1Korɛntea 14:26 - BII BILA

²⁶ Puapilɛa nia, vɛ̀ɛ̀ vana tosa yɛ niko? Te la cuungian pɛ, mì vana pum nɔ le condei solio, mì o pum nɔ pɛɛkoo le yɔngoo, mì o pum nɔ dɛnɛ cɔɔmun ndu-o, mì o pum nɔ yoongoo le dimio o sɔɛi mangalɛi celen nin, te kon te mì o pum ndu nɔ sɔɛi pum le tɛɛsiaa, kon kpow bɛnda mò tosan le vanaa laalannda yoomuan lueiyo.

1Korɛntea 14:26 Referans Kwoze

Efɛsea 5:19

La lueinan yoomuan vellaa-velle a condun lisan, condun kɔllon a á condun vana sangala Mɛlɛka-on, n co fulaa Kɔl-Diandaa o ba-on. La solùl Mɛlɛka condun kɔllon, mì la sangala ndu a kɔlta niaalan kpow.

Rɔmnda 14:19

Lelan, n nuwvian dɛnɛ luei kɔlɲuloo-o a dɛnɛ hivi naa laci vellaa-velle o laalanndo nin-ndo.

1Tesalonikea 5:11

Lelan, la lueinan yoomuan mì la va kɔltan kennanndo vellaa-velle mɛɛ niaa co tosaa sunsun yɛ.

Efɛsea 4:16

Ndu co tosaa ni mì falun yɛ́-yɛ́-on n va yiyaa nɛɛ pilɛ ɲɛkɛndɛi, mì diallon kpow n va ɲɛ pilɔɔ a boondun ndɔn kpow. Lelan, te ifalu oo ifalu i tosa pɛ baalaa mɛɛ o bɛnda yɛ, diallon kpow n hindunin mì n hiow laci o kaolaa nin.

Efɛsea 4:29

Sɔɔn vɔɔnndon bɛnda mì n va niaa fulaa o lasondo le. Sɔɔn kɛndɔn kínɛí n fula niaa o lasondo ni, n nɛŋi mako-on, n luei caanda yoomuan-ndon, haliko mi vanaa co niaa nilan yaŋɔɔa sɔla dɛnɛ kɛndɔɔ lenin.

2Korɛntea 13:10

I co niaa sɛbɔɔ ho sɛval a hɔlta kalalan, haliko lɔ́ɔ́ ya kɔanin o niaa lo-o, i soaa o niaa lo a hɔlta kala le kpaaya Mɛlɛka ke ya-o le. Kani kpaaya kon, le kunda niaa hivio laci o co ni, kɛ o co le ndu tɛɛmbuu le.

2Korɛntea 12:19

O co nin lɔ́ɔ́ levil, la co yiyanndo maa le naa pila naa n co kindinndo ni. O Krista nin naa n co sɔɛi Hala o hɔl ni. Caaŋaa naa naa n kaolaa-a, le mɛɛ niaa hiaw laci o laalanndo nin yɛ naa n co kon kpow tosaa ni.

1Korɛntea 14:40

Kɛ la va dɛnndan kpow tosaa o bɛɛlen nin a o polalen.

Efɛsea 4:12

Ó tosa kon haliko mi vanaa diandaa tiwba baala Hala-o tosaa le dialun Krista-on hivio laci.

1Korɛntea 14:27

Te o va yɛ pɛ le sɔɛi o sɔɔn mangalan celen nin, o hiaw vanaa ŋiɔn te kon te vanaa yaa coo le. A va sɔɛi a pilɛn-pilɛnnda, mì vanndo va le sɔɔn mun hivio.

Rɔmnda 1:13

Puapilɛa nia, i yeema mì la sina maa i co kɔngɔlanndo lɔ́ɔ́-lɔ́ɔ̀ le niaa kɔlan yilɔɔ (kɛ háá hau, i sɔlan-ndɔ ba le), haliko mi niaa bɛɛ sɔla vannda pum o niaa lo, mɛɛ ya sɔla nda vanaa-mangalaa-isɔaa tɔ̀a tɛɛn yɛ.

Rɔmnda 12:7

Te vanndo sɔla pɛ vallo le vannda baalaa toallo, ndu tosal vannda baalaa. Vana sɔla pɛ vali pɛɛkaa-o, ndu pɛɛku vannda.

Rɔmnda 15:2

Vana-vana bɛnda mò kindin le caan ndɔ hɛnanndo o nɛi kɛndɔɔ coo, haliko mi vana kon hiow laci o laalanndo nin.

1Korɛntea 14:2

Kani vana soo pɛ o sɔɔn mangalan celen nin, ndu co isɔɔ o n'vanndaciee lo le, kɛ o Hala lo, bau vana-vana tiwba mò bii ndu bila le, o kɔl nin o co dɛnnda kaamaalan dimio ni.

1Korɛntea 14:15

O kon, yɛɛ nɛ ya tosa yɛ? I vanin Hala piɛiyo o kɔl nin, mì va vɛlɛ piɛilen a kɔlkalu nuu. I vanin condei o kɔl nin, mì va vɛlɛ condei a kɔlkalu nuu.