1Korɛntea 15:45 - BII BILA

⁴⁵ Nduyɛ o sɛvan aa: «Vanaciee tasoo, o co Adam-ndo, o falun ivanacieeyaan nin o va ni, kɛ Adam mɛɛlaa ndu, kɔl yɔngu vana yoomoo-o o yɔŋnun ni.»

1Korɛntea 15:45 Referans Kwoze

Nsaŋ 5:21

Kani mɛɛ Fuɲaa tindi vanvílɛ́iya má muungu yoomu yɛ, lende koni Poo bɛɛ yɔngù vanà o yeema-o yoomoo ni.

O Kandɔɔ 2:7

Mí Mɛlɛka Hala ɲɔla puuloo lɛŋ, mó cɔaw vanacieo a puulu kon. Mó hul ndu hoeyii yoomuɛi o tɛɛngun lamilinndon nin, mí vanaciee kon siŋnun ɲɛ yoomaa.

Rɔmnda 8:2

Kani tɔŋ Kɔl-Diandaa yɔ̀ngu vana yoomoo o Yeesu Krista nin-ndo baŋa ya tɔŋ hakio a tɔŋ piɔ́mndo o ba.

Nsaŋ 6:63

Kɔl Hala-o ke vana yoomoo ni. Diallon nɛŋi mako kɛ́-kɛ̀ le. Kɔl Hala-o a yoomoo sɔɔn ya dimul niaa-on co ni.

Nsaŋ 14:6

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

Nsaŋ 6:57

Maa mɛɛ Pua co yoomu-o vem ya, mì va yoomu le ndu Pua yɛ, lende koni, vana de ya pɛ, ndu vanin yoomu le ya.

Nsaŋ 6:33

Kani ɲɛdiaa Hala-o, ndu co o fula o halataala mó ke ceendo cindaa-o ni.»

Nsaŋ 6:54

Vana de pɛ dialun nun, mò kol kooma nian, ndu sɔla cinda fɛɛn-fɛɛndo. O kon, i tindinin ndu fulaa vanvílɛ́iya tɛɛn o paale mɛɛlaa len.

Dɛnnda cɔɔmuanndan 22:17

Mí Kɔl Hala-o a lanɔɔ Saa téndóó va dimio aa: «Hun!». Vana tuei pɛ ndu bɛɛ veelu aa: «Hun!». Vana kolɔɔ bii pɛ, o hun. Vana yeema pɛ, o hun kɔndu mɛmma yooman, o co a vɔngu le.

Dɛnnda cɔɔmuanndan 22:1

Mí mɛlɛkanɔɔ cɔm vɛlɛ ya pee mɛmma yoomaa, mɛmma ndɔan ma va madiandaa few maa tofan, o kpɛŋɛ lemasa Hala-o a Saa téndóó-o mɛmma ndɔan ma va fulaa ni.

Dɛnnda cɔɔmuanndan 21:6

Mó dimul-la vɛlɛ aa: «I cuu tosan, ya co vana tasoo a vana mɛɛlaa ni, kandɔnndo a mɛɛlulan pɛɛn. Vana kolɔɔ bii pɛ, i kenin ndu soon mɛmma yoomaa, o venin a vɔngu le.

Kolɔsea 3:4

Telen Krista, o co yoomu niaa-o fulanin ceen-ndo, o kon niaa bɛɛ la fula latulu a ndu o biiloo nin.

Filipea 3:21

Ndu mangalanin kɔɔle naale dɛnɛ palaalen ni, mò mingi len maa kɔɔle ndɔle biilaa len, a kpaaya bɛndu o nɔ le ɲɛ-ɲɛ fee lueinɔnndo ndu o ba bɛngu-o.

Rɔmnda 5:21

Nduyɛ, mɛɛ hakio tosa masalen a piɔ́mndo o kɔɔ yɛ, lende koni kɛndɛi co masalen tosaa a dɛnɛ sandaa o kɔɔ ni, le vanndacieea yoomu fɛɛn-fɛɛndo yɔngoo Maalii naa Yeesu Krista o ba bɛngu.

Rɔmnda 5:17

I co toɲa maa piɔ́mndo cɔm kpaaya ndɔɔ le haki vanndo ndu pilɛ tosa-o. Lelan, vanaa sɔla kɛndɛi bɛnduei a dɛnɛ sandaa-a tosanin masalen Yeesu pilɛ kon o ba bɛngu o ceendo coo.

Dɛnnda kiilaa 3:15

Mí la tosa, má dii vana nɔ yoomoo o ba-o, kɛ mí Hala mingi ndu yoomu fulaa vanvílɛ́iya tɛɛn. Naa n co seiya ni.

Nsaŋ 14:19

O lo ɲɛ-pɔmbɔ, ceendo ci lɛnin ya le, kɛ niaa, la canin ya, kani i co yoomu, niaa bɛɛ la vanin yoomu.

Nsaŋ 10:28

I yɔngu nda yoomu fɛɛn-fɛɛndo. A vinin lɔ́ɔ́-lɔ́ɔ̀ le, nduyɛ vana-vana solinin nda ya o ba le.

Nsaŋ 10:10

Le ciimbuuo, diwvo a tɛɛmbuuo daama vuiyo ndu hun ni. Ya ya, i hin haliko mi saa sɔla yoomoo, mà sɔla ndu taw-taw.

Nsaŋ 6:68

Mí Simɔn Piɛr mulul ndu aa: «Maalii, o nɛ̀ɛ̀ lo naa n kɔa yɛnin? Nɔm nɔ sɔɔn yoomu fɛɛn-fɛɛnndon ni.

Nsaŋ 4:14

kɛ vana kol pɛ mɛmma ya co ndu yɔngu-an, kolɔɔ bii lɛnin ndu lɔ́ɔ́-lɔ́ɔ̀ le. Mɛmma ya co ndu man yɔngu-an ma siŋnunnin pee-lebollo ndu nin, mì mɛmma ndɔan ma kɔɛ háá o cinda fɛɛn-fɛɛndo nin.»

Nsaŋ 4:10

Mí Yeesu mulul ndu aa: «Te nɔm óò sina pɛ ke Hala-o, a vana co nɔm hoo dimullo aa: ‹Ke ya mɛnndan mì kol›-lo, nɔm va ndu mɛmma kolan piɛi ni, mì ndóò ke nɔm mɛmma yɔngu vana cindaa-an.»

Nsaŋ 1:4

O ndi nin yoomoo co ni, yoomu kon co ɲɛ-tengaa le vanndacieea ni.

Dɛnnda cɔɔmuanndan 16:3

Mí mɛlɛkanɔ diinndɔɔ cuiŋi ɲɛ va o taala kólaa ndɔɔ nin-ndo o mɛmma ihɛllan nin, mí ma siŋnun koovan maa kooma vana vílɛ́i, mí ɲaa yoomaa va o mɛmma ihɛllan nin-nda kpow a vu.

1Korɛntea 15:46

O co kɔllo le co o tasoo le, dialun ivanacieeyan ni, o kon kɔɔli dialun kɔllon.

Hebreea 9:14

Nɛɛ ken tosan-ndɔ lende, vɛ̀ɛ̀ kooma Yeesu-an man ma hiw kpaayaa lende le? Kani a kpaaya Hala Kɔl-Diandaa ndu pila yɔngun Hala ni, maa cɔlu sálà nɔ lenamta loo. Lelan, o dindinin kɔlta naalan le dɛnnda naala vɔɔnndan haliko mi n tosal Hala yoomaa vallo.