1Korɛntea 15:2 - BII BILA

² Yoongu kɛndɛ kon ciindiaanin niaa ni, te la lo pɛ lecoo ɲɛkɛndɛi mɛɛ ya dimul niaa ndu yɛ. Kɛ te la lo lecoo le, laalan niaa siŋnun fúú.

1Korɛntea 15:2 Referans Kwoze

Hebreea 3:6

Kɛ sunsun, Krista yɔŋnun po tosa vallo o sandei nin-ndo, ndu co Cɛi-Hala-o bollen ni. Te n lo pɛ kɔllo kɛsio o laalan naa n tiindan-ndo coo, mɛɛ naa n co cɛi ndɔ kon ni.

Hebreea 2:1

Lelan, o bɛnda mì n handun kɔllo o sɔɔn naa n tuei-yon coo, yɔŋii naa n luɛi o sangaa nin.

Hebreea 3:14

Lelan te n hiow pɛ laci a simndan yili o tiindan naa tasoo nin, háá mi n tiiya o mɛɛlulan, mɛɛ n co va a yiinannda a Krista.

2Timote 1:9

Ndu Hala ciindiaa naa ni, mó veelu naa veelu diandaa, haliko mi n va vanaa ndɔa, o co le dɛnnda naala kɛndɛlan te, kɛ le tùú ndu pila tuu, mó tosal naa kɛndɛi o Yeesu Krista nin kabi o tasendɔ-o.

Kolɔsea 1:23

Kɛ nduyɛ mɛɛ mì la lo o laalanndo nin, mì la sim lecoo yili, la faŋan o tiindan niaa sɔla kabi niaa tuei Yoongu Kɛndɔɔ-o coo le. Yoongu kɛndɛ kon tiiyalannin ɲɛm cɔwnun-ndon kpow, vana baala yoongu kon ya Pol siŋnun nuaa ni.

Efɛsea 2:8

Kani le kɛndɛi Hala-e niaa sɔla cindaa ni, le laalan niaa laalan ndu-o. O co niaa pila o ba le cinda kon fula le, ke Hala-o co kon ni.

1Korɛntea 1:18

Kani sɔɛi Krista vi o yɔm singafilaa coo-e, diɔmnde i co le vanaa co kɔlan o ɲɛ palaa fɛɛn-fɛɛndo nin-nda ni, kɛ le naa vanaa sɔla cindaa-a, kpaaya Hala-o i co ni.

Nsaki 2:26

Mɛɛ dialun yoomu co nin toon co n'vílɛ́iyon yɛ, lende koni laalan dɛnndan la co nin too co o vílɛ́iyo ni.

Nsaki 2:14

Puapilɛa nia, ɔ́ɔ̀ tɔnɔ co le dimio maa vanndo nɔ laalanndo-o, te o peelu ndu a dɛnndan te? Laalan vaa lende nɔla pá mò ciindiáá vana?

Hebreea 10:23

N simnun yili o ɲɛ naa n laalan-ndo coo, kani Hala faŋàn o diomnde o dimi len coo le.

Luke 8:13

N deli o powtan coo-on yɛ, mun co vanaa tuɛi sɔɛi Hala-e, má cɛl ndi a ɲaaloo-a ni, kɛ a nɔ n'puundu le, le telen bingi kínɛí nda laalan ni, kɛ te tɔɔndanndo komal nda pɛ, a mal.

Nsaki 2:17

Lende koni laalanndo bɛɛ co ni. Te dɛnndan la co lenin te, mɛɛ o vílɛíyo laalan kon co o ndu pila nin ni.

Hebreea 4:14

Lelan n simnun yili o laalan naa n co sɔɛi ndɔɛi dimio-o coo. Kani n nɔ bolle vanaa-solia-lasálàá, o kɔɛ nin o halataala di-o, Yeesu po Hala-o pɛɛn.

2Tesalonikea 2:15

Lelan, puapilɛa naa, la sim yili mì la loonun pɛɛkula naa n pɛɛku niaa a lasondo lan, te kon te o sɛbɔɔ nin-ndan.

Kalatea 3:4

Vɛ̀ɛ̀ mì o kɛ́-kɛ̀ niaa tosa hoo ndu yɔŋnun fúú? O bɛnda mò yɔŋnun fúú le.

2Korɛntea 6:1

Lelan, naa co vallo a Hala diom pilɛ-a, n co niaa tɛɛlɔn, la cɛ̀l mì kɛndɛi niaa sɔla Hala o ba-e i tambun fúú le.

Rɔmnda 1:16

Siɛmbula co ya le vannda Yoongu kɛndɔɔ tiiyallo le, kani kpaaya Hala ciindiaa vannda-o co kon ni, kandɔɔ a Yuifia kɔ bii niko a vanaa co N'Yuifi le-a.

Talelan 4:13

Holnun pɛɛku n sɔla-o. Mál ndu mò hɛlun nɔm te, saa ndu kpíŋ, kani ndu co yoomu nɔmndo ni.

Talelan 3:1

«Po nuu sei! Pɔɛɛnun pɛɛkula nilan te, mandan tɔŋnda nilan nɔm o kɔl,

2Korɛntea 2:15

Kani n co macoaa maa lasikɔlɔ cun kɛndɛ Krista-o le Hala. Lasikɔlɔ kon co le vanaa co kɔlan o cindaa nin-nda a le vanaa co kɔlan o lou nin-nda.

1Korɛntea 15:14

Nduyɛ te Krista tendul-lɛ le, mɛɛ pɛɛkuu fondoo fúú naa n co niaa ni, mɛɛ laalan niaa bɛɛ connun fúú.

1Korɛntea 1:21

Le mɛɛ ceendo a kɔlkalu ndɔɔ siná Hala o kɔlkalu ndu Hala-o nin te yɛ, mí ɲɔɔ hɛnan Hala le vanaa laalannda ciindiaa a sɔɛi ndɔɛi vannda co ken cɔu diɔmnde-e.

Rɔmnda 11:22

Lelan tofa vɔ vanakɛndɛyɛi Hala-e a dɛnɛ ndɔ kindiaa: o kindi dɛnɔɔ le vanaa del-la, nduyɛ vanakɛndɛyɛi ndɔɛi co le nɔm, taa lo pɛ o vana kɛndɛi nin, te kon te, nɔm bɛɛ a sɔlanin kiolɔɔ.

Dɛnnda kiilaa 8:13

Mí Simɔn bɛɛ laalan, mó sɔla yinɔɔ. O faŋan ndɛ Filipe kɔɔli le. Mɛɛ o ce dɛnnda kaamaala bɛndulan a kɔndɔfilta va tosanndo lan, mó dɔawnun kɔndɔfili.

Dɛnnda kiilaa 2:47

A va Hala biiloo, mí ɲɔɔ va vannda kpow hɛnanndo a nda. Ɛ̀ɛ̀ nduyɛ, lepalaa-lepala Maalii va vanaa va ciindaa sɔlaa-a handɔɔ o kunda ndaa coo.

Talelan 23:23

Kindin ma va vana toɲaa, ma nɔ kɔlkaloo, sinapɛngoo a dɛnɛ sinaa. Ɲɛla lan vɔngul o kɛ́-kɛ̀ le.

1Korɛntea 11:2

I co niaa candɔɔ le yiyan niaa co ya coo o dɛnndan kpow nin-ndo a le silala nila niaa co biyɔɔ mɛɛ ya dimul niaa yɛ lan.