1Korɛntea 3:12 - BII BILA

¹² Vanaa pum a co tangullo o cɛi kilan kon-ndo coo a sianion, volin latámán, powta báà kàlàlan. A pum yɛ, a yɔmnde, foeende te kon te a tɛwvo.

1Korɛntea 3:12 Referans Kwoze

2Timote 4:3

Kani telen pum co hunɔɔ tiiya, kaannde kpeekpeile Mɛlɛka len le hɛnannin vannda le, kɛ nda pila vanin yeemɛi le ɲɛ hɛnannin nda-o tueyɔɔ o pɛɛkoo.

2Timote 3:7

Vanlaandua kan a vanin Hala piɛiyo lɔ́ɔ́-lɔ́ɔ̀, kɛ a nɔlanin toɲaa sinaa le.

2Timote 2:20

O cɛi bɛndoo nin, o co ko ɲɛm-laandun nda toosiaa a sianion-ndon, te kon te n nda toosiaa a volin humbon daama-on te n co le, kɛ n pum toosian a yɔmnde, mì n pum toosian a puulu bɔ́wvo. N pum le makola sɔvɛlan solinndo a mun, n pum yɛ le kpekula yɛ́-yɛ́lan.

Dɛnnda cɔɔmuanndan 21:18

A pow yaspe ndáà cɔw kpaki kalaa ni, kobio ndu, a sianin diandan, vanaa ce ndu pɛ aa siani diandaa ni.

Dɛnnda cɔɔmuanndan 3:18

Lelan i co nɔm sila mà pendu ya sianin nda dindi o yin-ndon o ba, haliko ma sɔla bolofaa a volɔɔla humbulan, haliko ma cuɛinun, o kon a ve lɛnin a fɛ́lio mì siɛmbula bii nɔm te. Piondu koovan le malnɔnndo o lahɔl, haliko ma ce.

1Piɛr 1:7

Laalan niaa nɔ yɛ o Yeesu nin-ndo, ndu hiow baa kaloo a sianion. Lelan, le sinaa te la nɔ pɛ laalanndo o Yeesu nin lekɛ́ndɛi, mɛɛ mì sɔɔn dɛnɛ palaan kei niaa coo. O kon, paale Yeesu Krista cɔmnunnin-nden le tiiya pɛ, la sɔlanin candɔɔ, biiloo a bɛɛlen.

Condii lisai 119:72

Tɔŋ fula nɔm o sondo-o hiow ɲamaa le ya a ɲɛm cɔwnun a sianion a á volion taw-von.

Condii lisai 19:10

Siòòŋii Mɛlɛka-e nɔu naŋ bɔɔ. Kon lonin tosanndo le vɔsilan kɛmɛlan o kɛmɛlan nin. Sɔɔn Mɛlɛka kialu-on co sɔɔn kpeekpei, sɔɔn sandan kposon n co ni.

Dɛnnda cɔɔmuanndan 2:14

Kɛ nduyɛ, i nɔ ɲɛ pum o kɔl a nɔm: A nɔ vɔ vannda pum, a co a yiinannda a pɛɛku Balaam-ndo-a. Ndu pɛɛku Balak ni maa o tosà o nɛi oo nɛi coo mì cuavaa Israɛlla mal nɛiyo, mà de visin nda solul piɔmnda sálàá-on, mà tosa dɛnnda laasiɛilan.

Hebreea 13:9

La del pɛɛkula súú-súù ka kɔɔli le. Kani o naŋ mì kɔllo sɔla kpaayaa o kɛndɛi Hala-e nin, kɛ o va a tɔŋnda ɲɛdiaa le. La mala vanaa bii lan-nda le lan.

2Timote 3:13

Kɛ vanaa vɔɔnda a vanaa leyalaa hiawnin laci a dɛnɛ vɔɔndo tosaa, a huinin caanda, mì caanda bɛɛ a hui nda.

