1Korɛntea 15:23 - BII BILA

²³ Kɛ vannda a pilɛn-pilɛnnda a hunnin o polalen. Krista co vana tasoo ni. O ndu kɔɔli, vanaa vanin a ndɔa lɔ́ɔ́ o hunnin-ndo-a.

1Korɛntea 15:23 Referans Kwoze

Kalatea 3:29

Te o va yɛ pɛ maa le Krista niaa co ni, mɛɛ niaa co polale Abraham-nden ni, niaa co vanaa cuanin kɛ Hala yii kpemaa-o ni.

Esai 26:19

Kɛ vanvílɛ́yaa nɔmnda muungunin yoomu, dialun vanaa nɔmaa vi-a n tendulnin! La tendul, la yɛkɛlan a kɔlkɛndɔɔ, niaa co o cundoo nin o lɛŋnden bɛngu-a! Kani mɔ́m mingi yoomoo-o mɔ́m nɔmndo co ni. Lɛŋnden le minginin vanaa vi-a yoomu ma ce paalen.

1Korɛntea 15:52

o telen bingi bɛngu, o biɔŋɔɔ lepilɔɔ, lɔ́ɔ́ bulu mɛɛlaa hɔŋnunnin-ndo. Kani buloo soaanin mì vanvílɛ́iya tendul, a venin a siovɛi le, o kon naa bɛɛ n mangalanin.

1Korɛntea 15:20

Kɛ nihau, Krista tendul, ndu yɔŋnun vana tasoo fulaa vanvílɛ́iya tɛɛn ni.

2Korɛntea 10:7

Mɛɛ niaa co dɛnndan cɔw yɛ niaa co lan biyɔɔ ni. Te vanndo laalan pɛ maa le Krista o co ni, mɛɛ mò sínà maa naa bɛɛ le Krista naa n co ni.

1Tesalonikea 2:19

Kani niaa naa n tiindan ni, o niaa nin naa n dɔawnun ɲaale ni. Telen Maalii Yeesu hunnin-ndo, niaa vanin tɔɔmasele cɔ̀m maa n nɔla-o ni.

Kalatea 5:24

Vanaa co o Yeesu Krista nin-nda, nda cii dɛnnda n'falulan a yeemɛi n'faluei baŋɔɔ o yɔm singafilaa coo.

1Korɛntea 3:23

Kɛ niaa niaa, le Krista niaa co ni, mì Krista ndu va o Hala-o.

Matie 16:27

Kani Po vanacieo co hunɔ̀ɔ̀ o biilu Fuɲa ndɔ-o nin a mɛlɛkaa ndɔa, o kon o dɔawnin vana-vana vɔ́ngɔ̀ mɛɛ dɛnnda ndɔlan la co yɛ.

Matie 16:28

Mì dimul niaa toɲaa, vanaa pum niaa tɛɛn nanu a vi vɔnin te, mà ce Po vanacieo hunɔɔ o masale ndɔlen nin.»

Dɛnnda kiilaa 26:23

Kon co ni maa mɛɛ mì Krista ndóò sanga, mì ndóò yɔŋnun vana tasoo le tendullo fulaa vanvílɛ́iya tɛɛn, mì ndóò dimul Yuifia a vanaa co N'Yuifi le-a sɔɛi ɲɛ-tengaa yɔngu vana cindaa sɔlaa-o.»

1Korɛntea 6:14

Hala mingi Maalii yoomu fulaa vanvílɛ́iya tɛɛn-ndo minginin vɛlɛ naa yoomu a kpaaya ndɔɔ.

Filipea 3:11

mì tiindan maa ya bɛɛ i tendulnin fulaa vanvílɛ́iya tɛɛn.

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,