Biblia Todo Logo
Bib sou entènèt

- Piblisite -




1Korɛntea 14:6 - BII BILA

6 Puapilɛa nia, te i kɔɛ pɛ o niaa lo, mì kɔ soo o sɔɔn mangalan celen nin, yɛɛ kon nɛŋul-lɛnin niaa? Kon nɛŋul niaa ɲɛ-ɲɛ le, mɛɛ mì tɛɛngul niaa sɔɛi cɔmnun-nde, te kon te dɛnɛ sinaa, te kon te mì tɛɛngul niaa diom Hala-o, te kon te vɛlɛ mì pɛɛku niaa?

Gade chapit la Kopi




1Korɛntea 14:6
32 Referans Kwoze  

I co Hala, o co Maalii naa Yeesu Krista-o, Fuɲa nɔ biiloo-o ɲuna, mò yɔngu niaa kɔlkaloo. O kon la sinanin Hala, nduyɛ, la sinanin ndu lekɛ́ndɛi.


Diom oo diom co o sɛvaa o sɛbɛ Hala-o nin, Hala tosa ni mó sɛvan. Diomnda lan la sɛvan le vannda pɛɛkoo, le nda toɲaa dimullo, le nda mingio o nɛi a le nda silaa o dɛnɛ sandaa nin,


Kɛ kɛɛmasɔlan Hala le, la va cɛa hakia, kɛ mí la bii sɔɛi a kɔlta niaalan kpow, sɔɛi pɛɛku niaa sɔla-o pɛɛn.


Lelan, la nuwviaa fɔlɔn kaolaa, mì la nuwviaa vɛlɛ valta Kɔl-Diandaa a yeemɛi, kɛ taama-taama vali tɛɛngaa diom Hala-o.


Vana-vana kɔɛnnun pɛ polon, mò lo o pɛɛkuu Krista-o nin te, mɛɛ ndu co latulu nda Hala le. Vana lo pɛ o pɛɛkuu kon coo, ndu nɔ Fuɲaa a Poo.


Kɛ la hiow laci o kɛndɛi Hala-e nin a o Maalii naa a Vana naa ciindiaa Yeesu Krista sinaa nin. Le ndu biiloo co kandɔɔ sunsun háá le fɛɛn a fɛɛn ni! Amiina.


Le kon yɛ, la kindikindin mì la handu kela kɛndɔɔ o laalan niaa coo, mì la handu dɛnɛ sinaa o kela niaa kɛndɔɔ coo,


La del pɛɛkula súú-súù ka kɔɔli le. Kani o naŋ mì kɔllo sɔla kpaayaa o kɛndɛi Hala-e nin, kɛ o va a tɔŋnda ɲɛdiaa le. La mala vanaa bii lan-nda le lan.


Sɔɛi toɲɛi co hee ni. I yeema ma tiinda pelei lecoo ɲɛkɛndɛi, haliko mi vanaa laalan Hala-a yɔngun nda pila, mà va dɛnnda kɛndɛlan tosaa. Dɛnnda naŋ mì la co vannda tɔnɔɔ lueiloo lan.


tiiyal vannda sɔɛi Hala-e. Dimul nda ndi o telenndan kpow bɛngu, o va telen kɛndɛ, o va telen vɔɔn, soo vannda mà cɔm tɛɛmbuulan, mà luei nda yoomuan, mà biwnun, mà biwnun pɛɛkoo lɔ́ɔ́-lɔ́ɔ̀.


Kɛ nɔm Timote, a bii pɛɛkula nilan bila, a sínà niinu nuu, a sínà dɛnnda ya tuwnun o kɔltan, laalan nuu, biuvɔn nuu, kaola nuu, a mɛɛ ya sim yili o tiindan nuu coo yɛ,


Va nda dɛnndan ndan yiyalanndo, mà va nda silaa Hala o hɔl vakpa maa a kpakpala sɛɛngianndan o diomndan lapum coo, la nɔ tɔnɔ le lan, kani tɛɛmbuuo koni la tɛɛmbuu vanaa yaŋ ndan nilan-nda ni.


Naa vanaa-vanaa n co kaasonnda o laalanndo nin, yiyanndo ho va naa o lakɔl. Te o va yɛ pɛ mì la nɔ yiyannda celen o dɛnɔɔ pum coo, Hala cɔmnin niaa vɛlɛ vakpa mɛɛ niaa bɛnda le ndu biyɔɔ yɛ.


Nduyɛ, te la va pɛ sɛbɔɔ ho tofaa, la sinanin kɔlkalu ya sɔla o dɛnɛ viannan Krista-o nin-ndo.


