13 Naa yɛ, o co a kɔlkalu vanndacieea pɛɛku naa-o le naa n co sɔɔn mun dimio le, kɛ a kɔlkalu Hala Kɔl-Diandaa pɛɛku naa-o. Nduyɛ, vanaa nɔ Kɔl-Diandaa-a naa n co sɔɔn toɲan Kɔl-Diandan tɛɛsiallo ni.
Vanaciee nɔ Hala Kɔl-Diandaa loo nɔla mò cɛl sɔɔn Hala Kɔl-Diandaa le, kani sɔɔn ndiɔmndon n co ndu o hɔl ni. Mɛɛ mì Hala Kɔl-Diandaa va vanndo nin malan o sínà mun kɔlɔlan.
Kani Krista vim ya le vana yinɔɔ le, kɛ le vannda Yoongu kɛndɔɔ tiiyallo. O co le sɔɛi caa le, yɔŋii piɔ́m Krista sɔla o yɔm singafilaa coo-o siŋnun fúú.
Mí Hala cɔm vanaa-tɛɛngaa-diom Hala-a maa yoongu nda va tɛɛnguo-o ve le nda pila le, kɛ le niaa. Yoongu kon vanaa hiviaa Yoongu kɛndɔɔ a tiiyal niaa nihau nuaa ni, má dimi ndu a kpaaya Hala Kɔl-Diandaa fula o halataala-o. Hali mɛlɛkaa bɛɛ a yeema mà sina sɔɛi ken.
Màá sɔɛi Krista-e va niaa nin taw-taw! La pɛɛkuan mì la siilian vellaa-velle a taasi. La solul Hala condon a kɔlta niaalan kpow le ndu balikaa mello. La solul ndu condun lisan, condun kɔllon a condun sangalan fula Kɔl-Diandaa o ba-on.
La lueinan yoomuan vellaa-velle a condun lisan, condun kɔllon a á condun vana sangala Mɛlɛka-on, n co fulaa Kɔl-Diandaa o ba-on. La solùl Mɛlɛka condun kɔllon, mì la sangala ndu a kɔlta niaalan kpow.
Kani vana soo pɛ o sɔɔn mangalan celen nin, ndu co isɔɔ o n'vanndaciee lo le, kɛ o Hala lo, bau vana-vana tiwba mò bii ndu bila le, o kɔl nin o co dɛnnda kaamaalan dimio ni.