1Korɛntea 15:42 - BII BILA

⁴² Lende ɲɔɔ vanin o tendul vanvílɛ́iya ni. A kɔɔle vu len nda kumbun ni, mà tendul a kɔɔle vi le len.

1Korɛntea 15:42 Referans Kwoze

Matie 13:43

O telen kon, vanaa sandaa vanin tengaa maa lepala o masale Fuɲa nda len nin. Vana nɔ pɛ nilan, mɛɛ ndu tueí!»

Daniɛl 12:3

Vanaa hiow kɔlkaloo-a tenganin a naŋɔɔ mɛɛ halataalaa tenga nuaa yɛ. Vanaa cɔm vannda nɛi dɛnɛ sandaa ma pɛɛku nda ndu-a diandunin le fɛɛn a fɛɛn maa loeon o halataala.

1Piɛr 1:4

le kɛ́ tembu loo, o nɔɔlian too, o ɲɔfɔla loo. Kɛ́ kon co o mandaa le niaa o halataala,

Rɔmnda 8:21

Ɲɛm mun bɛɛ n co hunɔɔ fula o cɛle len nin, n si lɛnin te. Mì mun bɛɛ n sɔla naŋɔɔ bɛndu cuavaa Hala-a sɔlanin-ndo.

Dɛnnda kiilaa 2:31

Tendul Krista-o fulaa vanvílɛ́iya tɛɛn ndóò ce pɔ́ lende ni, mó dimi aa: ‹O lo ciee-piɔ́m te, dialun ndɔn si o sɛiyo nin te.›

Rɔmnda 1:23

Má mangala biilu Hala tembu loo a tuuliaala ɲɛm tambu-on: tuuliaala vanndacieea, la yowva, la visia pelun hiɔɔlua a la visia sasun lɛŋ o kɔlan-nda.

Dɛnnda kiilaa 2:27

Kani nɔm Mɛlɛka melnin ya kɔlan ciee-piɔ́m te, a cɛlnin mì ya vana baala nɔm n kɛsi landɔ-o tol o sɛiyo nin te.

Esai 38:17

Tofa vɔ, hali sanga ni bɛndoo siŋnun kɔlɲuloo, kani nɔm Mɛlɛka, má kanda yoomu nuu yɔŋii ndóò del o soon piɔ́mndo nin, má viawnun hakila nilan nɔm a makɔɔ polon.

Condii lisai 49:14

Tofa vɔ ɲɛ co le vanaa co nda pila tiindanndo-a-o, siɔdii laci vanaa yeema mì vannda yaŋ nda nilan-nda pɛɛn:

Condii lisai 16:10

Kani nɔm Mɛlɛka, a melnin ya kɔlan ciee-piɔ́m te, a cɛlnin mì ya vana lo lediom coo a nɔm-ndo tol o sɛiyo nin te.

SƐBƐ YƆB-O 17:14

I co sɛi nuu dimullo aa: ‹Nɔm co fuɲa nuu ni›, mì va ɲɛ siovɛiyo yondallo aa: ‹Nɔm co kala nuu a yema nuu ni!›

O Kandɔɔ 3:19

Lɔ́ɔ́ pá ma sɔlá nin ɲɛdiaa nɔmndo, fɔ ma kelun lalle o itendu. A lonin lende háá mà muungu lɛŋ, nɛɛ n fula-a. Kani a puuloo n cɔwnun ni, lelan o puuloo nin n co vɛlɛ muungu ni.»

Condii lisai 49:9

Yoomula ndalan le kendu bɔɔ báà le lan nɔlaa baŋaa. Ken nɔla tosanndo lɔ́ɔ́-lɔ́ɔ̀ le.

Rɔmnda 2:7

O kenin vanaa co biuvɔnndo le dɛnɛ kɛndɔɔ tosaa-a yoomu fɛɛn-fɛɛndo, a co kindinndo le biiloo, bɛɛlen a si lɔ́ɔ́-lɔ́ɔ̀-o sɔlaa-a pɛɛn.

1Korɛntea 15:41

Paalen le nɔ diondɔɔ ndɔ, paangei i nɔ diondɔɔ ndɔ. Loeon bɛɛ n nɔ diondɔɔ ndɔ, diondɔɔ loi pum co tengen a diondɔɔ loi pilɛi.

Kalatea 6:8

Vana saŋ pɛ le yeemɛi ndɔɛi ndu pila-e, ɲɛ yeemɛi ndɔɛi koam-ndo o koaw ni, piɔ́mndo pɛɛn. Kɛ vana saŋ pɛ le Kɔl-Diandaa, ndu kow o fula o Kɔl-Diandaa nin-ndo, yoomu fɛɛn-fɛɛndo pɛɛn.