1Korɛntea 3:9 - BII BILA

⁹ Kani vanaa co baalaa latulu a Hala-a naa n co ni. Niaa co ciɛi ndɔɛi ni.

1Korɛntea 3:9 Referans Kwoze

1Piɛr 2:5

Niaa bɛɛ, la va maa powta kiyɛi, mì la sɔla luɛyɔɔ o tangul cɛi Kɔl-Diandaa nin, mì la va vanaa-solia-lasálàá diandaa, le sálàla kɔltan solio, la hɛnan Hala o Yeesu Krista nin-ndan,

2Korɛntea 6:1

Lelan, naa co vallo a Hala diom pilɛ-a, n co niaa tɛɛlɔn, la cɛ̀l mì kɛndɛi niaa sɔla Hala o ba-e i tambun fúú le.

1Korɛntea 3:16

Cɛi-Hala-o niaa co ni, Hala Kɔl-Diandaa co niaa nin. Vɛ̀ɛ̀ la sínà ken te?

Marke 16:20

Má kɔannun a sɔɛi Hala-e dimio nɛɛ-nɛɛ ka. Yeesu va latulu a nda o baala kon nin, mó va nda kpaayaa keo le dɛnnda kaamaalan tosaa. Cɔmndo va kon ni maa toɲaa kaandennda va dimio ni.]

Matie 9:37

O kon mó dimul kaandeŋaa ndɔa aa: «Cɛi vesa taw le kovɔɔ, kɛ vanaa koavaa co sɛ́lɛ́ le.

Esai 61:11

Kani mɛɛ lɛŋnden le soli ɲɛ vul lecoo-o yɛ, mɛɛ nakɔɔ soli ɲɛ tɔlnun lecoo-o mò vil nuaa yɛ, lende koni Maalii Hala tosanin ni, mì dɛnɛ sandaa a lisaa vil vanaa-mangalaa-isɔɔa kpow o hɔl.

1Korɛntea 3:6

Ya Pol tɔl ni, mí Apolɔs pɔɔliaa, kɛ mí Hala tosa mí tɔlɔɔ hindu.

Kolɔsea 2:7

La sim mì la luei puundon o ndu nin, mì la tangul yoomu niaa o ndu coo maa mɛɛ niaa sɔla pɛɛkoo yɛ, mì la va vanaa sinaa ikɛndɛa taw.

Efɛsea 2:10

Kani Hala toosiaa naa ni, o cɔw naa o Krista nin haliko mi n va dɛnnda kɛndɛlan tosaa, dɛnnda kɛndɛla ndóò tuu paandu pá haliko mi n tosa lan-ndan pɛɛn.

1Korɛntea 6:19

La sínà le maa dialun nian n co Cɛi-Mɛlɛka Hala Kɔl-Diandaa ni, o co niaa nin-ndo pɛɛn, o niaa sɔla Hala o ba-o? La co a ba niaa le.

Dɛnnda kiilaa 4:11

A ndu Yeesu o kɔɔ Sɛbɛ Hala-o dimi ni aa: ‹Pow vanaa cɔavaa cɛiya viow-vo siŋnun pow kilaa cɛiyo.›

3Nsaŋ 1:8

Lelan o bɛnda mì n mala vanaa vaa lende, haliko mi naa bɛɛ n tosa ɲɛ le toɲaa sɛŋio.

1Timote 3:15

kɛ te i yala lakɔ le, sɛbɔɔ ho malanin nɔm pɔɔ le sinaa mɛɛ vannda bɛnda mà va kelaa o Cɛi-Hala-o nin yɛ, vanaa laalaŋaa Hala nɔ yoomoo o ba-o-a pɛɛn, nduyɛ nda co sungbulen a tiindan toɲaa ni.

Esai 61:3

Le vanaa co o mɔnɛi nin Siɔn-nda (malaa), le nda lɔngɔlianndo o loolio nin faŋaa kuee, mì yɔngu nda mɔsil isalamayaa, le dɛnɛ palaa faŋaa nda coo, mì yɔngu nda cuɛima suunanma kɔlkɛndɛan, mì faŋa nda kɔl imɔnɔɔ coo, mì yɔngu nda ɲɛ cuɛinan sɔvɛɔ, yɔŋii nda va o kɔl tambɛiyo nin. O kon a veelunin nda aa vanaa tɔlnun pi o dɛnɛ sandaa nin-nda, tɔlɔɔ Mɛlɛka-o, o ó tɔl le biilu ndɔɔ cɔmndo-o.»

2Korɛntea 6:16

Ɔ́ɔ̀ bɛnda co Cɛi-Hala-o nda piɔmnda tɛɛn-ndo? Kani naa co Cɛi-Hala kiyɛiyo ni, maa mɛɛ Hala pila dimi yɛ aa: «I vanin niaa tɛɛn, mì kela niaa tɛɛn, i vanin Hala niaa mì niaa va cuavaa nia.»

Yeremi 2:21

Nduyɛ, yáà tɔl nɔm maa nakɔ n'rɛsɛn kɛndɛ-kɛndɛ, maa tɔlɔɔ tum kɛndɛ-kɛndɛ. Vɛ̀ɛ̀ n looku yɛ kɔllo mangalan a ya o lepilɔɔ nuaa? Le yɛɛ n muungu yɛ maa rɛsɛn foofiɛi nda fula nɛɛ celen pɔ́-o?

Condii lisai 118:22

Ya pow vanaa cɔavaa cɛiya viow-vo, i siŋnun pow kilaa cɛiyo.

Condii lisai 72:16

Maalon kuinin o lɛŋnden coo, n vanin o pembon coo ba-ba fee, n naŋnin maa bil co Liban-ndo. N tiwnin o kobion nin maa bil co o yondoo nin-ndo.

Hebreea 3:6

Kɛ sunsun, Krista yɔŋnun po tosa vallo o sandei nin-ndo, ndu co Cɛi-Hala-o bollen ni. Te n lo pɛ kɔllo kɛsio o laalan naa n tiindan-ndo coo, mɛɛ naa n co cɛi ndɔ kon ni.

Matie 16:18

Ya, i co nɔm dimul, Piɛr n co ni, powvo pɛɛn, o powvo ho coo ya tangulnin kunda vanaa laalaŋaa nia ni, kpaaya piɔ́mndo nɔlanin kunda kon ɲɛ-ɲɛ tosa le.

Esai 61:5

Mialla vanin icali lenin, a vanin cɔlua niaa mandaa le nda yɔɔ diólan, poaa mialla vanin vanaa vàà niaa, a vanaa tɔalaa n'rɛsɛŋaa niaa ni.

Esai 32:20

Dɛnɛ kɛndɔɔ vanin le vanaa saŋnin kullon ba-ba fee o mɛnndan dangalaa-a, a malnin nawva a sofɛlɛa kelaa o ba ndaa coo-a pɛɛn.

Talelan 9:1

Kɔlkaloo sɛl sungbuan man ŋɔmmɛw mó tangul cɛi ndɔɔ.

Matie 15:13

Mó muli aa: «Yɔm oo yɔm Fuɲa ni co o halataala-o tol te, ndu sungunnin.