1Korɛntea 16:16 - BII BILA

¹⁶ haliko mi la tuei vanaa vaa lende a vana-vana nda co vallo tosaa nda ndaa diom.

1Korɛntea 16:16 Referans Kwoze

Hebreea 13:17

La bii diomnda simlacia niaa mì la tuisin nda o labɛngunin. Kani a nɔ niaa hɔlten coo le kona nda hun dɔawnunnin o Hala lo-o. Lelan te la tuei nda pɛ diom, a tosa baala ndaa a ɲaaloo, o ve a cɛɛŋɔn te, la sɔla mala oo mala o ken nin te.

1Tesalonikea 5:12

Puapilɛa naa, n co niaa tɛɛlɔn, la ke vanaa co niaa baalaa tɛɛn-nda bɛɛlen, vanaa Hala vem le niaa simndan laci ma vá niaa pɛɛkoo-a pɛɛn.

3Nsaŋ 1:8

Lelan o bɛnda mì n mala vanaa vaa lende, haliko mi naa bɛɛ n tosa ɲɛ le toɲaa sɛŋio.

Dɛnnda cɔɔmuanndan 2:3

Vana biwnanndo n co ni, a yulu sangaa le diola nilan, a vi n'dial te.

1Piɛr 5:5

Lende koni i co le niaa cuaa felengia ni, la tuisin kaasonnda o labɛngunin. O naaŋan niaa vellaa-velle nin, la nɔ kɔl tuisianndo, kani Sɛbɛ Hala-o dimi aa: «Simullo Hala simul vanaa yongaa ni, kɛ mo tosal vanaa tuisiannda kɛndɛi.»

Hebreea 6:10

Hala co vana kɛɛ isandu le. O pɔɛɛnun ɲɛ niaa co tosaa-o a kaola niaa cɔm le ndu le, o pɔɛɛnun kpekula niaa co vanaa Hala-a solio lan te.

1Timote 5:17

Kaasoŋaa kɔlkalua co sɔɔn vanaa laalannda simndan laci ɲɛkɛndɛi-ya a nɔ bɛɛlen sala tiɔn, kɛ taama-taama a co diom Hala-o dimio mà va ndu vannda pɛɛkoo-a.

1Tesalonikea 2:9

Puapilɛa naa, la yiyan ndɔ mɛɛ naa n tosa baalaa mí n sanga taw yɛ: n va vallo idii a icɔl telen naa n va niaa Yoongu kɛndɛ fula Hala o ba-o tiiyallo-o yɔŋii naa n va o ba pila bɛngu.

1Tesalonikea 1:3

Nduyɛ, n co loonɔnndo lɔ́ɔ́-lɔ́ɔ̀ a laalan niaa laalan Hala Fuɲa naa-o, o niaa co cɔmndo o dɛnndan nin mì la va baalaa tosaa o kaolaa nin-ndo pɛɛn, a le tiindan kpeekpei niaa tiindan Maalii Yeesu Krista-o.

Filipea 4:3

Nɔm vana naa n co baalaa latulu ɲɛkɛndɛi-yo bɛɛ, i co nɔm dimul mà mala vanlaandua ŋiɔŋaa kan. Kindinndo pila nda co le Yoongu kɛndɔɔ yondaa naa ndaa a Kileman a caaŋaa naa tɔ̀a naa n va vallo latulu-a ni. Caaŋaa naa diola ndalan la co lasɛvaalan o sɛbɛ cindaa nin-nda pɛɛn.

Efɛsea 5:21

La biinan diomndan vellaa-velle le bɛɛle niaa co Krista keo len.

1Korɛntea 12:28

Lelan, o vanaa laalannda tɛɛn, mí Hala kɛsi fɔlɔn kiilaa, diinndɔɔ vanaa-tɛɛngaa-diom Hala-a, yàándɔɔ vanaa pɛɛkaa. O kon kɔɔli, vanaa tosa dɛnnda kaamaalan-nda, o nda kɔɔli, vanaa nɔ kela singiaa lan-nda, vanaa mala vannda-a, simlacia a vanaa sɔaa o sɔɔn mangalan celen nin-nda.

1Korɛntea 3:9

Kani vanaa co baalaa latulu a Hala-a naa n co ni. Niaa co ciɛi ndɔɛi ni.

Rɔmnda 16:12

La yil-la Trifɛn nda Trifos. Baalaa pila nda co tosaa le Maalii ni. Mì la yil-la Pɛrside, o ya kaola taw-vo, baalaa pila ndu bɛɛ tosa le Maalii ni.

Rɔmnda 16:9

La yil-la Irbɛn, caan naa naa n va baalaa latulu o Krista nin-ndo nda Stasis ya kaola taw-vo.

Rɔmnda 16:6

Mì la yil-la Mari. O tosa bɔɔ baalaa le niaa.

Rɔmnda 16:3

La yil-la caaŋaa nia naa n co baala Yeesu Krista-o tosaa latulu-a, Priska nda Akilas pɛɛn.

1Dɛnnda lemasalan 12:18

Mí David bɔŋa nda, mó dimul nda aa: «Te a yiyan kɛndɔɔ niaa hin o ya lo le ya malaa ni, mɛɛ i cɛl a kɔl nuu kpow, mì n vannun diom pilɛ naa niaa. Kɛ te le ya baa keiyo o mundu, le ya malɔɔ yaamɔaa nia o ba niaa hin ni, nduyɛ i yɔŋ yɛ vana dɛnɛ vɔɔn kɛ́-kɛ̀ le, maa Hala fuɲaa naa mamaa cɔ dɛnɛ kon, mò kelu naa yamɛi tɛɛn!»

Vana Kɔlkaloo 1:3

Ɔ́ɔ̀ tɔnɔ vanndacieea nɔ o sanga bɛndu nda co hoo o paalen bɛngu nanu-o nin-ndo?

Hebreea 13:24

La yil simlacia niaa a vanaa laalaŋaa tɔ̀a kpow. Vanaa laalannda Itali yil niaa.