio, o co o vianaa-o, o Hala ndóò cii nin hɛli le biilu naa lɔ́ɔ́ pá mí ceendo ho kandun-ndo.

Marke 4:11

Mó mulul nda aa: «Niaa, o kennun niaa le dɛnnda viannanndan sinaa a masale Hala len o kɔɔ, kɛ le vanaa celen, maa lasanda daama la co le nda ni,

Matie 13:11

Mí Yeesu mulul nda aa: «Niaa, la sɔla sinapɛngoo le dɛnnda viannanndan bilaa biyɔɔ a masale halataala len o kɔɔ, kɛ nda sɔla sinapɛngu vaa lende le.

Luke 8:10

Mó mulul nda aa: «Niaa niaa, la sina sɔɔn viannaŋun masale Hala len. Kɛ vanaa celen yɛ, n dimulun nda o talelan nin haliko: a va tofaa, kɛ a ca le, a va tueyɔɔ, kɛ a bii bila le.»

Luke 1:2

má tiiyal vannda lan mɛɛ seyaa ce sɔɔn mun a lehɔl kabi o tasendɔ-a a dimul naa yɛ, aa sɔla kan dio le sɔɛi Hala-e dimio-a pɛɛn.

Rɔmnda 11:25

Puapilɛa nia, i yeema mì la pɔw dɛnɛ kɔndɔfillo ho le, yɔŋii niaa pila cɔnnun vanaa kɔlkalu. Israɛlla pum a lonin nila kalulan tosaa háá mì vanaa sina Hala le-a kpow a muungu Hala o ibuŋ.

1Korɛntea 4:2

Nduyɛ vana yɔngu ɲɔɔ le mandaa-o bɛnda mò va vana lo o lediom coo-o.