1Korɛntea 16:1 - BII BILA

¹ Le mala co biinɔnndo le vanaa diandaa-o yɛ, la tosa mɛɛ ya dimul vanaa laalannda Kalasi yɛ.

1Korɛntea 16:1 Referans Kwoze

1Nsaŋ 3:17

Te vanndo nɔ pɛ ɲɛm ceenndon o ba, mo ce puapilɛ ndɔɔ o bahavɛiyo nin, mò kindal ndu kɔl ndɔɔ, vɛ̀ɛ̀ o dimi yɛ o kon maa o kaola Hala?

Rɔmnda 12:13

La sɔɔnguu vanaa laalaŋaa co o balahavɛilan nin-nda ikɛi. La kindin le mialla biyɔɔ a ɲaaloo.

Kalatea 2:10

I nda dimul naa kínɛí-ye co ni maa naa n pɔɛɛnun vanaa bala fondoa le, nduyɛ i pɔɛɛnun lɔ́ɔ́-lɔ́ɔ̀ le ken tosaa le.

Dɛnnda kiilaa 24:17

I faŋan Yerusalɛm, o co nin hau vɔsilan a vɔsilan, i muungu nanu le vanaa bala fondoa co o lɛŋnde nilen nin-nda ɲɔɔn keo a le sálàlan solio.

Filemɔn 1:7

Puapilɛ nuu, i dɔwnun ɲaale taw mí sɔla yoomuan a kaola nɔmndo, kani a tosa mí vanaa laalannda ɲulul kɔltan.

Filemɔn 1:5

Kani i co tueyɔɔ mɛɛ n laalan Maalii Yeesu, má kaola vanaa laalannda kpow yɛ.

Hebreea 6:10

Hala co vana kɛɛ isandu le. O pɔɛɛnun ɲɛ niaa co tosaa-o a kaola niaa cɔm le ndu le, o pɔɛɛnun kpekula niaa co vanaa Hala-a solio lan te.

Dɛnnda kiilaa 11:30

Má tosa lende. Má soli ɲɛm mun, má yɔngu Barnabas nda Sol, mí nda yoo kaasoŋaa kɔlkalua Yuda ɲɛm-kéan ndan mun.

Dɛnnda kiilaa 16:6

Telen nda va keiyo Frisii a o lɛŋnde Kalasii len nin-ndo, mí Hala Kɔl-Diandaa kuuna nda sɔɛi Hala-e dimio.

Kalatea 1:2

a puapilɛa naa n co latulu-a, n co vanaa laalannda Kalasii sɛbɔɔ ho sɛvallo.

Dɛnnda kiilaa 18:23

Mó lo lon le telen pum. O kon kɔɔli, mó muungu, mó kei o fondala yɛ́-yɛ́la va Kalasii a Frisii lan, mó luei kaandennda kpow yoomuan.

Dɛnnda kiilaa 11:28

Mí vana pilɛ o nda tɛɛn, diolan Akabus, o can a kpaaya Hala Kɔl-Diandaa, mó dimul vannda siɔdii lacio maa yima fofolan ma va hunɔɔ luɛyɔɔ fɔ́ɔ́fɔ̀, o ceendo ho coo kpede. (Telen Klode va masalen tosaa-o dɛnɛ kon yɔŋnun ni.)

Dɛnnda kiilaa 9:41

Mí Piɛr bii ndu baa, mó simi ndu. O kon kɔɔli, mó veelu niko vanaa laalannda a vanlaandua piaandaa ndaa vi-a, mó cɔm nda ndu.

Dɛnnda kiilaa 9:13

Kɛ mí Ananias muli aa: «Mɛlɛka, vanaa bɔɔ-bɔɔ a dimul-la sɔɔn a langbanɔ kon o kɔɔ, má dimul-la vɛlɛ dɛnnda vɔɔnnda o tosal vanaa nɔmnda Yerusalɛm-ndan.

1Korɛntea 4:17

Le hee, i co Timote po ni ya kaola taw-vo vomɔɔ o niaa lo, vana lo o lediom coo a Mɛlɛka-o o co ni. O yiyalannin niaa nɛila ya co kelaa coo o Krista nin-ndan a mɛɛ ya co keiyo pɛɛkoo vanaa laalannda tɛɛn nɛɛ-nɛɛ ka yɛ.

1Korɛntea 11:34

Te yiyan ma va pɛ vanndo pum nɛiyo, mɛɛ o dio o ndu lo, yɔŋii niaa pila sɔla yaalaa telen niaa va a cuungiannda-o. Le sɔɔn tɔ̀un yɛ, lɔ́ɔ́ ya kɔanin-ndo, i siownin mun toosiaa.

1Korɛntea 16:15

Puapilɛa nia, la sínà maa yungu Stefanas-o yɔŋnun vanaa laalaŋa tasea Akaii ni, má va vanaa diandaa baalaa tosallo. Lelan i co niaa yoomuan luei,