1Korɛntea 14:15 - BII BILA

¹⁵ O kon, yɛɛ nɛ ya tosa yɛ? I vanin Hala piɛiyo o kɔl nin, mì va vɛlɛ piɛilen a kɔlkalu nuu. I vanin condei o kɔl nin, mì va vɛlɛ condei a kɔlkalu nuu.

1Korɛntea 14:15 Referans Kwoze

Kolɔsea 3:16

Màá sɔɛi Krista-e va niaa nin taw-taw! La pɛɛkuan mì la siilian vellaa-velle a taasi. La solul Hala condon a kɔlta niaalan kpow le ndu balikaa mello. La solul ndu condun lisan, condun kɔllon a condun sangalan fula Kɔl-Diandaa o ba-on.

Efɛsea 6:18

La piɛi Hala telen oo telen. La va piɛile súú-súù ka a tɛɛlɔnnda súú-súù ka tosaa a kpaaya Kɔl-Diandaa. Lelan, la mɛɛndian mì la kindin o ken coo taw. La piɛi le vanaa diandaa kpow.

Yude 1:20

Kɛ niaa caaŋaa nia hɛnan ya-a, la hiow laci a simndan yili o laalan niaa diandaa nin, la piɛi a kpaaya Hala Kɔl-Diandaa.

Condii lisai 47:7

La solul Hala condon, la condu! La soli condon le masa naa, la condu!

1Korɛntea 14:19

Kɛ vanaa laalannda tɛɛn yɛ, o co fisa mì dimi sɔɔn nda bii bila-on mún ŋuɛɛnu le nda pɛɛkoo a sɔɔn vaalan tɔ́ dimio o sɔɔn mangalan nda tui loon nin.

1Korɛntea 10:19

Kɛ nduyɛ, te i va pɛ hee dimio, baa dimio co kon ni maa visin vannda co Mɛlɛka sálàlan solullo-on co ɲɛ? Te kon te maa ɲɛ pum piɔmndo co ni?

Rɔmnda 3:5

Kɛ te sandii nɛi lepɛŋnde tosa pɛ mì sandii Hala-e sinan, vɛ̀ɛ̀ naa n dimi yɛnin ken? Vɛ̀ɛ̀ vana sandaa lepɛŋndo Hala va le kɔllo tuuloo a naa ni? (O vanacieeyɛi nin ya co sɔɛi nuaa ni.)

Rɔmnda 1:9

Hala ya co baalaa tosallo a kɔl nuu o Yoongu kɛndɛ Po ndɔɔ yondaa nin-ndo co ya lesei, maa telen oo telen ya va pɛ piɛilen, i co yiyanndo niaa coo

Filipea 1:18

Mɛ̀ɛ́-mɛ̀ɛ́ nda tosa pɛ, o va a yiyan kɛndɛ, o va a yiyan celen, haliko sii sɔɛi Krista-e i co diminndo! Lelan, i co a ɲaaloo le dɛnɛ kon. Nduyɛ, i hiawnin laci a ɲaaloo dɔwnɔnndo.

Rɔmnda 8:31

Vɛɛ naa n dimi yɛnin vɛlɛ a ken o kɔɔ? Te Hala co pɛ le naa, nɛ̀ɛ́ cɔlɔba yɛnin naa?

Dɛnnda kiilaa 21:22

Vɛɛ naa n tosa yɛnin? Kani a co tueyɔɔ maa a tiiya nanu.

1Korɛntea 14:14

Kani i va pɛ Hala piɛiyo o sɔɔn celen nin, kɔl nuu piɛi ni, kɛ kɔlkalu nuu tosa ɲɛ-ɲɛ le.

1Korɛntea 14:26

Puapilɛa nia, vɛ̀ɛ̀ vana tosa yɛ niko? Te la cuungian pɛ, mì vana pum nɔ le condei solio, mì o pum nɔ pɛɛkoo le yɔngoo, mì o pum nɔ dɛnɛ cɔɔmun ndu-o, mì o pum nɔ yoongoo le dimio o sɔɛi mangalɛi celen nin, te kon te mì o pum ndu nɔ sɔɛi pum le tɛɛsiaa, kon kpow bɛnda mò tosan le vanaa laalannda yoomuan lueiyo.

Nsaki 5:13

Vɛ̀ɛ̀ o niaa tɛɛn, vana pum co pá o sangaa nin? O bɛnda mò piɛi. Vanndo pum co pá a kɔlkɛndɔɔ? O bɛnda mò soli condon.