1Korɛntea 2:14 - BII BILA

¹⁴ Vanaciee nɔ Hala Kɔl-Diandaa loo nɔla mò cɛl sɔɔn Hala Kɔl-Diandaa le, kani sɔɔn ndiɔmndon n co ndu o hɔl ni. Mɛɛ mì Hala Kɔl-Diandaa va vanndo nin malan o sínà mun kɔlɔlan.

1Korɛntea 2:14 Referans Kwoze

1Korɛntea 1:18

Kani sɔɛi Krista vi o yɔm singafilaa coo-e, diɔmnde i co le vanaa co kɔlan o ɲɛ palaa fɛɛn-fɛɛndo nin-nda ni, kɛ le naa vanaa sɔla cindaa-a, kpaaya Hala-o i co ni.

1Nsaŋ 2:27

Le niaa, Kɔl-Diandaa niaa sɔla Krista o ba-o lo niaa o lakɔl. La nɔ lɛ mako mì vana pɛɛku niaa le. Kani Kɔl-Diandaa co niaa dɛnndan kpede pɛɛku, toɲaa o pɛɛkunin niaa ni, o venin lacòò le. Lelan, la lo o ndu nin maa mɛɛ o pɛɛku niaa yɛ.

1Korɛntea 15:46

O co kɔllo le co o tasoo le, dialun ivanacieeyan ni, o kon kɔɔli dialun kɔllon.

Yude 1:19

Ɛ̀ɛ̀ nda co kan ni, vanaa puusiaa vannda-a, vanndacieea n'falua nɔ Kɔl Hala le-a.

Nsaki 3:15

Kɔlkalu vaa lende co kɔlkalu fula coocoo le, kɛ kɔlkalu ceendo, kɔlkalu n'faloo a kɔlkalu ɲinaa co kon ni.

1Nsaŋ 2:20

Niaa niaa, la cii Kɔl-Diandaa sɔla fulaa Krista o ba, niaa kpow la sínà toɲaa.

1Korɛntea 15:44

A dialun ivanacieeyan nda kumbun ni, mà tendul a dialun kɔllon. Te dialun ivacieeyan n co pɛ, mɛɛ dialun kɔllon bɛɛ n co.

1Korɛntea 2:12

Nduyɛ, naa naa, o co kɔl ceendo ho le naa n sɔla le, kɛ Kɔl fula Hala o ba-o, haliko mi n sínà ɲɛ Hala ke naa fondo fúú-o.

Talelan 14:6

Vana yongaa kindin bɛɛ le kɔlkaloo sɔlaa, o tiwba le. Kɛ vana taasio ndu nɛi dɛnɛ sina le.

Nsaŋ 12:37

A kaamaala kaakuula o tosa lan nda o hɔl-tan kpede, ndáà laalan ndu le,

Nsaŋ 5:44

Vɛ̀ɛ̀ niaa nɔla yɛnin laalanndo, la co niaa pila candanndo vellaa-velle, la co candɔɔla Hala lan kínɛí nuwviaa le?

Matie 16:23

Kɛ mí Yeesu mulin, mó dimul Piɛr aa: «Faŋan ya kɔɔli, Setana! A yeema mà luei ya o pɔwlan nin, o co yiyannda Hala le n nɔ lan te, yiyannda vanndacieea kposon n nɔ ni.»

Nsaŋ 14:26

Kɛ vana ɲɔɔlaa, Hala Kɔl-Diandaa Pua yɔŋnin o diola nilan-ndo, ndu pɛɛkunin niaa dɛnndan kpow, mò yiyalan niaa sɔɔn ya dimul niaa-on kpow.

Dɛnnda kiilaa 16:14

Vanalanɔ pilɛ va nda tɛɛn diolan Lidi, fulaa o kobio Tiatir. Kolala siaŋala volototola báà kalalan ndóò pisi ni, o va Hala piɛiyo. O va naa nilan yaŋɔɔ, mí Mɛlɛka kumbi ndu kɔllo le ɲɛ Pol va dimio-o tueyɔɔ ɲɛkɛndɛi.

