1Korɛntea 16:13 - BII BILA

¹³ La pɔɛɛnun te, la sim yili o laalanndo nin, la luei yoomuan a kpaayaa.

1Korɛntea 16:13 Referans Kwoze

Yosue 1:9

Ya le dimul nɔm te áá lueinun yoomuan ma sim yili? Siòòŋii bii nɔm te, vu n'dial te, kani nɛɛ-nɛɛ n kɔɛ pɛ, ya Mɛlɛka Hala nɔmndo, i vanin nɔm ikɛi.»

Efɛsea 6:10

Le sɔɛi siowvo, la luei yoomuan o Maalii nin a o kpaaya ndɔ bɛndu-bɛndoo nin.

1Korɛntea 15:58

Lelan, puapilɛa nia hɛnan ya taw-va, la sim yili. La kpeeŋian te. La yɔngun lɔ́ɔ́-lɔ́ɔ̀ o baala Maalii-o nin, mì la sínà maa baala niaa co tosaa o Maalii nin-ndo co fúú le.

Kalatea 5:1

Le hɔ́ɔ́yɛi Krista mingi naa hɔ́ɔ́a ni. Lelan la sim yili, la luei lɛ bollen o cɛlen nin te.

Condii lisai 27:14

Lelan, tiindan Mɛlɛka. Sim yili, ma luei yoomuan, tiindan Mɛlɛka.

Filipea 4:13

I co dɛnndan kpow nɔlaa o hɛnan vana co ya kpaayaa keo-vo bɛngu.

2Tesalonikea 2:15

Lelan, puapilɛa naa, la sim yili mì la loonun pɛɛkula naa n pɛɛku niaa a lasondo lan, te kon te o sɛbɔɔ nin-ndan.

Filipea 1:27

Kɛ la kela mɛɛ Yoongu kɛndɛ Krista-o co yɛ. O kon, i kɔ o niaa lo, i kɔa le, i co tueyɔɔ maa la co yili o yiyan pilɔɔ nin, mì la va Yoongu kɛndɔɔ cɛwcɛwvo a laalan pilɔɔ.

1Piɛr 5:8

La pɔɛɛnun te, la va lahɔl, kani yaamɔɔ niaa, masa ɲinaa vɔɔnda co balɔɔ a kuuliaa maa yàlà, le vana o sɔlanin mo de ndu-o.

Filipea 4:1

Lelan puapilɛa nia hɛnan ya-a, yeemɛi co ya le niaa cɔw vɛlɛ. Niaa co ɲaale nuu a bɛɛle nilen ni. Lelan, caaŋaa nia hɛnan ya taw-va, la lo lende yili o Maalii nin.

Esai 35:4

La dimul vanaa kɔltan la hiilun nin-nda aa: «La lueí yoomuan, siòòŋii bii niaa le! La tofa vɔ, Hala niaa co hunɔɔ le màá mingio a le vana-vana sala dɛnnda ndɔlan keo. Ndu pila hunnin le niaa ciindiaa ni!»

1Tesalonikea 3:8

Sunsun, n sɔla vɛlɛ yoomuma sɛnɛi, kani la co a yiinan sakpo o Maalii nin.

2Timote 4:7

I kindi a labɛɛla, mí tiindan Mɛlɛka, i cii vali va le ya-o tosa, mí kindin, mí lo o laalanndo coo.

2Samiɛl 10:12

Lelan, tosa vanapɔnɔyɛi, mì n tosa cɔwvo a yoomuan le lɛŋnde naalen a le kobila Hala naa. Màá Mɛlɛka tosa ɲɛ hɛnan ndu-o!»

2Korɛntea 1:24

N co niaa baŋɔɔ mì la laalan te, kani la co a simaa yili o laalanndo coo, kɛ n yeema mì n mala niaa o dɛnɛ kɛndɛ niaa nin.

Matie 26:41

La tiondu mì la piɛi, yɔŋii niaa del o tɔɔndanndo nin. La co yiyanndo le tosaa lende, kɛ dialun vílɛ́iyon co niaa.»

Kolɔsea 4:2

La biwnun o piɛilen nin, la pɔɛɛnun a piɛile balika len o Hala lo le.

1Dɛnnda lemasalan 28:10

Sina nihau maa Mɛlɛka cii nɔm hɛli, haliko ma tangul Cɛiyo, ó vanin Cɛi-Diandaa-o. Luei niko yoomuan mà tosa vallo.»

1Piɛr 4:7

Mɛɛlula ɲɛ-ɲɛ la co nin kpɛɛlun. Lelan, la kiondu kɔltan mì la va lahɔl le piɛilen.

1Timote 6:12

Cɔlɔba cɔlɔba toɲaa a laalanndo. Kafalan cinda lɔ́ɔ́-lɔ́ɔ̀, kani le ndu n sɔla veeloo telen n cɔm laalan nɔmndo seiya taw o hɔl-lo ni.

1Korɛntea 14:20

Puapilɛa nia, la va n'cuaambɔ o kɔlkalu niaa nin te, kɛ la va cuaambɔa le dɛnɛ vɔɔndo, mì la va kaasonnda o yiyannda niaalan nin.

Kolɔsea 4:12

Epafras fula o niaa lo-o yil niaa. Vana baala Yeesu Krista-o langbanɔ kon co ni, o co pɛngì Hala piɛyo le niaa le, haliko mi la sim yili, mì la peelun, mì la tosa hɛnan Hala-o o dɛnndan kpow nin.

