1Korɛntea 14:25 - BII BILA

²⁵ mì sɔɔn viannan n co ndu o kɔl-lon n cɔmnun. O kon, o delnin o kɔl coo hɔlla a kuumbuan lɛŋ, mò biilu Hala, mò dimi aa: «Lekɛ́ndɛi, Hala co niaa tɛɛn.»

1Korɛntea 14:25 Referans Kwoze

Esai 45:14

Mɛlɛka dimi aa: «Ɲɛ-sɔlaa Esipte, tɔnɔɔ Etiopii a bolofaa vannda Saba, a bandu kan taw-va o hiawnin nɔm o ba, mò siŋnun ɲɛ nɔm kɛsɛ-kɛsɛ. Vanaa kan kɔanin nɔm kɔɔli, a kɔanin a yiyaa o yɔlɔn, a baŋnin vulan nɔm o labɛngunin ma dimul nɔm a tɛɛlɔnndo aa: «Nɔm ikɛi kínɛí vana saalun Hala ni, nduyɛ, Hala celen co o ndu kɔɔli le.»

Sakari 8:23

Ya Mɛlɛka-Nɔ-Kpaayaa-Kpow-vo dimi ni aa: O palɛi ken nin, n'van tɔ́ o vanaa-mangalaa-isɔɔa tɛɛn, a vanin sɔɔn mangalan yɛ́-yɛ́ɔn dimio-a, lɛɛndunnin o cɔcɔn doma Yuifnɔɔ o pilɛ, mà dimul ndu aa: ‹N yeema mi n kɔɛnnun naa niaa latulu, kani n tuei maa Hala co niaa ikɛi.›»

Dɛnnda cɔɔmuanndan 5:8

Ndóò sɔlaa sɛbɛ kalaa, mí ɲaa yoomaa hiɔɔlua a bɛndua yuuvɛiyaa bidiin a à hiɔɔlua baŋ vulan Saa téndóó o labɛngunin. O nda tɛɛn, vana-vana ndóò nɔ bangaa a taalala kólaala n'sianilan la piaa cá a ansan, lan la co yɛ piɛile vanaa diandaa ni.

Luke 8:28

Ndóò cɔu Yeesu, mó yonda kpélén, mó del Yeesu o labɛngunin, mó heelu diomndo aa: «Le yɛɛ n co yɛ ya kɔɔli, nɔm Yeesu Po Hala-Hiow-Ɲɔɔn-Kpow-vo? I co nɔm tɛɛlɔn, saangiaa ya le.»

Luke 5:8

Mɛɛ Simɔn Piɛr ce ɲɛ yɔŋnun-ndo, mó del Yeesu o labɛngunin, mó dimul ndu aa: «Maalii, vana lahakio ya co ni, lelan faŋan ya ikɛi.»

Esai 60:14

Poaa vanaa co nɔm saangiaa-a a hunnin mà tundun nɔm o labɛngunin. Vanaa va nɔm tɛɛndanndo-a kpow a hun baŋnin vulan nɔm o labɛngunin. A veelunin nɔm aa kobi Mɛlɛka-o Siɔn co le O-Diandaa Israɛlla-o.

Condii lisai 72:11

Masaa kpow a baŋnin vulan ndu o labɛngunin, mì vanaa-mangalaa-isɔɔa kpow a tosal ndu baalaa.

Tɔŋ miingua 9:18

«O kon kɔɔli, mí del vɛlɛ Mɛlɛka o labɛngunin, mí tosa vɛlɛ palɛi belehiɔɔlu a malɔ belehiɔɔlu maa o tasendɔ, i ve ɲɛdiaa dio le, i ve mamɛn kolɔɔ le. Le haki bɛndu niaa tosa kon-ndo yáà tosa lende ni, kani mí la tosa dɛnɛ hɛnan Mɛlɛka loo, mí la tuulu ndu kɔl.

O Kandɔɔ 44:14

Mí Yuda kɔa nda puapilɛa ndɔa o Yosɛf lo cɛinin. Yosɛf va vɔ lon, má kɔ baŋ vulan ndu o labɛngunin.

Dɛnnda cɔɔmuanndan 19:4

Mí bɛndua yuuvɛiyaa bidiin a à hiɔɔlua a ɲaa yoomaa hiɔɔlua baŋ vulan, má biilu Hala, o co icali o kpɛŋɛ lemasaa ndɔɔ nin-ndo, má dimi aa: «Amiina! Halelu-ya!»

Daniɛl 2:47

Mó dimul Daniɛl aa: «A toɲa, Hala niaa co Hala hiow halaa kpow-vo ni. Ndu co masa hiow masaa kpow-vo ni. Ndu co vana cɔɔmuu sɔɔn kɔndɔfillon-ndo ni, kani a cɔm ya dɛnɛ kɔndɔfillo ho.»

Nsaŋ 4:19

Mí vuɛɛndo dimi aa: «Maalii, i ce maa vana-tɛɛngaa-diom Hala-o n co ni.

Dɛnnda kiilaa 4:13

Mɛɛ vanaa kialaa n'yamaa lelɛŋnda ce Piɛr nda Nsaŋ sɔɛi válán a kɔlkɛsiaa, má sina vɛlɛ maa vanndacieea daama, aa sɔla lapɛɛku le-a nda va ni, mí kɔndɔfillo bii nda taw. O kon má bii bila maa vanaa va nda Yeesu-a latulu-a nda va ni.

1Samiɛl 9:19

Mí Samiɛl mulul ndu aa: «Ya co vana sina sɔɔn viannanndon-ndo ni. La hiow n kɔnnun o fonda-loamaa-lasálàá, mì n kɔ dionnun hau ɲɛdiaa latulu. O kon siɔdii púŋ, telen ya ciinin nɔm sɔɔn cɔm-ndo, la muungun.