Nsaŋ 8:43

Le yɛɛ niaa co yɛ kɛɔ sɔɛi nii bila biyɔɔ? Kani la yeema mì la tuei sɔɔn nun te.

1Korɛntea 1:23

Naa naa, sɔɛi Krista nda baŋ o yɔm singafilaa coo-e naa n co vannda tiiyallo ni, sɔɛi co tosaa mì Yuifia va luɛyɔɔ o pɔwlan nin, mì i va diɔmnde le vanaa sínà Hala le-a-e pɛɛn.

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

Dɛnnda kiilaa 25:19

Sɛɛngianndo kínɛí va nda tɛɛn o sɔɛi dina ndaa coo a o sɔɛi langbanɔɔ pum coo ni. Langbanɔ diolan aa Yeesu, o vi mí Pol va dimio maa o co yoomu-o.

Nsaŋ 15:26

Telen vana nia ɲɔɔlaa hunnin fulaa Pua o ba-o, Kɔl toɲa fula o Pua lo-o timbinin seilen a ya o kɔɔ,

Dɛnnda kiilaa 18:15

Kɛ le mɛɛ o co dɛnɛ lasɛɛngianndo o diomndan lapum coo, o diolan coo a o tɔŋ niaa pilaa coo yɛ, la toosiaa sɔɔn mun niaa pilaa tɛɛn, i kilu sɔɔn vaa nuaa iyama le.»

Dɛnnda kiilaa 17:32

Ndáà tueyɔɔ Pol sɔɛi a tendul vanvílɛ́iya o kɔɔ, mí vanaa pum can ndu mamɔɔ, mí a pum nda dimi aa: «Lɔ́ɔ́ celen a dimul naa.»

Nsaŋ 10:20

Mí vanaa bɔɔ-bɔɔ o nda tɛɛn a va dimio aa: «Ɲina vɔɔndo co ndu nin ni. O seema. Le yɛɛ niaa co yɛ ndu yaŋnɔnndo?»

Dɛnnda kiilaa 17:18

Vanaa kɔlkalua del Epikuri nda Stoise kɔɔli-a a pum a va ndu sɛɛngiaa. Mí a pum a va ɲunaa aa: «Yɛɛ vana tombolaa ho yeema yɛ dimio?» Mí a pum nda dimi aa: «Bɔɔle a halaa mialla o kɔɔ o co sɔɛi nuaa ni.» Le tùú nda tuei Pol sɔɛi a Yoongu Kɛndɛ Yeesu-o o kɔɔ a á tendul ndɔɔ fulaa vanvílɛ́iya tɛɛn-ndo o kɔɔ-o nda va dimio lende ni.

Nsaŋ 14:17

ndu co Kɔl toɲaa ni, o ceendo nɔlà sɔla loo, kani o co ndu cɔ le, o sina ndu le. Kɛ niaa la sina ndu, kani o co niaa ikɛi, o vanin niaa nin.

1Korɛntea 1:21

Le mɛɛ ceendo a kɔlkalu ndɔɔ siná Hala o kɔlkalu ndu Hala-o nin te yɛ, mí ɲɔɔ hɛnan Hala le vanaa laalannda ciindiaa a sɔɛi ndɔɛi vannda co ken cɔu diɔmnde-e.

1Korɛntea 1:25

Kani dɛnɛ Hala vannda co cɔu maa idiɔm-ndo hiow kɔlkalu vanndacieea, kpaaya lepɛŋ ndɔɔ hiow kpaaya vanndacieea.

1Korɛntea 3:1

Puapilɛa nia, yáà tiwba sɔɛi niaa o lani maa vanaa Hala Kɔl-Diandaa co nin-nda le, kɛ mí soaa maa mɛɛ ya soaa vanaa ceenda o lani yɛ, mɛɛ ya dimul vanaa sɔla laalanndo sɛnɛi o Krista nin-nda sɔɔn yɛ.