1Korɛntea 2:15 - BII BILA

¹⁵ Vana Hala Kɔl-Diandaa co nin-ndo nɔla mò kelu dɛnndan kpow iyama, kɛ vana celen nɔla mò kelu ndu iyama le.

1Korɛntea 2:15 Referans Kwoze

1Tesalonikea 5:21

kɛ la dɔw dɛnndan kpow taasi, mì la bii dɛnnda naŋ-ndan kpáŋ.

Talelan 28:5

Vanaa vɔɔnda bii ɲɛ-ɲɛ bila o dɛnɛ sandaa nin te, kɛ vanaa co Mɛlɛka nuwviaa-a nda bii ndu bila kpow.

Hebreea 5:14

Kɛ nduyɛ, le kaasonnda ɲɛdiaa kàlà-kálàá co ni. Nda sínà hiyan co dɛnɛ kɛndɔɔ a o vɔɔndo tɛɛn-ndo, kani a dɛli nin.

1Nsaŋ 4:1

Caaŋaa nia hɛnan ya-a, la laalan kɔltan kpow le, kɛ la soli lan kɔlɔ mì la sina te Hala o ba la fula ni, kani vanaa-tɛɛngaa-diom Hala-a bɔɔ-bɔɔ a hin o ceendo coo.

1Korɛntea 14:37

Te vana pum cennun pɛ maa vana-tɛɛngaa-diom Hala-o o co ni, te kon te maa Kɔl Hala-o cɔm ndu dɛnɔɔ pum, mɛɛ mò sina maa tɔŋ Mɛlɛka-o sɔɔn ya co niaa sɛvallo-on n co ni.

Kalatea 6:1

Puapilɛa nia, te la saalun pɛ vanndo pum dɛnɛ vɔɔndo tosaa, o bɛnda mì niaa co vanaa kɔlla-a mingi ndu o nɛi o fɛ́ɛ́-fɛ́ɛ́o nin. Kɛ niaa pila mandan dɛ, yɔŋii niaa bɛɛ sɔla tɔɔndanndo.

Filipea 1:10

haliko mi la nɔla dɛnnda sɔvɛlan sinaa, mì la va a diandaa a vanaa yaalan te-a haa o hunɔɔ Krista-o.

1Korɛntea 3:1

Puapilɛa nia, yáà tiwba sɔɛi niaa o lani maa vanaa Hala Kɔl-Diandaa co nin-nda le, kɛ mí soaa maa mɛɛ ya soaa vanaa ceenda o lani yɛ, mɛɛ ya dimul vanaa sɔla laalanndo sɛnɛi o Krista nin-nda sɔɔn yɛ.

Kolɔsea 1:9

Lelan naa bɛɛ, kabi naa n tuei lende, n co pɛngi Hala piɛiyo le niaa le. N co ndu ɲunaa haliko mi la sínà hɛnan ndɔɔ ɲɛkɛndɛi, mì Kɔl-Diandaa ndɔɔ yɔngu niaa taasio a kɔlkaloo.

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Dɛnnda kiilaa 16:3

Mí Pol yiyan le kɔlan nda ndu. Le tùú Yuifia va o lɛŋnde len nin-ndo, mó dii ndu tooma, kani ndáà sínà maa Krɛkinɔɔ fuɲa ndɔ yɔŋnun ni.

Nsaŋ 7:17

Vana yeema pɛ hɛnan Hala-o tosaa, ndu sinanin te Hala o ba ɲɛ kon co fulaa ni, te kon te ya pila o ba sɔɔn ya co dimio-on n co fulaa ni.

Vana Kɔlkaloo 8:5

Vana-vana bii pɛ tɔŋndo, ndu sɔla isɔɔ oo isɔɔ le. Kɛ vana kɔlkaloo sina maa dɛnndan kpow la kialunnin iyama o telen la bɛnda le yamɛi kiolɔndo-o.

Condii lisai 25:14

Vanaa nɔ siòòŋii Mɛlɛka-e-a, nda Mɛlɛka cɔm sɔɔn ndɔn viannanndon ni, le nda kpema ndɔɔ cɔmndo.

2Samiɛl 14:17

Kani mí ya vana nɔm baalaa dimi aa: ‹Sɔɛi nɔm vana ni bɛndoo co hunɔɔ dimi-e, nɔm masaa pɛɛn, i ɲululnin vannda kɔltan. Bau nɔm masaa, maa mɛlɛkanɔ Hala-o n co ni le dɛnɛ kɛndɔɔ a dɛnɛ vɔɔndo tueyɔɔ. Màá Mɛlɛka Hala nɔmndo lo nɔm ikɛi!›»

1Nsaŋ 2:20

Niaa niaa, la cii Kɔl-Diandaa sɔla fulaa Krista o ba, niaa kpow la sínà toɲaa.