1Korɛntea 16:11 - BII BILA

¹¹ Vana-vana kialun ndu yii le. La mala ndu mò kɔɛ nɛɛ o co lan-nda a kɔlɲuloo, mò muungu ya o ibuŋ. I co ndu cumndo nda puapilɛa.

1Korɛntea 16:11 Referans Kwoze

1Timote 4:12

Cɛ̀l mì vana-vana kelun nɔm yii le mɛɛ n co langbanɔ felengoo yɛ le, kɛ va tɔɔmaseloo le vanaa laalannda o sɔɛi sondoei nin, o dɛnndan nin, o kaolaa nin, o laalanndo nin a o dindinndo nin.

Dɛnnda kiilaa 15:33

Telen pum o kon kɔɔli, mí vanaa laalaŋaa kan a dɔaw nda duaa, le mɛɛ nda muungu kɛndia vanaa vem nda-a o ibuŋ yɛ.

Tite 2:15

Dɛnnda n bɛnda ma pɛɛku vannda lan la co laan ni. Luei nda yoomuan mà soo nda a kpaayaa. Cɛ̀l mì vana-vana kelun nɔm yii le.

1Korɛntea 16:10

Te Timote komal niaa pɛ, la caa ndu biyɔɔ, o va a isiòòn niaa tɛɛn te, kani o co vallo tosaa maa ya o baala Maalii-o nin.

1Korɛntea 16:6

Bɔɔle i tosanin telen pum o niaa lo, mì hivi sialten ndon, haliko nɛɛ-nɛɛ ya va pɛ kɔlan kelaa, la mala ya.

3Nsaŋ 1:6

A dɔwnun kona a kaola nɔmndo o kɔɔ kunda vanaa laalannda o hɔl. A saa pɛ a mala nda ɲɛkɛndɛi mɛɛ Hala naŋ kɔl lɛ, le kela nda co kɔlan-ndo.

1Tesalonikea 4:8

Lelan, vana-vana kɛɛ pɛ pɛɛkoo ho, o co vanaciee le o kɛɛ le, kɛ Hala, o co niaa Kɔl-Diandaa ndɔɔ keo-vo o kɛɛ lende ni.

Luke 10:16

Mí Yeesu dimul vɛlɛ kaandeŋaa ndɔa aa: «Vana-vana tuei pɛ niaa diom, mɛɛ ya o tuei diom ni, vana kɛɛ pɛ niaa, mɛɛ ya o kɛɛ ni. Nduyɛ, vana-vana kɛɛ ya pɛ, mɛɛ vana vem ya-o o kɛɛ lende ni.»

Dɛnnda kiilaa 15:3

Mí vanaa Hala-a Antiɔs liila nda. Má kei Fenisi a Samari, má dimul vannda mɛɛ vanaa co N'Yuifi le-a a va Hala hɔlla mulullo yɛ. Mí puapilɛa kan kpow a dɔawnun ɲaale taw a tuu kon.

2Korɛntea 1:16

Nduyɛ, yáà yeema mì yáà kei o niaa lo, mì yáà hiow niko Maseduan. O kon kɔɔli, yáà va vɛlɛ pɛ muungoo fulaa Maseduan, yáà hin vɛlɛ o niaa lo haliko mi niáà liila ya le kɔlan Yuda.