1Korɛntea 15:10 - BII BILA

¹⁰ Kɛ nduyɛ, kɛndɛi Hala-e tosa ni mì va mɛɛ ya co nuaa yɛ, kɛndɛi o tosal-la ken-nde i yɔŋnun fúú le. Kani i tosa vallo hiovɔɔ kiilaa kan kpow coo, o co ya pila le tosa vali kon te, kɛ kɛndɛi Hala-i co ya coo-e.

1Korɛntea 15:10 Referans Kwoze

Filipea 4:13

I co dɛnndan kpow nɔlaa o hɛnan vana co ya kpaayaa keo-vo bɛngu.

2Korɛntea 3:5

N tiwva mi dimi le maa naa pila co vallo ho tosaa ni, kɛ Hala o ba o co fulaa ni.

Filipea 2:13

Kani Hala co tosaa ni mì la va hɛnan ndɔɔ tosaa mɛɛ tuu ndɔɔ co yɛ.

Kalatea 2:8

Kani Hala tosa mí Piɛr siŋnun kiilaa le Yuifia-o, ndu koni tosa vɛlɛ ni, mí siŋnun kiilaa le vanaa co N'Yuifi le-a.

Rɔmnda 12:3

Le kɛndɛi Hala tosal-la-e, i co niaa dimul maa la cannun niaa pila ɲɛ mò hiow mɛɛ niaa co yɛ le, kɛ la tuisin mì vana-vana cennun mɛɛ o co yɛ, maa mɛɛ Hala ke vana-vana laalanndo yɛ.

2Korɛntea 12:11

Maa vana kindu kɔl too ya va sɔɛi ni, kɛ niaa yɔŋ ken ni. Nduyɛ, oo bɛnda mì niáà soo le ya. Kani o va bɛɛ aa i co ɲɛ-ɲɛ le, i hiw kiilaa niaa latɔ́ɔ́-tɔ́ɔ́a dɔɔnanndo le.

2Korɛntea 6:1

Lelan, naa co vallo a Hala diom pilɛ-a, n co niaa tɛɛlɔn, la cɛ̀l mì kɛndɛi niaa sɔla Hala o ba-e i tambun fúú le.

1Korɛntea 4:7

Kani o nɛi kuɛɛ coo n co yɛ yiyanndo maa a hiow caanda? Ɲɛm n nɔ-on kpow, vɛ̀ɛ̀ o co Hala le ke nɔm mun te? Te o co yɛ pɛ lende, le yɛɛ nɛ n co yɛ niko lisanndo maa o co ke le nda ke nɔm mun te?

1Korɛntea 15:2

Yoongu kɛndɛ kon ciindiaanin niaa ni, te la lo pɛ lecoo ɲɛkɛndɛi mɛɛ ya dimul niaa ndu yɛ. Kɛ te la lo lecoo le, laalan niaa siŋnun fúú.

Rɔmnda 11:1

Mɛɛ i co ɲuna: Mò va maa kɛɔ Hala kɛɛ vanaa ndɔa ni? O kɛɛ nda le! Kani ya bɛɛ, Israɛlnɔɔ ya co ni, cua imama Abraham-ndo, fulaa o polale Bɛnyamɛn-nden nin.

Matie 10:20

Kani o venin niaa le soaanin te, Kɔl Fuɲa niaa-o soaanin niaa nin ni.

1Korɛntea 3:6

Ya Pol tɔl ni, mí Apolɔs pɔɔliaa, kɛ mí Hala tosa mí tɔlɔɔ hindu.

1Korɛntea 3:10

Maa mɛɛ kɛndɛi Mɛlɛka-e i yɔngun ya-e. Ya ya, i tosa baalaa maa vana caa baalaa taw-vo, mí kila cɛiyo, mí vana celen tangul lecoo. Kɛ, mɛɛ mì vana caa taw a mɛɛ n co cɔwva lecoo yɛ.

1Korɛntea 15:11

Lelan, o va ya, o va nda, sɔɛi pilɛi he kpé naa n co niaa tiiyallo ni, ndi ko niaa laalan yɛ ni.

1Tesalonikea 5:12

Puapilɛa naa, n co niaa tɛɛlɔn, la ke vanaa co niaa baalaa tɛɛn-nda bɛɛlen, vanaa Hala vem le niaa simndan laci ma vá niaa pɛɛkoo-a pɛɛn.

1Timote 4:10

Lelan, te n co pɛ baalaa mì n va sangaa taw, le tùú naa n tiindan Hala nɔ yoomoo o ba-o ni, o co vana ciindiaa le vannda kpow-vo, kɛ taama-taama vanaa laalannda.

Matie 25:16

Fɔ́ɔ́fɔ̀, mí vana sɔla sianin n'kpungban kɛmɛ leŋuɛɛnu-o kɔa, mó kɔ tosa yulalen a mun, mó sɔla tɔnɔɔ sianin n'kpungban kɛmɛ leŋuɛɛnu lecoo.