1Korɛntea 15:13 - BII BILA

¹³ Te o va yɛ pɛ maa vanvílɛ́iya tendulnin te, mɛɛ Krista tendul te.

1Korɛntea 15:13 Referans Kwoze

Rɔmnda 8:11

Te Kɔl vana tindi Yeesu fulaa vanvílɛ́iya tɛɛn-ndo co pɛ niaa nin, vana tindi Krista fulaa vanvílɛ́iya tɛɛn-ndo tosanin vɛlɛ mì dialun niaan vu-on muungu yoomu le Kɔl ndɔ co niaa nin-ndo.

1Tesalonikea 4:14

N laalan maa Yeesu vi mó tendul. Lende koni, n laalan vɛlɛ maa Hala minginin vanaa laalan má vu-a yoomu nda Yeesu-a latulu.

Dɛnnda cɔɔmuanndan 1:18

I co yoomu. Yáà vi, kɛ tofa vɔ, i co yoomu le fɛɛn a fɛɛn. Kiin piɔ́mndo co ya o ba, kiin ciee-piɔ́mndo pɛɛn.

1Piɛr 1:3

Balikaa co le Hala, o co Fuɲaa Maalii naa Yeesu Krista-o. O tuinun naa iɲíí, mí n muungu a kiyɛi o tendul Yeesu Krista tendul, mó fula vanvílɛ́iya tɛɛn le tiindan kpeekpeiyo sɔlaa-o,

Hebreea 13:20

Hala yɔngù naa kɔlɲuloo ni. Mó mingi Maalii Yeesu, vana mandaa n'saa bɛndoo, yoomu fulaa vanvílɛ́iya tɛɛn. Mí kooma sálà ndɔɔ ma siŋnun sabuo le kpema fɛɛn-fɛɛndo.

Hebreea 2:14

Le tùú cuavaa kan a co cuavaa n'falua a cuavaa kooma vanacieo-vo, mí Yeesu bɛɛ siŋnun maa nda, mó cua dialun ivanacieeyan. O kon mó pial ɲina vɔɔn nɔ kpaaya piɔ́mndo o ba-o o piɔ́m ndɔɔ nin.

2Timote 4:8

Nduyɛ, Mɛlɛka cii vɔ̀ngɔ̀ nuu manda. Ndu Mɛlɛka sandaa kialu yamɛi-yo yɔngunin ya ndu paale o kialunin vannda iyama len. O co ya kínɛí le o yɔngunin ndu le, kɛ vanaa cumnin hunɔɔ ndɔɔ a kaolaa-a kpow o yɔngunin ndu ni.

1Korɛntea 15:20

Kɛ nihau, Krista tendul, ndu yɔŋnun vana tasoo fulaa vanvílɛ́iya tɛɛn ni.

Rɔmnda 8:23

O co ka ɲɛm mun daama le, kɛ naa n sɔla nin Kɔl-Diandaa o tasendɔ-a bɛɛ, naa pilaa n co somisominndo. N co cumndo le mɛɛ Hala siinguu naa cuavaa ndɔa kpeekpeiya yɛ, haliko mi dialun naan sɔla baŋaa.

Dɛnnda kiilaa 23:8

Mí Sadusia dimi maa vanaa vi-a muungu lɛnin yoomu le, mɛlɛkaa co le, ɲinaa co vɛlɛ le, kɛ mí Faliisia nda laalan maa kan kpow a co.

1Korɛntea 15:12

Nduyɛ, te n dimul niaa pɛ maa Krista tendul fulaa vanvílɛ́iya tɛɛn, le yɛɛ nɛ vanaa pum niaa tɛɛn a co yɛ dimio maa vanvílɛ́iya a muungunin yoomu le?

1Korɛntea 15:14

Nduyɛ te Krista tendul-lɛ le, mɛɛ pɛɛkuu fondoo fúú naa n co niaa ni, mɛɛ laalan niaa bɛɛ connun fúú.