1Korɛntea 16:6 - BII BILA

⁶ Bɔɔle i tosanin telen pum o niaa lo, mì hivi sialten ndon, haliko nɛɛ-nɛɛ ya va pɛ kɔlan kelaa, la mala ya.

1Korɛntea 16:6 Referans Kwoze

Dɛnnda kiilaa 15:3

Mí vanaa Hala-a Antiɔs liila nda. Má kei Fenisi a Samari, má dimul vannda mɛɛ vanaa co N'Yuifi le-a a va Hala hɔlla mulullo yɛ. Mí puapilɛa kan kpow a dɔawnun ɲaale taw a tuu kon.

Rɔmnda 15:24

i ce maa i komalnin niaa o hiovɔɔ, mì la mala ya le kɔlan ndon. Kɛ mɛɛ mì soli vɔ fɔlɔn yeemɛi co ya le niaa cɔw-ve.

Tite 3:12

I vem dɔ́ɔ́ pɛ Artemas, te kon te Tsisike o nɔm ndo, a kindin a komal-la Nikopolis, kani lon ya tuu le sialten hivio ni.

2Korɛntea 1:16

Nduyɛ, yáà yeema mì yáà kei o niaa lo, mì yáà hiow niko Maseduan. O kon kɔɔli, yáà va vɛlɛ pɛ muungoo fulaa Maseduan, yáà hin vɛlɛ o niaa lo haliko mi niáà liila ya le kɔlan Yuda.

1Korɛntea 16:11

Vana-vana kialun ndu yii le. La mala ndu mò kɔɛ nɛɛ o co lan-nda a kɔlɲuloo, mò muungu ya o ibuŋ. I co ndu cumndo nda puapilɛa.

Dɛnnda kiilaa 28:11

Paangon mún yáá o kon kɔɔli, mí n faŋan, mí n luɛi o dɛ̀ndɛ̀ fula Alɛksandrii-o pum nin, ò tɔɔmasele Diɔskura va o tuulaa coo-o. Dɛ̀ndɛ̀ kalaa yɛ, o fonda simiaa ladɛndɔɔ pum o lo ni mí sialten kpow le hiaw.

Dɛnnda kiilaa 27:12

Handɔɔ o kon coo, nɛɛ simiaa dɛ̀ndɛ̀a kan ve fonda kɛndɛ le sialten hiovio lon te. Le hee, mí vanaa bɔɔ-bɔɔ va o dɛ̀ndɔ̀ɔ́ nin-nda yiyan le faŋanndo o fonda kon. O yiyan ndaa nin, ndáà yeema mì ndáà tiiya Fenikse, nɛɛ simiaa ladɛ̀ndɛ̀a o lɛŋnde Krɛte len nin pɛɛn, o co ba too a á ba paalen le del-lo tɛɛn-ndo. Lon ndáà yeema le sialten hivio ni.

Dɛnnda kiilaa 21:5

Kɛ palɛi ken hiovɔɔ, mí n bii nɛiyo le kɔlan. Mí nda kpow a liila naa, laandua ndaa a cuavaa ndaa, háá má soli naa o cieo kɔɔli. Mí n baŋ vulan o mɛmma ihɛllan kɔngɔ, mí n piɛi Hala.

Dɛnnda kiilaa 20:38

Le tùú o dimul nda maa ndáà ci lɛnin ndu loo mɔnɛi va nda ni. O kon kɔɔli, má liila ndu nɛɛ dɛ̀ndɔ̀ɔ́ va-a di.

Dɛnnda kiilaa 17:15

Mí vanaa va Pol liilaa-a a kɔa háá Atɛn. O kon kɔɔli, má muungu, má hun dimul Silas nda Timote maa a keleŋa ndu Pol komal.