1Korɛntea 2:7 - BII BILA

⁷ Kɛ kɔlkalu Hala-o, kɔlkalu dɔaw vanndacieea kɔndɔfilio, o co o vianaa-o, o Hala ndóò cii nin hɛli le biilu naa lɔ́ɔ́ pá mí ceendo ho kandun-ndo.

1Korɛntea 2:7 Referans Kwoze

2Piɛr 1:3

Kpaaya ndɔ ihalayaa yɔngu naa ɲɛ-ɲɛ naa n nɔ makoo le vaa a sandaa, mó cɔm naa vana veelu naa o biilu ndɔɔ a o dɛnnda ndɔla kaamaala o tosa lan nin-ndo.

Matie 13:35

haliko mi sɔɛi vana-tɛɛngaa-diom Hala-o ndóò dimi-e ndíì peelun aa: «I kumbinin sondoo mì soo o talelan nin, mì soo a dɛnnda viannannda co kabi ceendo cɔwnun ndan o kɔɔ.»

Matie 11:25

O telen kon, mí Yeesu soaa, mó dimi aa: «Pua, nɔm co Vana bɛndoo o halataala a o lɛŋnden coo-o, i mel nɔm balika, le tùú n vin vanaa dɛnɛ sinaa a vanaa kɔlkalua sɔɔn mun, má cɔm cuaambɔa mun-ndo.

Condii lisai 78:2

I co sondoo kumbio le sɔɛi o talelan nin, mì cɔm niaa dɛnnda viannannda masindɛlan.

1Piɛr 5:10

La sanga vɔnin le telen bingi. Kɛ Hala nɔ kɛndɛi kpow o ba-o, o veelu niaa o Krista nin le biilu fɛɛn-fɛɛndo-o pila pɛɛkunin niaa, mò kindi niaa, mò luei niaa yoomuan, mò tosa la hiilun te.

Efɛsea 1:4

Lɔ́ɔ́ pá mí ceendo cɔawnun, ndóò cii nin naa hɛli, haliko mi n va vanaa diandaa a vanaa yaalan te-a ndu o hɔl. Nduyɛ, o kaola ndɔɔ nin,

Dɛnnda cɔɔmuanndan 13:8

Vanndacieea co o lɛŋnden coo-a kpow a baŋnin ndu vulan o labɛngunin, vanaa diola ndalan láà sɛvan kabi o ceendo kilaa o sɛbɛ cindaa saa téndé nda dii-o nin te-a pɛɛn!

1Piɛr 1:11

A va kindinndo le telen dɛnnda lan la tosan-ndo a ɲɛ yɔngu dɛnnda lan tosanndo-o sinaa, la Hala Kɔl-Diandaa Krista-o yɔngu lan pɛɛn. O dɛnnda lan nin nda va pɔɔ sangala Krista ndóò sɔlanin-ndan a biilu ndóò sɔlanin o kon kɔɔlio dimio ni.

2Timote 1:9

Ndu Hala ciindiaa naa ni, mó veelu naa veelu diandaa, haliko mi n va vanaa ndɔa, o co le dɛnnda naala kɛndɛlan te, kɛ le tùú ndu pila tuu, mó tosal naa kɛndɛi o Yeesu Krista nin kabi o tasendɔ-o.

1Piɛr 5:1

I co kaasoŋaa co niaa tɛɛn-nda sila. Ya co kaasonɔɔ maa nda-o, ya co sei sangala Krista lan a vana vanin o biilu hun fulanin ceen-ndo nin-ndo-o:

Rɔmnda 8:29

Kani vanaa Hala síná paandu pa-a, nda o toosiaa le siŋnɔnndo maa velan Po ndɔɔ ni, haliko mo va Po tasoo puapilɛa taw tɛɛn.

Rɔmnda 8:30

Vanaa o toosiaa kan-nda, mó veelu vɛlɛ nda. A o veelu kan-nda, mó siinguu nda vanaa sandaa. A o siinguu kan vanaa sandaa-a, mó biilu vɛlɛ nda.

Rɔmnda 11:25

Puapilɛa nia, i yeema mì la pɔw dɛnɛ kɔndɔfillo ho le, yɔŋii niaa pila cɔnnun vanaa kɔlkalu. Israɛlla pum a lonin nila kalulan tosaa háá mì vanaa sina Hala le-a kpow a muungu Hala o ibuŋ.

1Korɛntea 2:1

Puapilɛa nia, lɔ́ɔ́ ya kɔɛ o niaa lo le niaa Yoongu kɛndɔɔ tiiyallo-o, i dimul niaa isɔɔ oo isɔɔ o sɔɔn bɛndu nin te, te kon te a kɔlkalu bɛndu le.

Efɛsea 3:10

Kon yɔŋnun, haliko mi vanaa laalannda tosa, mì vanaa nɔ masalen o ba-a a ɲɛm kpaayan o halataala n sínà kɔlkalu Hala-o o nɛilan kpow coo.

Hebreea 1:2

Kɛ sunsun, o palɛi mɛɛlɛi he nin, mó soaa o naa lo a sondo po ndɔɔ. A po ndɔ kon o cɔw ceendo ni, ndu Hala koni hɛli vɛlɛ ni mí ɲɔɔn kpow n va le ndu.

Hebreea 11:3

N laalàn Hala, lelan naa n bii bila ni maa a Sɔɛi Hala cɔw ceendo ni. O kon mí ɲɛm vana ca-on toosian a kpaaya ɲɛm vana ci le-on.