1Korɛntea 3:18 - BII BILA

¹⁸ Vana-vana huinun ndu pila le. Te vana pum o niaa tɛɛn yiyan pɛ maa o nɔ kɔlkalu ivanacieeyaa, mɛɛ o siŋnun diɔmndo mò sɔla kɔlkalu kpeekpeiyo.

1Korɛntea 3:18 Referans Kwoze

Talelan 3:5

Sɔɔnun Mɛlɛka o ba a kɔl nɔmndo kpow, tííndàn dɛnɛ sinaa nɔmndo le.

Esai 5:21

Dɛnɛ palaa co vɛlɛ le vanaa cennun nda pila vanaa kɔlkalua a vanaa sinaa dɛnɛ-a!

Kalatea 6:3

Te vanndo cennun pɛ ɲɛ, mò ve yɛ niko ɲɛ-ɲɛ le, mɛɛ ndu pila co palanndo ni.

Nsaki 1:22

La va vanaa biyaa isɔɔa, la vá vanaa yaŋnannda daama le. Te la yaŋnun pɛ daama, mɛɛ niaa pila co huinɔnndo ni.

Luke 18:17

Mì dimul niaa toɲaa kpendekele, vana-vana cɛl Masale Hala len maa cuaambɔ le, ndu lueinin lenin te.»

Matie 18:4

Lelan, vana-vana tuisin pɛ maa poombɔ pɔmbɔɔ ho, ndu hiawnin vaa o bɔɔ o masale halataala len nin ni.

Marke 10:15

I co niaa toɲaa dimul, vana-vana cɛl masale Hala len maa cuaambɔ pɔmbɔɔ le, ndu luei lenin te few.»

Nsaki 1:26

Te vanndo pum co pɛ cɔnnɔnndo maa vana biilaa Hala-o o co ni, kɛ mò bii diɛɛmule ndɔlen te, mò pala kɔl ndɔɔ, mɛɛ kaannde vana kon le connun fúú.

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

Efɛsea 5:6

La cɛl mì vana-vana hui niaa a sɔɔn fondon te, kani le tɛɛmbuula vaa lende kɔltuw Hala-o toalnin vanaa co ndu simullo-a coo ni.

1Korɛntea 6:9

Niaa pila sínà maa vanaa sendu le-a lueinin o Masale Hala len nin te. La huinun te: vanaa-vanaa co keiyo suundaa, vanaa soolaa n'piɔmnda, vanaa kei suundaa a langbaa felengia-a, vanpiaandua tosa kpelemɔsaa a caaŋaa ndaa vanpiaandua-a,

1Korɛntea 4:10

Diɔmnda naa n co le Krista ni, kɛ niaa niaa, vanaa kɔlkalua pila niaa co o ndu nin ni. N nɔ mayoomu le, kɛ niaa la nɔ yoomuan. N nɔ lebɛɛ le, kɛ niaa la nɔ bɛɛlen.

Yeremi 8:8

Le yɛɛ niaa co yɛ dimio aa: «Vanaa kɔlkalua naa n co ni, tɔŋ Mɛlɛka-o co naa o ba»? A toɲa, o kafalan coo daama vanaa sɛvaa latɔŋnda co ndu sɛvaa a kpɛkile lacòò len ni.

Talelan 26:12

A ce nin vana cennun ndu pila vana kɔlkaloo-o? O co fisa ma tiindan diɔm sondo vesɛiyo a vana vaa lende kɔllo kɛsio coo.

Talelan 3:7

Nɔm pila cánnùn vana kɔlkalu le, kɛ nɔ siòòŋii Mɛlɛka-e mà kpakpala dɛnɛ vɔɔndo.

1Nsaŋ 1:8

Te n dimi pɛ maa n nɔ haki le, mɛɛ naa pila koni co palanndo ni, n co vanaa toɲa le.

2Timote 3:13

Kɛ vanaa vɔɔnda a vanaa leyalaa hiawnin laci a dɛnɛ vɔɔndo tosaa, a huinin caanda, mì caanda bɛɛ a hui nda.

Kalatea 6:7

La lúɛì o lapɔw nin te: vana mem Hala le. Ɲɛ vanacieo saŋ-ndo, ndu koni o koaw vɛlɛ ni.

1Korɛntea 15:33

Niaa pila huinun te, maa mɛɛ o dimin yɛ aa: «Canyan vɔɔnndon tɛɛmbuu naamula kɛndɛlan ni.»

Rɔmnda 12:16

La kela kela kɛndɔɔ niaa pila tɛɛn vellaa-velle. La va vanaa kuundian te, kɛ la tosa dɛnndan kpow o tuisinndo nin. Niaa pila cannun vanaa kɔlkalu le.

Esai 44:20

Pultan vanaciee kon kɛsi kɔllo coo ni, kani kɔl ndɔ ba hivaa laasiaa ndu. Nduyɛ o ciindiaanin yoomu ndɔɔ le, o diminin vɛlɛ aa: «Còòlan lekɛ́ndɛi ya nɔ o ba nuaa ni le!»

Rɔmnda 11:25

Puapilɛa nia, i yeema mì la pɔw dɛnɛ kɔndɔfillo ho le, yɔŋii niaa pila cɔnnun vanaa kɔlkalu. Israɛlla pum a lonin nila kalulan tosaa háá mì vanaa sina Hala le-a kpow a muungu Hala o ibuŋ.

Luke 21:8

Mí Yeesu muli aa: «La mandan taw, yɔŋii niaa luɛi o pɔwlan nin. Kani vanaa bɔɔ-bɔɔ a hunnin o diola nilan, mà cɔm maa o diola nilan nda hin ni. À diminin aa: ‹Telenndo co nin le tiiya›. Kɛ la del nda kɔɔli le.

Talelan 5:7

Lelan niaa poaa nia, la yaŋ ya nilan. La mal silala co ya fulaa o sondo lan lɛŋ te.

Yeremi 37:9

O ya Mɛlɛka co niaa dimul-lo co hoo ni: La pɔw le mì la yiyan maa Babilɔnnda co niaa faŋan kɔɔli mà kɔɛnnun. A kuenin te.

Matie 13:22

Kulun deli o yɔɔn nin-ndon, mun co tɔɔmasele vana tuei sɔɛi Hala-e, kɛ mí buulannda ceenndan a yeemɛi bolofaa hialu fondaa ndu o kɔl kpede-o ni. O kon sɔɛi Hala-i co ndu o kɔl-le kum te.

1Korɛntea 3:17

Nduyɛ, te vanndo tɛɛmbuu pɛ Cɛi-Hala-o, mɛɛ Hala tɛɛmbuunin vana kon. Kani o diandaa Cɛi-Hala-o co ni, nduyɛ niaa co cɛi kon ni.