1Korɛntea 3:6 - BII BILA

⁶ Ya Pol tɔl ni, mí Apolɔs pɔɔliaa, kɛ mí Hala tosa mí tɔlɔɔ hindu.

1Korɛntea 3:6 Referans Kwoze

Talelan 11:25

Vana tosal vannda kɛndɛi-yo vanin o piaa lɔ́ɔ́-lɔ́ɔ̀ a ɲɛm kɛndɔn, vana ke caanda ma kol-lo sɔlanin le kolɔɔ.

1Korɛntea 1:30

Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,

1Korɛntea 9:1

Vɛ̀ɛ̀ o co o ba nuu coo le ya co le? Vɛ̀ɛ̀ o co kiilaa le ya co le? Vɛ̀ɛ̀ i ci Maalii naa Yeesu le? Vɛ̀ɛ̀ o co niaa le co tɔnɔ vali fula o baala ya tosa le Maalii naa-o nin-ndo le?

Esai 61:11

Kani mɛɛ lɛŋnden le soli ɲɛ vul lecoo-o yɛ, mɛɛ nakɔɔ soli ɲɛ tɔlnun lecoo-o mò vil nuaa yɛ, lende koni Maalii Hala tosanin ni, mì dɛnɛ sandaa a lisaa vil vanaa-mangalaa-isɔɔa kpow o hɔl.

Dɛnnda kiilaa 19:1

Telen Apolɔs va Korɛnte-o, mí Pol balu lɛŋnde maluaŋnden, mó tiiya Efɛs. Mó komal kaandennda pum lon,

Dɛnnda kiilaa 11:18

Mɛɛ nda tuei sɔɔn mun, mí nda kpow a mei, má candu Hala aa: «Mɛɛ Hala cɛl mì vanaa co N'Yuifi le-a bɛɛ mangala kelala ndalan, mà sɔla ciinda kpeekpeiyo.»

1Tesalonikea 1:5

kani o co a sondo daama le naa n tiiyal niaa Yoongu kɛndɔɔ le, kɛ a kpaayaa a á mala Hala Kɔl-Diandaa mala naa-o. Nduyɛ, la sínà mɛɛ naa n va niaa kelaa tɛɛn le dɛnɛ kɛndɛ niaa yɛ.

Rɔmnda 15:18

Kani i diminin isɔɔ oo isɔɔ le, te o co sɔɛi Krista tosa o ya nin-nde le, sɔɛi o tosa mí vanaa co n'yuif le-a bii sɔɛi Hala-e yɛ. A sɔɛi sondoei a á dɛnndan o tosa ken

Dɛnnda kiilaa 21:19

Pol ciiyo nda yilɔɔ, mó downun nda kona o lepola dɛnnda Hala tosa o baala ndɔɔ nin vanaa ve N'Yuifi le-a tɛɛn ndan, mó cɔm tɔmaseloo a ndu pila o kɔɔ.

Dɛnnda kiilaa 18:24

Mí Yuifinɔ pilɛ, diolan Apolɔs, fulaa Alɛksandrii tiiya Efɛs. Ndóò caa sɔɛi taw, ndóò sina vɛlɛ Sɛbɛ-Hala-o ɲɛkɛndɛi.

Dɛnnda kiilaa 16:14

Vanalanɔ pilɛ va nda tɛɛn diolan Lidi, fulaa o kobio Tiatir. Kolala siaŋala volototola báà kalalan ndóò pisi ni, o va Hala piɛiyo. O va naa nilan yaŋɔɔ, mí Mɛlɛka kumbi ndu kɔllo le ɲɛ Pol va dimio-o tueyɔɔ ɲɛkɛndɛi.

Condii lisai 127:1

Condii fula o condun Salomɔn-ndon nin-nde, condii vannda keì solio nɛi-tɛɛn o kɔlan-nde. Te o co mì Mɛlɛka baŋ cɛiyo le, mɛɛ sanga fondo fúú vanaa co ndu cɔvɔɔ-a co ni. Te o co mì Mɛlɛka kanda kobio le, mɛɛ sanganndo fúú vanaa co ndu kandaa-a co ni.

Condii lisai 62:11

La tííndàn delɔɔ coo le, la handu kɔltan o vannda ɲɔɔn puuwvo o laba coo le. Bolofaa niaa va bɛɛ handɔnndo lecoo, la handu kɔltan lecoo le.

Condii lisai 62:9

Niaa vanndacieea sei! La vá Hala tiindanndo lɔ́ɔ́-lɔ́ɔ̀, la kɛsí ndu kɔltan coo, kani ndu co nɛɛ viannannda le naa ni.

Dɛnnda kiilaa 14:27

Mɛɛ nda tiiya Antiɔs, má bɔɔŋiaa vanaa Krista-aa, má downun nda kona a ɲɛ-ɲɛ Hala tosal nda, a mɛɛ o kumbil vanaa ve N'Yuifi le-a dioo, mí nda bɛɛ a laalan yɛ.

1Korɛntea 1:12

Ɲɛ ya tuei-yo co ni maa vanaa pum co niaa tɛɛn, a co dimio-a aa: «Ya le Pol ya co ni.» O pum ndu co dimio aa: «Ya le Apolɔs ya co ni.» O pum ndu aa: «Ya le Sefas ya co ni.» O pum yɛ aa: «Ya le Krista ya co ni.»

1Korɛntea 3:7

Lelan, vana tɔl-lo nda vana pɔɔlia-o co ɲɛ-ɲɛ le, fɔ Hala, o tosa mó hindu-o.

1Korɛntea 3:22

O va Pol, o va Apolɔs, te kon te Piɛr, o va ceendo, o va yoomoo, o va piɔ́mndo, o va ɲɛm n co sunsun-ndon, o va n co hunɔɔ-on, mun kpede le niaa n co ni.

Efɛsea 3:17

haliko mi Krista cal niaa o lakɔl o laalanndo nin. I co vɛlɛ ndu piɛi mì la luei puundon, mì la sim yili o kaolaa nin,