1Korɛntea 3:19 - BII BILA

¹⁹ Kani kɔlkalu ceendo ho, diɔmnde o co Hala o hɔl ni, mɛɛ o co sɛvaa yɛ aa: «Mɛlɛka bii vanaa kɔlkalua a kɔlkalu nda vɔɔndo.»

1Korɛntea 3:19 Referans Kwoze

SƐBƐ YƆB-O 5:13

Ndu bii vanaa kɔlkalua o yaŋɔɔle kɔlkalu ndaa ni, mì silala ndala tuundɛilan la siŋnun fúú.

Condii lisai 141:10

Màá vanaa yɔŋ vɔɔŋaa kan a haw o yaŋɔɔla nda pila hɛɛnduu lan ndan, mì ya koni i kɔ hiownun yɛngɛsɛɛ!

Esai 44:25

I tɛɛmbuu tɔɔmaselela vanaa-tɛɛngaa-diom halaa lacòòvaa. I hiŋ vanaa dimi siɔdii lacio-a bolle. I ɲindu vanaa kɔlkalua aa makɔɔ, mí siinguu kɔlkalu ndaa diɔmnde.

1Korɛntea 2:6

Nduyɛ, kɔlkaloo naa n co niaa vanaa sínà sɔɛi Hala-e-a pɛɛkoo ni, o co kɔlkalu ceendo ho le, o co vɛlɛ kɔlkalu masaa ceenda haa sunsun te, a co kan hunɔɔ itambu-a.

2Samiɛl 16:23

O telen kon yɛ, vannda va silala Ahitofɛl-tan biyɔɔ maa sɔɛi Hala. Hali David nda Absalɔm va silala ndɔlan biyɔɔ.

Fulaa 18:11

I sina nihau maa Mɛlɛka hiow halaa kpow ni, kani ndu pila cɔm kpaaya ndɔɔ telen Esiptea va Israɛlla bɛpɛlaa-o.»

2Samiɛl 15:31

Mí vannda dimul David aa: «Ahitofɛl co vana pilɛ o vanaa yii dúmbóó nda Absalɔm-aa latulu-a tɛɛn.» O kon mí David piɛi aa: «Éé Mɛlɛka! Tɛɛmbuu silala Ahitofɛl-tan yandi.»

2Samiɛl 17:23

Tuma Ahitofɛl ce maa vannda bii sila ndɔɔ loo, mó dovi sofɛlɛ ndɔɔ, mó muungun o ndu lo ciee. Mɛɛ o tiiya, mó congun yungu ndɔɔ, mó kɔ landun, mó vu. Má kumbu ndu o sɛi fuɲa ndɔ-o nin.

2Samiɛl 17:14

Mí Absalɔm nda Israɛlla kpow a dimi aa: «Sila Husai Arkiinɔ-o hiow bɛnda a sila Ahitofɛl-lo!» Kani Mɛlɛka ndóò yeema le tuu Ahitofɛl-lo tɛɛmbuuo haliko mi ndóò tuisi Absalɔm dɛnɛ palaa coo.

Fulaa 1:10

Lelan, n nuwvian taasio a dɛnɛ ndaa o kɔɔ, yɔŋii nda lo kui bɛndoo ho. Kani vannda bɛɛ hinul naa a cɔwvo ni, à nɔla mà del yaamɔaa naa kan kɔɔli le naa cɔlɔbaa, o kon à faŋan o lɛŋnde naalen nin.»

Ɛstɛr 7:10

Má kɔ landu Haman o yɔm ndóò toosiaa kon le Mardosee-o. O kon mí masaa ɲulul kɔl.

Talelan 14:8

Vana taasio dɔaw kela ndɔɔ taasi ni, kani o kendu kɔl. Kɛ diɔmnde laasiaa diɔmaa sondo vesɛiya ni.

Talelan 21:30

Kɔlkalu co le, dɛnɛ sinaa co le, taasi co le, o sim Mɛlɛka o hɔllo.

1Korɛntea 4:6

Puapilɛa nia, le ya pila a le Apolɔs ya dimi sɔɔn mun kpow ni, haliko mi niáà sɔla pɛɛkoo, mí niáà bii taloo ho bila aa: «La hiilu ɲɛ-ɲɛ o ɲɛ sɛvan ho-o nin te.» Vana-vana o niaa tɛɛn tosa yonga mò biilu vana pilɛ hiovɔɔ vanndo pilɔɔ coo le.

Efɛsea 4:14

O kon, n ve lɛnin n'cuaambɔ le, a hoeyii vɔɔŋii pɛɛkula súú-súù ka i yindu, mì i hiŋ nda hɔlla-e a. I vanaa pum kei vannda pala a kɔlkalula vɔɔnndan, mà luei nda o pɔwlan nin-nda.

Nsaki 3:15

Kɔlkalu vaa lende co kɔlkalu fula coocoo le, kɛ kɔlkalu ceendo, kɔlkalu n'faloo a kɔlkalu ɲinaa co kon ni.