Kɛ nduyɛ, yɔŋii yongaa piɔ ya nin ca le kaamaala bɛndula ya ce o vunduan nin-ndan, mí sɔla sangaa o falon nin taw vana ca ko aa mɛlɛkanɔ Setana-o hun lɔɔ ya le ya kuunaa yɔŋii yongaa piɔ ya o n'dial ni.


Mɛɛ mì ya pila i kuundian, hali mì sɔla tɔnɔ o kuundian kon nin te. Sunsun, i co hunɔɔ isɔɔ a vunduma ya ce-an a á cɔmnɔn Mɛlɛka cɔmnun ya-o o kɔɔ.


Mì i cee bɛɛ isɔɔ le, kɛ dɛnɛ sinaa co ya lepɛŋ te. N cɔm niaa kon válán o nɛi oo nɛi coo a o dɛnndan kpow nin.


La tosà maa mɛɛ ya co dɛnndan tosaa le vannda kpow hɛnanndo yɛ, i co dɛnɛ kɛndɛ toofia le ya pila le, kɛ le vanaa bɔɔ-bɔɔ, haliko ma sɔla cindaa.


Puapilɛa nia, i co niaa sila, la mandan a vanaa luei piɔvianndo o kundaa tɛɛn-nda, a luei kan vannda o pɔwlan nin a pɛɛku niaa sɔla-o o kɔɔ-a pɛɛn. La faŋan nda kɔɔli few.


Puapilɛa nia, ya pila i laalan maa la nɔ yeemɛi le dɛnnda kɛndɛlan tosaa taw, la nɔ sinapɛngoo kpede haliko mi la tiwba niaa pila siilianndo vellaa-velle.


A va kelaa o pɛɛkula kiilaa va nda yɔngoo lan coo, a va vɛlɛ diom pilɛ. A va dioo nɛɛ pilɛ má va Hala piɛiyo latulu.


Vanacieo sɔla bɛɛ ceendo ho kpede, te yoomu ndɔɔ hɛlun ndu pɛ, tɔnɔ yɛɛ o sɔla yɛ o kon? Te kon te, yɛɛ kpeekpei vanacieo yɔngù yɛ le yoomu ndɔɔ singaa?


O kon mí Yeesu dimul ndu aa: «Dɛnɛ kɛndɔɔ co le nɔm Simɔn po Yonas-o, kani o co vanaciee le cɔm nɔm dɛnɔɔ ho le, kɛ Fuɲa ni co o halataala-o.


O telen kon, mí Yeesu soaa, mó dimi aa: «Pua, nɔm co Vana bɛndoo o halataala a o lɛŋnden coo-o, i mel nɔm balika, le tùú n vin vanaa dɛnɛ sinaa a vanaa kɔlkalua sɔɔn mun, má cɔm cuaambɔa mun-ndo.


I co vanaa co kan vunduma fondoan cɔu-va ciŋilan.» Sɔɛi fula Mɛlɛka o sondo-e co hee ni. O còòla lan tombolaa nda luei vanaa nia o pɔwlan nin ni. Nduyɛ, i vim nda lekiila kɛ́-kɛ̀ le. I dimul nda ɲɛ-ɲɛ le. A co vanaa nia mako kɛ́-kɛ̀ soli le.» Mɛlɛka soo lende ni.


Mɛlɛka, nɔm co kpaaya nuu a vana co ya kandaa-o ni, nɛɛ nia viannannda o paale dɛnɛ palaalen coo! Vanaa-mangalaa-isɔaa sina Hala le-a hunnin nɔm o ibuŋ fulaa o ceendo mɛɛlulan, mà dimi aa: «Fuɲaa naa mamaa sɔla kɛ́ celen te, fɔ còòlan, ɲɛm fondon soli vana kpeku lon.


Te la mulul pɛ ndu kɔɔ, la co ɲɛ fondoo biilu, ɲɛ nɔla vana mala loo, ɲɛ nɔla vana baŋa loo, kani ɲɛ fondoo piɔmnda co ni.


O va bɛɛ mì ɲɛm-caan yɛ́-yɛ́ɔn va sɔɛi, maa mɛɛ sɛ̀ŋnden a bangaa co nuaa yɛ, te n soli diomndan yɛ́-yɛ́ mɛɛ o bɛnda yɛ le, vɛ̀ɛ̀ vana sínà yɛ diom lesɛ̀ŋndo a diom bangaa?


Swiv nou:

Piblisite


Piblisite