1Korɛntea 16:2 - BII BILA

² O niaa tɛɛn, vana-vana kɛsi ɲɛ pum landɔ o ndu lo cɛinin mɛɛ o tiw ba yɛ le hunɔɔ a ndu o paale tasele co o lɔ́ɔ́ o lɔ́ɔ́ bɛngu len, haliko la cum telen ya kɔanin-ndo le ɲɛm mun cuungiaa le.

1Korɛntea 16:2 Referans Kwoze

Dɛnnda kiilaa 20:7

O paale tasele lɔ́ɔ́ coo, mí n bɔɔŋian le ɲɛdiaa dioo, mí Pol va sɔɛi o vannda lo. Ndóò yeema le hiovɔɔ diimandɔɔ, mó lo pɛɛkoo háá di-tɛɛndo.

Luke 16:10

Vana sandu pɛ o dɛnnda pɔmbɔlan nin, mɛɛ o sandunin vɛlɛ o la bɛndulan nin. Vana sendu o dɛnnda pɔmbɔlan nin te, mɛɛ o sendunin vɛlɛ o la bɛndulan nin te.

Tɔŋ miingua 8:18

La bɛnda mì la loonun maa Mɛlɛka Hala niaa co niaa yoomuan yɔngoo le ɲɔɔn sɔlaa ni. O co kon tosaa hau le kpema o cuel fuɲaa niaa mamaa-o peeloo le niaa, ciɛ́ɔn o cuel nda mó mɛnan, mó yiilu nda kpemaa-on pɛɛn.

Dɛnnda cɔɔmuanndan 1:10

Mí Kɔl-Diandaa cua ya o paale Mɛlɛka len coo, mí tuɛinun diom bɛndoo kɔɔli maa diom bulu,

Nsaŋ 20:19

Paale len le va paale taselen o lɔ́ɔ́ kon nin ni, diolan la va lakindaalan nɛɛ kaandennda va-a, kani siòònde va nda a Yuifia. Mí Yeesu hun, mó sim nda tɛɛn, mó dimul nda aa: «Màá la sɔla kɔlɲuloo!»

Luke 24:1

O paale tasele lɔ́ɔ́ coo, mí vanlaandua kɔa o sɛiyo sondoo a cuɛima cun kɛndɛma ndáà toosiaa-an.

2Dɛnnda lemasalan 31:10

mí Asaria va bolle vanaa-solia-lasálàá-o, o fula o polale Sadɔk len nin-ndo mulul ndu aa: «Kabi vannda kandu hunɔɔ a ɲɛm-kéan ndan o Cɛi-Mɛlɛka-o nin, n co dioo mì n va pumndo ca, o naa n co demaa-o co lou taw-taw, kani Mɛlɛka dɔw vanaa ndɔa duaa. Ɲɛm tɔ̀un co lou-von co kundaa nuaa ni.»

O Kandɔɔ 26:12

Vɔsi kon, mí Isaak váà ciɛi o lɛŋnde len nin, mó koaw ɲɛ o saŋ-ndo háá bɛmbɔɔ kɛmɛ. Kani Mɛlɛka va ndu duaa dɔvɔɔ.

Nsaŋ 20:26

Palɛi ŋɔmaa o kon kɔɔli, kaandeŋaa Yeesu-a va vɛlɛ cɛinin, Tomas va latulu a nda. Mí Yeesu hun, diolan la va la kiindiaa lan, mó sim nda tɛɛn, mó dimul nda aa: «Màá la sɔla kɔlɲuloo!»

Marke 14:8

Ɲɛ o nɔla-o o tosa ni. Cuɛima cun kɛndɛma o taaliaa ya man coo-an, le kumbɔɔ nuu o bɛɛndiaa pɔɔ dialun nun nuaa ni.

O Kandɔɔ 33:11

Lelan, bii ɲɛ ya cuu nɔm hoo-o ya o ba. Kani Hala ce ya ɲia taw, ɲɛ-ɲɛ ka co ya o ba.» O lo Esau baŋnɔnndo kɔɔli háá mí Esau bii yɔŋɔɔ kon.

O Kandɔɔ 32:10

O kon kɔɔli, mí Yakɔb piɛi aa: «Éé Hala Abraham fuɲa ni mamaa! Hala Isaak fuɲa ni-o! Nɔm dimul-la ni aa ya muungu vanaa nia o ibuŋ o lɛŋnde nilen nin, má tosal-la dɛnɛ kɛndɔɔ.

O Kandɔɔ 30:30

Kani ɲɛ bɔɔ ve nɔm o ba telen ya hin-ndo le, kɛ o hunɔɔ nuu, mí ɲɛ-sɔlaa nɔmndo kui taw-taw. Kabi ya hin nɔm o bɛngu coo, duaa Mɛlɛka co nɔm dɔvɔɔ-o co o bɔɔ. Te i lo pɛ nɔm o bɛngu coo lende, telen kuɛɛ ya co yɛ niko vallo tosa le yungule nilen?»

O Kandɔɔ 30:27

Mí Laban mulul ndu aa: «Mɛɛ tuinun ya iɲíí, lo niko ya o bɛngu coo nanu. Halaa nia cɔm ya maa le co n co ya o bɛngu coo-o Mɛlɛka dɔw ya duaa ni.

2Korɛntea 8:10

Yiyan nuu co hoo le niaa o sɔɛi he nin ni: o bɛnda bɔɔ mi la hiow laci. Niaa yɔŋnun vanaa tasea tapɔm le cuungiaa ho yɔngoo ni. Ɛ̀ɛ̀ nduyɛ, mí la tosa kon a kɔlta niaalan kpede.