1Korɛntea 3:10 - BII BILA

¹⁰ Maa mɛɛ kɛndɛi Mɛlɛka-e i yɔngun ya-e. Ya ya, i tosa baalaa maa vana caa baalaa taw-vo, mí kila cɛiyo, mí vana celen tangul lecoo. Kɛ, mɛɛ mì vana caa taw a mɛɛ n co cɔwva lecoo yɛ.

1Korɛntea 3:10 Referans Kwoze

1Korɛntea 3:11

Kani vana nɔla mà kila cɛi celen lecoo le, fɔ o cuu nin kila-o, ndu co yɛ Yeesu ni.

Efɛsea 2:20

La siŋnun maa ɲɛm tangulaa cɛi. Cɛi kon yɛ, kiilaa a vanaa-tɛɛngaa-diom Hala-a o kilan coo ni, Yeesu Krista pila co pow lebollo ni.

Rɔmnda 15:20

Kɛ ya pila daama hɛli le Yoongu kɛndɔɔ yondaa o lɛŋii vannda sina vɔ Krista lei nin ni. Yɔŋii yáà tangul o kila vana celen coo.

Daniɛl 12:3

Vanaa hiow kɔlkaloo-a tenganin a naŋɔɔ mɛɛ halataalaa tenga nuaa yɛ. Vanaa cɔm vannda nɛi dɛnɛ sandaa ma pɛɛku nda ndu-a diandunin le fɛɛn a fɛɛn maa loeon o halataala.

Matie 24:45

«Ɔ́ɔ̀ vana baala kɔlkalu lò kon o diomnden coo-o, ò vana ndɔ bɛndoo handu buɛyaa ndɔa bollen le nda baloo keo o telen bɛnda-o-o?

Dɛnnda cɔɔmuanndan 21:19

Kpakila tumndan la va la kɛɛmiaa a powta báà kàlàla súú-súù ka: kpaki tum tasoo a yaspe, o diinndɔɔ a safir, o yàándɔɔ a kalsedoan, o hiɔɔlundɔɔ a emerɔd,

1Korɛntea 9:2

Hali mì vanaa celen a ci ya maa kiila le, kɛ le niaa niaa, kiilaa ya co ni. Kani niaa co tɔɔmasele kiilale nilen o Maalii nin ni.

Matie 7:24

«Lelan, vana-vana tuei pɛ sɔɔn nun mun, mò kela lecoo, ndu vanin maa vana taasi tangul cɛi ndɔɔ o pow bandíláà coo-o.

1Piɛr 4:11

Te vanndo va pɛ sɔɛi, o soo le diomnda Hala lan tɛɛnguuo. Vana nɔ pɛ keo le dɛnɔɔ pum tosaa, o tosa ndu a kpaaya Hala yɔngu vana-o, haliko mi Hala sɔla biiloo o dɛnndan kpow nin o diola Yeesu Krista lan. O biiloo a kpaayaa co le ndu le fɛɛn a fɛɛn-ndo. Amiina!

2Timote 2:15

Kindin mà cɔmnun Hala o hɔl maa vana baala fula kɔlɔ loo, o siɛmbula bii loo, mà va sɔɛi toɲɛi dimio.

Kolɔsea 4:17

La dimul Arsipe le hɔlla landɔɔ o vali o sɔla Maalii o ba-o coo, o tosá ndu ɲɛkɛndɛi.

Rɔmnda 12:3

Le kɛndɛi Hala tosal-la-e, i co niaa dimul maa la cannun niaa pila ɲɛ mò hiow mɛɛ niaa co yɛ le, kɛ la tuisin mì vana-vana cennun mɛɛ o co yɛ, maa mɛɛ Hala ke vana-vana laalanndo yɛ.

Rɔmnda 1:5

O ndu kɔɔli naa n sɔla kɛndɛi ni, mí n siŋnun kiilaa le vanaa-mangalaa-isɔɔa kpow sɔɛi ndɔɛi dimullo haliko ma cɛl ndi, mà laalan.

Dɛnnda kiilaa 18:27

Apolɔs ndóò yeema le kɔlan Akaii. Mí puapilɛa luei ndu yoomuan le kɔla lan. Má sɛval kaandeŋaa va lon-nda sɛbɔɔ haliko mi ndáà caa ndu biyɔɔ. Mɛɛ o tiiya, mó mala vanaa laalannda o kɛndɛi Hala-e bɛngu.