1Timote 6:3

te vanndo pɛɛku pɛ vannda pɛɛku celen, mò co ɲɛ pilɛ a sɔɔn diandan Maalii naa Yeesu Krista-on te, mò ve vɛlɛ ɲɛ pilɛ a kpɛɛku naa n nɔ a laalanndo o kɔɔ-o le,

Kolɔsea 2:8

La caa, yɔŋii vannda bii niaa a sɔɔn caan mà hui niaa a sɔɔn fondon. O naamula vanndacieea nin kon fulà ni, a ɲinaa vɔɔnda co o ceendo coo-a o ba, o co Krista o ba le.

2Korɛntea 2:17

N co maa vanaa pum te, a co yulalen tosaa a sɔɛi Hala-e a. Kɛ naa naa, le tùú Hala vem naa-o naa n co sɔɛi a toɲaa ndu Hala o hɔl o Krista nin ni.

Rɔmnda 16:17

Puapilɛa nia, i co niaa sila, la mandan a vanaa luei piɔvianndo o kundaa tɛɛn-nda, a luei kan vannda o pɔwlan nin a pɛɛku niaa sɔla-o o kɔɔ-a pɛɛn. La faŋan nda kɔɔli few.

Dɛnnda kiilaa 20:30

Niaa tɛɛn bɛɛ, vannda vanin còòlan dimio haliko mi vanaa laalannda del nda kɔɔli.

Yeremi 23:28

Vana-tɛɛngaa-diom Hala sɔl pɛ lɔma ndɔ, ndu cɔm vannda lɔma o sɔl-lan! Kɛ te i yɔngu ndu pɛ yoongoo pum, o bɛnda mò tɛɛnguu ndu lende kpafii!» Vana tuu billo a kullon te. Mɛlɛka dimi lende ni.

Esai 60:17

Yɔŋii ya hun a daɲan, i hunnin a sianion, yɔŋii ya hun a cilinndon, i hunnin a volion, yɔŋii ya hun a yɔmnde, i hunnin a daɲan, yɔŋii ya hun a powtan, i hunnin a cilinndon. I handunin kɔlɲuloo le nɔm hɔlla landɔɔ coo, mì handu dɛnɛ sandaa le nɔm masalen tosaa coo.

Talelan 30:6

Handu ɲɛ-ɲɛ o sɔɔn ndɔn coo le, yɔŋii o soo nɔm mò ce nɔm vana lacòòvaa.

Talelan 16:16

Kɔlkaloo sɔlaa co fisa a sianion cuungiaa, dɛnɔɔ sinaa hiow va ɲɛ sɔvɛ polon a volion nɔu.

Talelan 8:10

La cɛl silala nilan, lan la co fisa a volion ni. Dɛnɛ sinaa hiow va ɲɛ sɔvɛ a sianin diandan.

2Korɛntea 4:2

Kani n kɛɛ dɛnnda lasiɛmbula co tosanndo o vionnɔnndo nin-ndan. N co kɔlkalu vɔɔn tosa o dɛnndan nin te, n co vɛlɛ sɔɛi Hala tundɔɔ le. N co vannda toɲa kpeikpeiyo cɔmndo, mì n va kindinndo haliko ma laalan naa Hala o hɔl.

1Korɛntea 3:11

Kani vana nɔla mà kila cɛi celen lecoo le, fɔ o cuu nin kila-o, ndu co yɛ Yeesu ni.

1Korɛntea 3:13

Kɛ dɛnnda vana-vana la fulanin ceen o paale yamɛi kiolunin-nden. Kani paale len, Mɛlɛka cɔɔmunin-ndan mì la fula ceen mɛɛ yinnden le dindi ɲɔɔ nuaa yɛ.

Fulaa 5:12

O kon, mí Israɛlla sɛŋin o lɛŋnde Esipte len nin kpow le foeende nuwviaa a le ndi kɔndɔɔ mà hin a ndi.