1Korɛntea 14:1 - BII BILA

¹ Lelan, la nuwviaa fɔlɔn kaolaa, mì la nuwviaa vɛlɛ valta Kɔl-Diandaa a yeemɛi, kɛ taama-taama vali tɛɛngaa diom Hala-o.

1Korɛntea 14:1 Referans Kwoze

1Korɛntea 14:39

Lelan puapilɛa nia, yeemɛi bii niaa le diom Hala-o tɛɛnguuo, la kuuna vannda sɔɛi o sɔɔn mangalan celen nin te.

Hebreea 12:14

La kindin le vaa o kɔlɲuloo nin a vannda kpow, mì la va a diandaa. Kani te o co o dindinndo nin te, vana-vana cinin Maalii le.

1Timote 4:14

Kialun ke Hala ke nɔm-ndo yii le, o n sɔla lɔ́ɔ́ vanaa-tɛɛngaa-diom Hala-a a vanaa bɛndua vanaa Hala-a a handu nɔm balan coo-o.

1Korɛntea 16:14

La tosa dɛnndan kpow niaa tɛɛn o kaolaa nin.

1Korɛntea 12:1

Puapilɛa nia, i yeema mì la va o sínà lepɛŋndo nin a valta kɔltan o kɔɔ le.

1Korɛntea 13:13

Sunsun yɛ niko, ɲɛm yaan mun n co ni: laalanndo, kɔlkɛsiaa a kaolaa, kɛ o hiow lan kpow-vo co kaolaa ni.

1Tesalonikea 5:20

la pɛɛsà sɔɔn vanaa-tɛɛngaa-diom Hala-a le,

Talelan 15:9

Kela vana kɔlvesɛiyo nɛinún Mɛlɛka, kɛ o kaola vana co dɛnɛ sandaa kiltan kɔɔli-o.

1Timote 6:11

Kɛ nɔm vana Hala-o, kpakpala dɛnnda lan kpow, mà kindin le dɛnɛ sandaa a hɛnan Hala-o tosaa, a laalanndo, a kaolaa a á biuvɔnndo, mà kindin vɛlɛ le vaa vana sinaa ikɛndɔɔ a ndu.

1Korɛntea 14:37

Te vana pum cennun pɛ maa vana-tɛɛngaa-diom Hala-o o co ni, te kon te maa Kɔl Hala-o cɔm ndu dɛnɔɔ pum, mɛɛ mò sina maa tɔŋ Mɛlɛka-o sɔɔn ya co niaa sɛvallo-on n co ni.

Esai 51:1

Niaa co kiltan dɛnɛ sandaa kɔɔli-a, niaa co Mɛlɛka nuwviaa-a, la yaŋ ya nilan! La heelu hɔlla o pow kpova niaa sɛlnun nin-ndo coo, la tofa o soon yingilaa nda soli niaa nin-ndo coo.

1Timote 5:10

mò nɔ tɔ́ɔ́ kɛndɔɔ le dɛnnda kɛndɛla ndɔlan, mò va vana caa cuavaa ndɔa biyɔɔ-o, mò va vana caa mialla biyɔɔ-o, mò va vanaa diandaa pelon pulɔɔ, mò va vanaa sangaa co coo-a malaa, mò kindin le dɛnnda kɛndɛlan kpow tosaa.

Efɛsea 1:3

N melnun Hala balika, o co Fuɲaa Maalii naa Yeesu Krista-o. O dɔw naa duaa le co naa n co a yiinannda o Krista nin-ndo, o ke naa ɲɛm kɛndɛn co o halataala-on kpow-vo.

1Korɛntea 12:31

Lelan, yeemɛi bii niaa le valta hiow naŋɔɔ lan nuwviaa. Kɛ i co nihau niaa nɛi hiow naŋɔɔ-o cɔm.

Talelan 21:21

Vana kindìn le dɛnɛ sandaa a dɛnɛ sakpoo tosaa-o viaw yoomu ni. Vannda tosalnin vana kon dɛnɛ sandaa, mà ke ndu bɛɛlen.

3Nsaŋ 1:11

Caan ni ya kaola-o, del vanndo kɔɔli o dɛnɛ vɔɔndo tosaa nin te, kɛ o va o dɛnɛ kɛndɔɔ tosaa nin. Vana tosà pɛ dɛnɛ kɛndɔɔ, o Hala-o co kon ni, vana tosa pɛ dɛnɛ vɔɔndo, mɛɛ ndu sínà Hala le.

2Piɛr 1:7

mì la handu hɛɛnianndo o ipuapilɛyɛi nin o ɲííye coo, mì la handu kaolaa o hɛɛnianndo o ipuapilɛyɛi nin coo.

Rɔmnda 12:6

Mɛɛ naa n sɔla valta yɛ́-yɛ́lan o kɛndɛi kennun naa-e nin yɛ, te vanndo sɔla pɛ vali tɛɛngaa diom Hala-o, o bɛnda mò tosa vali kon a laalanndo.

2Timote 2:22

Màl yeemɛi ifelengiyɛi, mà nuwviaa dɛnɛ sandaa a laalanndo, a kaolaa a á kɔlɲuloo niaa vanaa co Mɛlɛka biiloo a kɔl diandaa-a latulu.

Rɔmnda 9:30

Vɛɛ naa n liima yɛ niko sɔɛi he? Vanaa ve dí nuwviaa le-a sɔla dío, di sɔlan a laalanndo-o.

Rɔmnda 14:19

Lelan, n nuwvian dɛnɛ luei kɔlɲuloo-o a dɛnɛ hivi naa laci vellaa-velle o laalanndo nin-ndo.

1Samiɛl 10:5

Lɔ́ɔ́ n tiiyanin Kibea-Elohim nɛɛ vanaa kùndàá Filistia co-a-o, la co lo ciee-lekɔɔ, mì la bɔŋan niaa vanaa-tɛɛngaa-diom Hala-a, mà va fulaa o fonda biilaa, mì vanaa lɔaa labangaa, vanaa lɔaa ladundua, vanaa hɔŋaa masɛ̀ŋnda a vanaa lɔaa n'bɔ̀mbilla va kɔlan nda laci. Nda pila vanaa-tɛɛngaa-diom Hala-a kan vanin diom Hala-o tɛɛnguuo.

1Korɛntea 13:2

Hali i sɔla bɛɛ vallo le diom Hala-o tɛɛnguuo, mì sínà dɛnnda kɔndɔfiltan kpow, mì nɔ dɛnɛ sinaa kpede, i nɔ vɛlɛ bɛɛ laalanndo háá mì faŋa pembon o fonda n co-o, te i nɔ kaola o kɔl te, mɛɛ i co ɲɛ-ɲɛ le.

1Korɛntea 14:22

Lelan, sɔɛi o sɔɔn mangalan celen nin, kon co leponda le vanaa laalannda le, kɛ le vanaa laalan te-a. Kɛ nduyɛ, diom Hala-o tɛɛnguuo ndu, pondalen o co le vanaa laalannda ni, kɛ o co le vanaa laalan te-a le.