1Korɛntea 15:17 - BII BILA

¹⁷ Nduyɛ te Krista muungu yoomu le, mɛɛ laalan niaa siŋnun fúú, la co vɔ o hakila niaalan nin.

1Korɛntea 15:17 Referans Kwoze

Rɔmnda 4:25

Le tɛɛmbuula naalan nda mal ndu vannda o ba ni, mó tendul le naa dio keo.

1Piɛr 1:3

Balikaa co le Hala, o co Fuɲaa Maalii naa Yeesu Krista-o. O tuinun naa iɲíí, mí n muungu a kiyɛi o tendul Yeesu Krista tendul, mó fula vanvílɛ́iya tɛɛn le tiindan kpeekpeiyo sɔlaa-o,

1Korɛntea 15:14

Nduyɛ te Krista tendul-lɛ le, mɛɛ pɛɛkuu fondoo fúú naa n co niaa ni, mɛɛ laalan niaa bɛɛ connun fúú.

1Piɛr 1:21

O ndu nin niaa laalan Hala tindi ndu fulaa vanvílɛ́iya tɛɛn, mó ke ndu biiloo-o ni, haliko mi laalan niaa a kɔlkɛsiaa va o Hala nin.

Rɔmnda 5:10

Kani, telen naa n va yaamɔaa Hala-va-o, mí ndu pila mingi bɛndaa naa ndaa tɛɛn a piɔ́m Po ndɔɔ sɔla-o. Kodinte mɛɛ bɛndaa co nin naa tɛɛn naa ndaa nuaa yɛ, o ciindiaanin naa a yoomu Po ndɔɔ.

1Korɛntea 15:2

Yoongu kɛndɛ kon ciindiaanin niaa ni, te la lo pɛ lecoo ɲɛkɛndɛi mɛɛ ya dimul niaa ndu yɛ. Kɛ te la lo lecoo le, laalan niaa siŋnun fúú.

Dɛnnda kiilaa 5:31

Mó heelun ndu ikɛi, mó kɔ kɛsin ndu o ba ndɔ kɛndɔɔ coo, mó siinguu ndu Masaa a Vana Ciindiaa, haliko mi Israɛlla mal yɔŋ vɔɔndo, mà mangalan, mì hakila ndalan la malnun haki.

Esekiɛl 33:10

Le hee, nɔm Po vanacieo, dimul cuavaa Israɛlla maa la co dimio aa: «Yɔŋnda vɔɔnda naalan a hakila naalan la co naa pila coo, le hakila lan naa co yɛɛvɔɔ dɔwnɔnndo nuaa ni, vɛɛ nɛ naa nɔla yɛnin lou yoomu?»

1Korɛntea 15:16

Nduyɛ taa muungu yoomu le, mɛɛ Krista bɛɛ muungu yoomu le.