1Korɛntea 15:47 - BII BILA

⁴⁷ Adam tasoo a puuloo Mɛlɛka toosiaa ndu ni, kɛ o diinndɔɔ ndu, o halataala o fula ni.

1Korɛntea 15:47 Referans Kwoze

Nsaŋ 3:31

«Vana fula coocoo-o, ndu hiow vannda kpow, vana co o lɛŋnden coo-o, le lɛŋnden ndu co ni, a sɔɔn co o lɛŋnden coo-on o kɔɔ o soaa ni. Kɛ vana fula o halataala-o, ndu hiow vannda kpow,

O Kandɔɔ 2:7

Mí Mɛlɛka Hala ɲɔla puuloo lɛŋ, mó cɔaw vanacieo a puulu kon. Mó hul ndu hoeyii yoomuɛi o tɛɛngun lamilinndon nin, mí vanaciee kon siŋnun ɲɛ yoomaa.

O Kandɔɔ 3:19

Lɔ́ɔ́ pá ma sɔlá nin ɲɛdiaa nɔmndo, fɔ ma kelun lalle o itendu. A lonin lende háá mà muungu lɛŋ, nɛɛ n fula-a. Kani a puuloo n cɔwnun ni, lelan o puuloo nin n co vɛlɛ muungu ni.»

2Korɛntea 5:1

Kani n sínà maa te cɛi-kola-toandaa naa n co nin o ceendo ho coo-o tambu pɛ, n nɔ cɛiyo o halataala, o Hala toosiaa le fɛɛn a fɛɛn-ndo, o vanaciee beŋ too.

1Korɛntea 15:45

Nduyɛ o sɛvan aa: «Vanaciee tasoo, o co Adam-ndo, o falun ivanacieeyaan nin o va ni, kɛ Adam mɛɛlaa ndu, kɔl yɔngu vana yoomoo-o o yɔŋnun ni.»

Luke 2:11

Vana Ciindiaa vilun niaa hau o Kobi David-o nin, ndu co Krista ni, Maalii pɛɛn.

Esai 9:6

Tofa vɔ ɲɛ o tosanin-ndo: masalen pɛngɛlaa mì le kui, vana co o kpɛŋɛ lemasa David-o coo-o a masale ndɔlen kɔlɲulu nɔ lamɛɛlu loo yɔngoo, yoomuan masale ndɔlen lueiyo a len simio yili, a dɛnɛ sandaa a sakpoyɛi, kandɔɔ sisa háá le fɛɛn a fɛɛn. Dɛnndan ndan Mɛlɛka-Nɔ-Kpaayaa-Kpow-vo tosanin a dialun fulaan ni.›»

1Timote 3:16

A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.

Dɛnnda kiilaa 10:36

O cuu Israɛlla sɔɛi ndɔɛi, sɔɛi ken i co Yoongu Kɛndɛ vana sɔla kɔlɲuloo a Yeesu Krista o kɔɔ-e ni, Yeesu co Maalii le vannda kpow-vo pɛɛn.

Nsaŋ 6:33

Kani ɲɛdiaa Hala-o, ndu co o fula o halataala mó ke ceendo cindaa-o ni.»

Matie 1:23

«Cuaambɔ lembu sina vɔ dɛnɛ vanapɔnɔ loo cuanin folio, mò velu hɔ́ɔ́ piaandoo, mà ke ndu diolan aa Emmanuɛl», kɔlɔ ndɔɔ co ni aa: «Hala co naa ikɛi».

Yeremi 23:6

O paale ndɔlen Yuda sɔlanin baŋaa ni, Israɛlla vanin nila ɲulu fɛɛ. Diola nda kenin ndu lan la vanin ni aa: ‹Mɛlɛka vana naa ciindiaa.›

1Korɛntea 15:46

O co kɔllo le co o tasoo le, dialun ivanacieeyan ni, o kon kɔɔli dialun kɔllon.