1Korɛntea 3:17 - BII BILA

¹⁷ Nduyɛ, te vanndo tɛɛmbuu pɛ Cɛi-Hala-o, mɛɛ Hala tɛɛmbuunin vana kon. Kani o diandaa Cɛi-Hala-o co ni, nduyɛ niaa co cɛi kon ni.

1Korɛntea 3:17 Referans Kwoze

Esekiɛl 43:12

Tɔŋ Cɛi-Hala co kon o pembei tullo-o co hoo ni: lɛŋnde balu cɛi kon-nden kpow ledianda-diandaa le co ni. A toɲa, tɔŋ cɛi kon co kon ni.

Esekiɛl 7:22

I faŋalnin nda hɔlla telen vannda vanin bolofaa nuu nɔɔliaa-o, vanaa delaacooa luɛinin ndon mà nɔɔliaa ndu.

Esekiɛl 5:11

Lelan, ya Maalii, ya co Mɛlɛka-o co dimi nuaa ni: i co yoomu, le tùú niaa nɔɔliaa cɛi-kola-toandaa diandaa nuu a dɛnnda niaala nɔɔlɛilan a piɔmaa niaa nɔɔlɛiya-o, ya bɛɛ i keinin kùisiei nia tɛɛn. I tofanin niaa a iɲíí le, i tosalnin niaa dɛnndan a iɲíí le few.

Kundalan 19:20

Kɛ te vana nɔɔla-o dindin lende le, a bɛnda ma faŋa ndu caanda tɛɛn few. Kani cɛi-kola-toandaa diandaa o co nɔɔliaa kon ni. Le tùú mɛmma dindianndan ma vesulun ndu loo, o lo o nɔɔlɛiyo.

Condii lisai 79:1

Condii Asaf-e. Éé Hala, vanaa-mangalaa-isɔɔa del kɛ́ nɔmndo coo fɔ́! A cii Cɛi nɔm diandaa nɔɔliaa, a cii Yerusalɛm siinguu powta bémbélan.

Tɔŋ lasálàá 20:3

Ya pila Mɛlɛka bɛɛ, i co vana kon hinul, mì faŋa ndu Israɛlla tɛɛn few-few le soli o soli hɔ́ɔ́ ndɔɔ sálà o Molɛk lo-o. Kani dɛnɛ kon nɔɔliàà Cɛi-Diandaa nuu a diola nila diandaalan ni.

Esai 64:11

Éé Mɛlɛka! Vɛ̀ɛ̀ a dɛnnda palaalan ndan kpow a vowlulnin naa sondo le? Vɛ̀ɛ̀ a co naa saalan te? Bàà ma tuisi naa siɛmbulan háá mì n cuu labɛɛ?

Tɔŋ lasálàá 15:31

La dimul Israɛlla maa a bɛnda mà caa taw, mà mandan a dɛnnda nɔɔlɛilan, yɔŋii nda nɔɔliaa fonda ni diandaa mà sɔla piɔ́mndo. Kani o fonda kon nin ya co niaa tɛɛn ni.

Fulaa 3:5

Mó dimul ndu aa: «Tiiya nanu le, soli samtala co nɔm o n'pelu lan. Kani fonda n sim hoo coo-o, fonda diandaa o co ni.»

O Kandɔɔ 28:17

Mí siòònde bii ndu, mó dimi aa: «Fondaa ho co bɔɔ fonda kaamaa bɛndu. Nanu ndu kɛsɛ-kɛsɛ Cɛi-Hala-o co nanu, dio halataalaa pɛɛn.»

Condii lisai 99:9

La lisà Mɛlɛka Hala naa, la baŋ vulan ndu o labɛngunin o pembii ndɔɛi diandɛi hɔl-ndɔ, kani vana diandaa Mɛlɛka Hala naa co ni.

Condii lisai 93:5

Éé Mɛlɛka! Toɲaa tɔŋnda nɔmndan kpow la co ni, diondɔɔ fɛɛn-fɛɛndo bɛnda bɔɔ cɛi nɔmndo.

1Dɛnnda lemasalan 29:3

Le tùú ya kaola Cɛi-Hala nuu taw-vo, i yɔngu vɛlɛ sianin nin ya pilan a volin nin ya pilan, handɔɔ o ɲɛm yáà cii nin cuungiaa le Cɛi-Diandaa tangullo-on kpow coo.

Sofoni 3:4

Vanaa kuundiannda a vanaa yiyaa ladúmbúa vanaa tɛɛngaa-diom-Hala-a ndɔa co ni. Vanaa-solia-lasálàà ndɔa co ɲɛ siŋnun teengen le Hala-o lebɛɛ ke le, a co tɔŋndo tɛɛmbuuo.

Condii lisai 74:3

Hun tofa vɔ a kpengii ɲɛ tambɛi fɛɛn-fɛɛndo co-a, yaamɔɔa cii ɲɔɔn kpow tɛɛmbuu o Cɛi-Diandaa nin.

1Korɛntea 3:16

Cɛi-Hala-o niaa co ni, Hala Kɔl-Diandaa co niaa nin. Vɛ̀ɛ̀ la sínà ken te?

1Korɛntea 3:18

Vana-vana huinun ndu pila le. Te vana pum o niaa tɛɛn yiyan pɛ maa o nɔ kɔlkalu ivanacieeyaa, mɛɛ o siŋnun diɔmndo mò sɔla kɔlkalu kpeekpeiyo.