1Korɛntea 15:24 - BII BILA

²⁴ O kon, mɛɛlulan la tiiya. Telen kon o minginin Hala Fuɲaa masalen o ba ni, mò tɛɛmbuu masalen a kpaayala lemalan kpow.

1Korɛntea 15:24 Referans Kwoze

Daniɛl 7:27

Masalen, vanabɛnduyɛi a bɔɔbɔɔyɛi lemasɛi o lɛŋnden kpow coo yɔngunnin kunda vanaa diandaa Ó-Hiow-Ɲɔɔn-Kpow-vo-a. Masale ndalen le co le fɛɛn a fɛɛn. Vanaa co masalen tosaa-a kpow a tosalnin nda baalaa, mà bii sɔɛi ndɛi.›

Daniɛl 7:14

Mí vanabɛnduyɛi, masalen a bɛɛlen le yɔngun ndu. Mí vannda súúlan kpow, vanaa-mangalaa-isɔɔa a vanaa soaa sɔɔn mangalan yɛ́-yɛ́ɔn-nda a tosal ndu baalaa. Vanabɛnduyɛi ndɔɛi co le fɛɛn a fɛɛn, i cuu lɔ́ɔ́-lɔ́ɔ̀ le. Masale ndɔlen le tembunin fɛɛn a fɛɛn te.»

Matie 28:18

Mí Yeesu sɔɔnguu, mó dimul nda aa: «Kpaayaa kpow yɔngun ya o halataala a o lɛŋnden coo.

Matie 11:27

Fuɲa nuu yɔngu ya ɲɔɔn kpow. Vana-vana sina Poo le, te o co Fuɲaa le. Vana-vana sina vɛlɛ Fuɲaa le, te o co Poo a vana Poo yeema le Fuɲa ndɔ cɔmndo-o le.

Daniɛl 2:44

O paale masaa kan, Hala co o halataala-o kɛsinin masale tembunin le fɛɛn a fɛɛn te len. Masale len le hiwnin vanaa súú celen o ba le. Le pesipesinin masɛi tɔ̀ɛi mí le tɛɛmbuu ndi, mí len pila le lo lecoo le fɛɛn a fɛɛn.

1Timote 6:15

Kon tosannin telen Vana Duaa, Vana hiow masalen-ndo, Masa hiow masaa kpow-vo, Vana kùndaa hiow vanaa kùndaa kpow-vo kelu-o.

Nsaŋ 13:3

Yeesu pila ndóò sina nin maa o Hala lo ndóò fula ni, o Hala lo o va muungoo ni, ndóò sina vɛlɛ maa Fuɲa ndɔ ndóò cii ndu ɲɔɔn kpow downɔn.

Esai 9:7

«Maalii yɔngu cuavaa Yakɔb-a yoongoo, mí yoongu kon del Israɛlla coo.

Nsaŋ 3:35

Fuɲaa kaola Poo, mó sɔaa ndu dɛnndan kpede o ba.

Matie 24:13

Kɛ vana lonin biuvɔnndo háá o mɛɛlulan-ndo, ndu sɔlanin cindaa.

Luke 10:22

Fuɲa nuu mal ɲɔɔn kpow ya o ba. Nduyɛ, vana-vana sina o co Poo-o le, fɔ Fuɲaa, vana-vana sina vɛlɛ o co Fuɲaa-o le, fɔ Poo a vanaa Poo hɛli le nda mun cɔmndo-a.»

Matie 10:22

Vannda kpow nɔnin nɛyɔn niaa le diola nilan. Kɛ vana lonin lecoo háá o mɛɛlulan-ndo, ndu sɔlanin cindaa.

1Piɛr 4:7

Mɛɛlula ɲɛ-ɲɛ la co nin kpɛɛlun. Lelan, la kiondu kɔltan mì la va lahɔl le piɛilen.

Daniɛl 12:13

Nɔm Daniɛl-lɛ, lo lecoo háá ma kɔ pɛngi ciee-piɔ́m. O kon kɔɔli, a tendulnin o telen mɛɛlaa le vɔ̀ngɔ̀ nɔmndo a kɛ́ nɔmndo sɔlaa.›»

Daniɛl 12:9

Mó mulul-la aa: ‹Daniɛl, kɔ! Sɔɔn mun n lonin n'viannanndon háá o telen mɛɛlaa.

Rɔmnda 8:38

Kani i laalan maa o va piɔ́mndo, o va yoomoo, o va mɛlɛkaa, o va kundala co o masalen nin coocoo lan, o va dɛnndan ndan sunsun, o va la co hunɔɔ lan, o va kpaayalan,

Daniɛl 12:4

Nɔm Daniɛl-lɛ, mandan sɔɔn mun o kɔl kpíŋ mà kinda sɛbɔɔ, mà yikpa ndu kpiliki háá o palɛi mɛɛlɛi. Vannda taw a pɛɛkunin ndu, mì dɛnɛ nda sinaa kui taw.»

Efɛsea 5:20

La va Hala Fuɲaa balikaa mello lɔ́ɔ́-lɔ́ɔ̀ o dɛnndan kpow nin o diola Maalii naa Yeesu Krista lan.

Kolɔsea 2:10

Nduyɛ o ndu nin dɛnndan kpow la co peelɔnndo ni, ndu co masalen tosaa kpaayalan a masɛi kpow coo-o.

Kolɔsea 2:15

Mó yunga kpaayalan a masɛi, mó soli nda vannda o hɔl kpendekele le nɔla o nɔla nda o yɔm singafilaa coo-o cɔmndo.

2Piɛr 1:11

O kon la sɔlanin dio le luɛyɔɔ o masale fɛɛn-fɛɛnnde Maalii naa a vana naa ciindiaa Yeesu Krista len nin.