1Korɛntea 13:9 - BII BILA

⁹ Kani ɲɛ-pɔmbɔ koni naa n sínà ni, ɲɛ-pɔmbɔ koni naa n tɛɛnguu diom Hala-a ni.

1Korɛntea 13:9 Referans Kwoze

1Korɛntea 13:12

Hau, n co dɛnndan cɔu yifidii maa o tofan nin, kɛ o kon kɔɔli, n cannannin kpendekele. Sunsun, ɲɛ-pɔmbɔ ya sínà ni, kɛ telen co hunɔɔ tiiya, mì n sínà kpow mɛɛ nda sínà ya yɛ.

1Korɛntea 8:2

Te vanndo yiyan pɛ maa o sínà dɛnɛ, mɛɛ o sínà vɔ mɛɛ o bɛnda le sinaa yɛ le.

1Korɛntea 2:9

Kɛ maa mɛɛ o co o sɛvaa yɛ aa: «Ɲɛ hɔlte ci loo, ɲɛ nile tui loo, ɲɛ yiyan luei vana o kɔl too, ndu Hala bɛɛndiaa ni le vanaa kaola ndu-a.»

Condii lisai 139:6

Dɛnɛ sinaa vaa lende hiow ya naŋɔɔ o hɔl, o hiow ya, i tiwba mì bii ndu bila le.

Matie 11:27

Fuɲa nuu yɔngu ya ɲɔɔn kpow. Vana-vana sina Poo le, te o co Fuɲaa le. Vana-vana sina vɛlɛ Fuɲaa le, te o co Poo a vana Poo yeema le Fuɲa ndɔ cɔmndo-o le.

Talelan 30:4

Nɛ̀ɛ́ hel-lɛ nin o halataala? Nɛ̀ɛ́ cɛn yɛ nin o halataala mó toal? Nɛ̀ɛ́ bii yɛ nin hoeiye o ba ninndo? Nɛ̀ɛ́ vow yɛ nin mɛnndan o volɔɔ ndɔ cuɛinanndo nin? Nɛ̀ɛ́ handu yɛ pɛɛngula lelɛŋndan? Ɔ́ɔ̀ diola ndɔlan? Vɛ̀ɛ̀ po ndɔɔ nɔ yɛ diolan? Taa sinà pɛ, dimul-la!

Condii lisai 40:5

Dɛnɛ kɛndɔɔ co le vana co Mɛlɛka tiindanndo-o, o sɔɔnguu vanaa yongaa a vanaa lacòòvaa ikɛi loo.

1Nsaŋ 3:2

Caaŋaa nia hɛnan ya-a, cuavaa Hala-a naa n co nin ni, mɛɛ naa n hun vanin yɛ cɔmnun ndɔ le, kɛ i naa n sínà-e co ni maa telen Krista fulanin ceen-ndo, maa ndu naa n vanin ni, kani n canin ndu mɛɛ o co yɛ.

Efɛsea 3:8

I co vana sɔvɛ o vanaa laalannda kpow tɛɛn te, kɛ nduyɛ, kɛndɛi ken i yɔngun ya haliko mi cɔm vanaa co N'Yuifi le-a tɔnɔ bɛndu co o Krista nin-ndo,

Rɔmnda 11:34

Nɛ̀ɛ́ sina yɛ yiyan Mɛlɛka-o? Nɛ̀ɛ́ yɔŋnun yɛ vana silaa ndɔɔ?

SƐBƐ YƆB-O 26:14

Dɛnnda o tosa lan, ɲɛ-pɔmbɔ koni co kon ni, hali o la o tosa lan ndan nin bɛɛ, ɲɛ-pɔmbɔ koni naa n tuei tɔ́ɔ́ ni. Nɛ̀ɛ́ bii yɛnin kpaaya bɛndu ótosà dɛnndan-ndo bila?»

1Korɛntea 13:10

Kɛ lɔ́ɔ́ o tiwnun-ndo hunnin-ndo, o tiwnun too cuunin ni.