2Timote 2:1

Nɔm yɛ niko, po nuu, luei yoomuan le kɛndɛi naa n sɔla Yeesu Krista o ba-e.

Kolɔsea 1:23

Kɛ nduyɛ mɛɛ mì la lo o laalanndo nin, mì la sim lecoo yili, la faŋan o tiindan niaa sɔla kabi niaa tuei Yoongu Kɛndɔɔ-o coo le. Yoongu kɛndɛ kon tiiyalannin ɲɛm cɔwnun-ndon kpow, vana baala yoongu kon ya Pol siŋnun nuaa ni.

Daniɛl 10:19

Mó dimul-la aa: ‹Siòòŋii bii nɔm te, nɔm po Hala kaola taw-vo. Vannun a kɔlɲulu. Kindikindin mà sɔla yoomuan.› Tuma o va sɔɛi-yo, mí kandu yoomuan sɔlaa, mí dimul ndu aa: ‹Soo, Maalii nuu! Kani a luei ya yoomuan.›

Daniɛl 11:32

O lueinin vanaa kɛɛ kpemaa-a o pɔwlan nin a candula ikpaavalan. Kɛ yungu vanaa sina Hala ndaa-a nda simnin yili o dɛnnda ndalan nin ma lo lecoo.

1Tesalonikea 5:6

Lelan, n lɔlnùn maa vanaa tɔ̀a le. Kɛ n vannùn lahɔl yékén mì n vannùn vanaa bii kɔlta ndalan-nda.

Efɛsea 3:16

I co ndu piɛi, mò luei niaa yoomuan a kpaaya Kɔl-Diandaa ndɔɔ mɛɛ tɔnɔ biilu ndɔɔ co yɛ,

1Samiɛl 4:9

Lelan naa Filistia, fɔ mì n sim yili, mì n tosa vanapɔnɔyɛi. N kɔ cɔlɔban Hebreea a yoomuan. Yɔŋii naa n siŋnun cɛa ndaa mɛɛ nda va paandu cɛa naa yɛ.»

Sakari 8:9

Ya Mɛlɛka-Nɔ-Kpaayaa-Kpow-vo soaa nuaa ni: La lueí yoomuan, niaa co hau sɔɔn vanaa-tɛɛngaa-diom Hala-a dimi lɔ́ɔ́ kon-ndon tueyɔɔ-a. Lɔ́ɔ́ Cɛi-Mɛlɛka-Nɔ-Kpaayaa-Kpow-vo-o kilan tumndo-o nda dimi mun ni, lɔ́ɔ́ nda kandu Cɛi-Hala-o mingio tangullo-o pɛɛn.

Aasee 2:4

Lelan, nɔm Sorobabɛl, luei yoomuan. Ya Mɛlɛka soaa nuaa ni. Nɔm Yosue bolle vanaa-solia-lasálàá, po Yehosadak-o bɛɛ, luei yoomuan. Niaa vanaa tɔ̀a lɛŋnden nin kpow, la lueinun yoomuan. Ya Mɛlɛka soaa nuaa ni. La tosa baalaa, Kani i co niaa ikɛi. Ya Mɛlɛka-Nɔ-Kpaayaa-Kpow-vo o soaa nuaa ni.

1Dɛnnda lemasalan 19:13

Veesiaa hɔlla ma sim yili, n tosa cɔwvo a dialun fulan le vanaa naa a le kobila Hala naa. O kon mì Mɛlɛka tosa mɛɛ hɛnan ndɔɔ co yɛ.»

Dɛnnda cɔɔmuanndan 16:15

… Tofa vɔ, i co hunɔɔ maa vui. Dɛnɛ kɛndɔɔ co le vana co kɔl, mò manda volɔɔla ndɔla cuɛinanndan, haliko o kela fondo mi siɛmbulan la bii ndu a vannda loo.

2Timote 4:5

Kɛ nɔm nɔm, va vana taasio o dɛnndan nin kpow, mà biwnun sangalan, mà tiiyal vannda Yoongu Kɛndɔɔ, mà tosa vali n nɔ le tosaa-o maa vana baala Mɛlɛka-o.

Luke 21:36

La lɔl te, la va piɛilen lɔ́ɔ́-lɔ́ɔ̀. O kon, mì la sɔla yoomuan le dɛnnda hun tosannin-ndan kpow biuvɔnndo, le simndan Po vanacieo o hɔl.»

Sakari 8:13

Niaa cuavaa Israɛlla a niaa polale Yuda len, La paandu maa vanaa danga vanaa-mangalaa-isɔaa tɛɛn yɛ. Kɛ o laan, i co niaa ciindiaa, mì la siŋnun vanaa duaa. Lelan, siòòŋii bíì niaa le. La lueí yoomuan.

Matie 25:13

Lelan, la va o lapɔɛyɔn nin te, kani la sina paale len te, la sina telen kon te.»

Yosue 1:18

Vana-vana tosal nɔm pɛ nila kalulan, mò bii sɔɔn nɔmndon te, vana kon ndu sɔlanin piɔ́mndo. Lelan, lueinun yoomuan ma sim yili.»

1Masaa 2:2

«I co hunɔɔ nɛi caanda kpow diam-ndo diomɔɔ. Lelan, luei yoomuan mà tosa vanapɔnɔyɛi.

Condii lisai 31:24

Niaa vanaa lo o lediom coo-a kpow, la kaola Mɛlɛka! Kani Mɛlɛa co vanaa laalan ndu-a mandaa, mò va vanaa yongaa sanga bɛndoo tuisio coo.