1Korɛntea 16:15 - BII BILA

¹⁵ Puapilɛa nia, la sínà maa yungu Stefanas-o yɔŋnun vanaa laalaŋa tasea Akaii ni, má va vanaa diandaa baalaa tosallo. Lelan i co niaa yoomuan luei,

1Korɛntea 16:15 Referans Kwoze

1Korɛntea 1:16

I yin vɛlɛ Stefanas a yungu ndɔɔ, a tɔ̀a nda, i sínà le te i yin vana celen.

Rɔmnda 16:5

La yil-la vɛlɛ vanaa laalaŋaa co cuungianndo biyɔɔ o la nda lo cɛinin-nda. Mì la yil-la Epainɛte ya kaola taw-vo, nda yɔŋnun vanaa tasea le Krista o lɛŋnde Asii len nin ni.

1Piɛr 4:10

Vana-vana tosa mì caanda sɔla malaa o ke o sɔla Hala o ba-o nin. O kon mì la siŋnun vanaa caa ɲɔɔn mandaa-a, ɲɛm Hala ke niaa-on.

2Korɛntea 9:1

Hali mì sɛval niaa sɛbɛ le malaa biyɔɔ le vanaa diandaa Yuda yoo le.

2Korɛntea 8:4

Má baŋnun naa ɲunaa, maa n sɔɔnguu, mì n sɔɔ laba le vanaa diandaa malaa.

Rɔmnda 16:2

haliko mi la bii ndu o Maalii nin maa mɛɛ niaa vanaa laalannda bɛnda le vana biyɔɔ yɛ. O kɛ́-kɛ̀ o yeema pɛ, la mala ndu le kon, kani o co vanaa bɔɔ-bɔɔ malaa, ya pila bɛɛ.

Rɔmnda 15:25

Kɛ sunsun, Yerusalɛm ya co kɔlan ni, le baalaa vanaa diandaa tosaa.

Rɔmnda 12:13

La sɔɔnguu vanaa laalaŋaa co o balahavɛilan nin-nda ikɛi. La kindin le mialla biyɔɔ a ɲaaloo.

Dɛnnda cɔɔmuanndan 14:4

Nda yɔŋnun vanaa nɔɔlian a vanlaandua le-a ni, kani a síná dɛnɛ vanalanɔ le. A co kɔlan Saa téndóó kɔɔli nɛɛ-nɛɛ ka-a. Kan sɔla baŋaa vanndacieea tɛɛn ni, nda yɔŋnun vanaa tasea le hɛlio sɔlaa le Hala a le Saa téndóó ni.

Hebreea 6:10

Hala co vana kɛɛ isandu le. O pɔɛɛnun ɲɛ niaa co tosaa-o a kaola niaa cɔm le ndu le, o pɔɛɛnun kpekula niaa co vanaa Hala-a solio lan te.

Filemɔn 1:7

Puapilɛ nuu, i dɔwnun ɲaale taw mí sɔla yoomuan a kaola nɔmndo, kani a tosa mí vanaa laalannda ɲulul kɔltan.

1Timote 5:10

mò nɔ tɔ́ɔ́ kɛndɔɔ le dɛnnda kɛndɛla ndɔlan, mò va vana caa cuavaa ndɔa biyɔɔ-o, mò va vana caa mialla biyɔɔ-o, mò va vanaa diandaa pelon pulɔɔ, mò va vanaa sangaa co coo-a malaa, mò kindin le dɛnnda kɛndɛlan kpow tosaa.

1Korɛntea 16:17

I dɔwnun ɲaale le hunɔɔ Stefanas, Fɔrtinatis a Akaikus-o, kani a cuu ya ɲɛm va ya pɛŋnden-ndon, la ve nanu le.

Rɔmnda 15:31

haliko mi hɛlun vanaa laalaŋaa lepɛŋnda haa Yuda, mì vanaa dandaa kɔ naŋ kɔl a ɲɛm ya co nda yoo Yerusalɛm-ndon.

Dɛnnda kiilaa 18:12

Tuma Kaliɔn va masa-ibunga Rɔmnda Akaii ciee-o, mí Yuifia cɛlan, má simul Pol. Má kɔa a ndu nɛɛ kialaa n'yamaa.

1Korɛntea 16:1

Le mala co biinɔnndo le vanaa diandaa-o yɛ, la tosa mɛɛ ya dimul vanaa laalannda Kalasi yɛ.