Luke 11:35

Lelan caa taw, yɔŋii ɲɛ-tengaa co nɔm nin-ndo siŋnun ɲumndan.

Vana Kɔlkaloo 12:9

Mí ca maa vana kɔlkaloo tosà kɔlkaloo le ndu pila daama le. O pɛɛkù vɛlɛ vannda kɔlkalu ndɔɔ, mò dimi talelan taw, mò keela kɔllo lecoo, mò soli lan kɔlɔ.

Nsaki 3:1

Puapilɛa nia, la síŋnùn vanaa pɛɛkaa sɛ́lɔ́ɔ́ taw le, kani la sínà maa naa co pɛɛkoo-a, yamɛi nɛi i hiawnin ikalu.

1Timote 4:16

Nɔm pila mandan a pɛɛkula n co vannda yɔngoo lan. Lo lecoo, kani taa tosa pɛ lende, nɔm pila sɔlanin cindaa, mà ciindiaa vɛlɛ vanaa co nɔm nilan yaŋɔɔ-a.

Kolɔsea 1:29

Lelan ya co baalaa ni, mì co kindinndo a kpaaya fula Krista niŋ, mò va ya vallo niŋ-ndo.

Rɔmnda 15:15

Nduyɛ, mí sɛval niaa ndi kpéŋ-kpéŋ le niaa yiyalanndo le kɛndɛi Hala tosal-la-e,

Luke 21:8

Mí Yeesu muli aa: «La mandan taw, yɔŋii niaa luɛi o pɔwlan nin. Kani vanaa bɔɔ-bɔɔ a hunnin o diola nilan, mà cɔm maa o diola nilan nda hin ni. À diminin aa: ‹Telenndo co nin le tiiya›. Kɛ la del nda kɔɔli le.

Sakari 4:9

‹Sorobabɛl kila Cɛi-Hala-o ho ni, ndu koni siownin vɛlɛ ndu tangul ni. O kon niaa sinanin ni maa Mɛlɛka-Nɔ-Kpaayaa-Kpow-vo vem ya o niaa lo ni.

2Dɛnnda lemasalan 2:12

I co nɔm vanapɔnɔ kɔlkalu caa baalaa taw-vo vim, Hiram-Abi pɛɛn,

Dɛnnda cɔɔmuanndan 21:14

O powtan tɔ́ a latiɔn coo kpaki kobi kalaa ndóò kilan ni, diola kilaa tɔ́ a à ŋiɔŋaa Saa téndóó la va lasɛvaalan o powta lan coo.

2Korɛntea 10:15

Lelan n kilu yonga mì n hiow ba a baala caanda tosa-o le. Kɛ n nɔ tiindanndo maa laalan niaa cɔɔlunnin, o kon mì fonda vali naa n tosa niaa tɛɛn-ndo hiow laci, nduyɛ, n hiwnin pɛɛngula hendulun naa lan coo le.

Talelan 9:1

Kɔlkaloo sɛl sungbuan man ŋɔmmɛw mó tangul cɛi ndɔɔ.

1Tesalonikea 3:2

O kon mí n vim niaa Timote puapilɛ naa, o co baala Hala-o tosaa naa ndaa le vannda Yoongu kɛndɛ Krista-o tiiyallo-o. Mó cɔɔlu niaa kpaayaa luei, mó luei vɛlɛ niaa yoomuan o laalan niaa nin,

2Piɛr 3:15

La sìna maa biuvɔn bɛndu Mɛlɛka-o tosa ni mí la sɔla cindaa. Sɔɛi pilɛi ken koni Pol puapilɛ naa bɛɛ sɛval niaa maa mɛɛ kɔlkalu kennun ndu-o yɔŋnun yɛ ni.

Fulaa 36:4

O kon mí vanaa kɔlkalua va baala cɛi-kola-toandaa kon tosaa-a mal baala nda va tosaa-o,

Talelan 12:8

Vana kɔlkaloo vannda candu ni, kɛ diɔm sondo vesɛiyo ndu, kuisinndo o kuisin vannda ni.