1Korɛntea 2:10 - BII BILA

¹⁰ Kɛ naa naa, mí Hala cɔm naa kon a Kɔl-Diandaa, kani Kɔl-Diandaa kon yaasiaa isɔɔ oo isɔɔ ɲɛkɛndɛi ni, hali tuula Hala toosiaa mó vian kpíŋ-ndan.

1Korɛntea 2:10 Referans Kwoze

Nsaŋ 14:26

Kɛ vana ɲɔɔlaa, Hala Kɔl-Diandaa Pua yɔŋnin o diola nilan-ndo, ndu pɛɛkunin niaa dɛnndan kpow, mò yiyalan niaa sɔɔn ya dimul niaa-on kpow.

Efɛsea 3:5

Paandu, dɛnɛ viannan kon ndóò cɔmnun vannda le, kɛ sisa Hala cɔm kiilaa ndɔa diandaa a vanaa-tɛɛngaa-diom Hala ndɔa diandaa ndu a Kɔl ndɔ Diandaa o kɔɔ.

Luke 10:21

O telen kon, mí Yeesu dɔawnun ɲaale a kpaaya Kɔl-Diandaa, mó dimi aa: «I mel nɔm balika, Pua, Mɛlɛka co o halataala a o lɛŋnden coo-o, kani a vin vanaa kɔlkalua a vanaa sinaa dɛnɛa dɛnndan ndan, má cɔm cuaambɔa. Lende i co ni Pua, hɛnan nɔmndo n tosa nuaa ni.

Efɛsea 3:3

Mɛlɛka yɔŋnun vana ikɛndɛ le ya, mó cɔɔmun ya le ya sɔɛi viannan o tuu-ve cɔmndo. I sɛva nin sɔɛi ken ɲɛ-pɔmbɔ o sɛbɔɔ ho nin.

Kalatea 1:12

kani i sɔla ndu vanaciee o ba le, i tui ndu vanaciee o sondo le, kɛ Yeesu Krista cɔm ya ndu ni.

Matie 16:17

O kon mí Yeesu dimul ndu aa: «Dɛnɛ kɛndɔɔ co le nɔm Simɔn po Yonas-o, kani o co vanaciee le cɔm nɔm dɛnɔɔ ho le, kɛ Fuɲa ni co o halataala-o.

Matie 13:11

Mí Yeesu mulul nda aa: «Niaa, la sɔla sinapɛngoo le dɛnnda viannanndan bilaa biyɔɔ a masale halataala len o kɔɔ, kɛ nda sɔla sinapɛngu vaa lende le.

Nsaŋ 16:13

Telen Kɔl toɲaa hunnin-ndo, o cɔmnin niaa dɛnndan kpow o toɲaa nin, kani sɔɔn o diminin-ndon fulanin o ndu pila nin te, kɛ o dimulnin niaa sɔɔn o tuɛinin-ndon kpede, mò dimul niaa dɛnnda hun tosannin-ndan.

1Piɛr 1:12

Mí Hala cɔm vanaa-tɛɛngaa-diom Hala-a maa yoongu nda va tɛɛnguo-o ve le nda pila le, kɛ le niaa. Yoongu kon vanaa hiviaa Yoongu kɛndɔɔ a tiiyal niaa nihau nuaa ni, má dimi ndu a kpaaya Hala Kɔl-Diandaa fula o halataala-o. Hali mɛlɛkaa bɛɛ a yeema mà sina sɔɛi ken.

1Nsaŋ 2:27

Le niaa, Kɔl-Diandaa niaa sɔla Krista o ba-o lo niaa o lakɔl. La nɔ lɛ mako mì vana pɛɛku niaa le. Kani Kɔl-Diandaa co niaa dɛnndan kpede pɛɛku, toɲaa o pɛɛkunin niaa ni, o venin lacòò le. Lelan, la lo o ndu nin maa mɛɛ o pɛɛku niaa yɛ.

1Korɛntea 2:11

Kani o niaa tɛɛn, ɔ́ɔ̀ vana sínà yiyannda vanacieo-vo, te o co Kɔl-Diandaa co ndu nin-ndo le? Lende vɛlɛ koni, vana-vana sínà yiyannda Hala lan te, fɔ Kɔl Hala-o.

Amɔs 3:7

Lende koni i co ni, Maalii Hala tosa ɲɛ-ɲɛ mò kɛɛ vanaa ndɔa baalaa, vanaa-tɛɛngaa-diom Hala-a bulun dɛnɛ kon cɔm te.

SƐBƐ YƆB-O 12:22

Ndu solì ɲɛm co n'viannandon o ɲumndan nin di-di-on ceen ni, mò tuisi ɲɛ-tengaa le vunduma piɔ́mndan teengiaa.

1Nsaŋ 2:20

Niaa niaa, la cii Kɔl-Diandaa sɔla fulaa Krista o ba, niaa kpow la sínà toɲaa.

1Korɛntea 14:30

Kɛ te Mɛlɛka cɔɔmul pɛ vana co icali-o dɛnɔɔ pum, vana tase va sɔɛiyo bɛnda mò mei.

Luke 2:26

Hala Kɔl-Diandaa kon ndóò cii nin ndu cɔm maa: «O vi le, fɔ mo ce Krista, o Mɛlɛka vem-ndo.»

Daniɛl 2:22

Ndu soli sɔɔn yingilɛiyon a sɔɔn viannanndon ceen ni, ndu sina ɲɛ co o ɲumndan nin-ndo ni, kani ɲɛ-ɲɛ co o viannan ndu o hɔl te.

Esai 48:16

La sɔɔnguu ya ikɛi mì la yaŋ nilan! Kabi o kandɔɔ, i dimi ɲɛ-ɲɛ o vionnɔn nin te, kabi nɛɛ sɔɔn mun kandun-nda, i va lon. Sisa, Maalii Hala vem ya ni mó yɔngu ya kɔl ndɔɔ!

Dɛnnda cɔɔmuanndan 1:1

Dɛnnda viannannda cɔmnun Yeesu kpendekele lan la co o sɛbɔɔ ho nin ni. Hala cɔm ndu lan haliko mo cɔm buɛyaa ndɔa dɛnnda co hunɔɔ tosan o telen bingi bɛngu lan. Mí Krista viam mɛlɛkanɔ ndɔɔ o Nsaŋ buɛi ndɔ lo, haliko mo kɔ cɔm ndu lan.

Esai 59:21

Mɛlɛka dimi vɛlɛ aa: «Ya yɛ, tofa vɔ kpema ya yii a nda-o. Kɔl nuu co niaa coo-o a sɔɔn niin ya vow niaa o sondo-on faŋannin niaa o sondo le. N feŋannin niaa pila a cuavaa niaa o lasondo le, cuavaa niaa imamaa bɛɛ, n feŋannin nda o lasondo le. Kandɔɔ sisa háá le fɛɛn a fɛɛn.» Mɛlɛka dimi lende ni.

1Timote 4:1

Kɔl-Diandaa dimi vakpa maa vanaa pum malnin laalanndo o palɛi mɛɛlɛi, mà del ɲinaa vɔɔŋaa luei vana o pɔwlan nin-nda kɔɔli, mà del vɛlɛ pɛɛkula ndalan kɔɔli.

Dɛnnda cɔɔmuanndan 2:24

Kɛ niaa vanaa tɔ̀a kɛ́-kɛ̀ lo Tiatir lá vow n'pelu o pɛɛku kon nin te-a, maa mɛɛ nda pila dimi yɛ, niaa síná yingila dɛnnda Setana lan te-a, i co niaa dimul, i siiluu lɛnin niaa volɔɔla celen te.