1Korɛntea 14:8 - BII BILA

⁸ Te bulu cɔwvo suu válán te, nɛ̀ɛ́ toosian yɛnin le cɔwvo?

1Korɛntea 14:8 Referans Kwoze

Kundalan 10:9

Te la tiiya pɛ o lɛŋnde niaalen nin, mì la kuel vanaa ciŋilannin niaa a cɔwvo-a, la bɛnda mì la hɔŋ bulula niaalan a diom bɛndu-bɛndoo haliko mi ya Mɛlɛka Hala niaa loonun a niaa, mì baŋa niaa yaamɔaa niaa o ba.

Yeremi 4:19

«Éé ya, demboo! Kpòkóó ya, demboo! I co somisominndo a ɲɛ nɛyaa, kɔllo kindun ya véŋ-véŋ. I tiwba meiyo a hee le, kani i tuei bulula-hɔŋaalan diom, a yonda cɔwvo.

Amɔs 3:6

Vɛ̀ɛ̀ vana nɔla mì vana hɔŋ bulu cɔwvo o kobio nin, mì vanaa co o kobi kon nin-nda kɛɛ ɲiiya? Vɛ̀ɛ̀ dɛnɛ palaa nɔla mo tol o kobio coo te o co Mɛlɛka le cɛl te?

Yɔɛl 2:1

La hɔŋ buloo o kobio Siɔn nin. La hɔŋ ndu mì ɲɔɔ vɔnga o pembii nii diandɛi coo. Niaa co icali o lɛŋnden nin-nda kpow, la ɲiiya a siòònde. Kani paale Mɛlɛka len le co le tiiyaa, o lo cobe mì le tiiya.

Esai 27:13

Paale len a hɔŋnin bulu bɛndoo, o kon, vanaa va ɲawvo o lɛŋnde Asiri len nin-nda a vanaa va o ɲaanɔnndo nin o lɛŋnde Esipte len nin-nda hunnin, mà hun baŋ vulan Mɛlɛka o labɛngunin o pembii diandɛi coo, Yerusalɛm ciee.

1Korɛntea 14:7

O va bɛɛ mì ɲɛm-caan yɛ́-yɛ́ɔn va sɔɛi, maa mɛɛ sɛ̀ŋnden a bangaa co nuaa yɛ, te n soli diomndan yɛ́-yɛ́ mɛɛ o bɛnda yɛ le, vɛ̀ɛ̀ vana sínà yɛ diom lesɛ̀ŋndo a diom bangaa?