1Korɛntea 13:7 - BII BILA

⁷ Dɛnndan kpow kaolaa mal haki ni, mò laalan ndan kpow, mò tiindan ndan kpow, mò yulu kpow.

1Korɛntea 13:7 Referans Kwoze

1Piɛr 4:8

I tasei ya co niaa dimul-le, la kaolian vellaa-velle ɲɛkɛndɛi, kani kaolaa kumbu hakila bɔɔ-bɔɔ.

1Korɛntea 13:4

Biwnɔnndo kaolaa biwnun ni, o nɔ kɛndɛi, o paŋala le, o kuundian te, o pe a yonga le,

2Timote 2:24

Nduyɛ vana baala Mɛlɛka-o bɛnda mò va vana lasɔngɔ le. Kɛ o bɛnda mò va vana sɔvɛɔ a vannda kpow, mò tiwba vannda pɛɛkoo, mò va vana biwnun dɛnndan-ndo.

1Piɛr 2:24

Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.

Talelan 10:12

Nɛyɔnndo hun a sɔngɔlan ni, kɛ kaolaa kumbu tɛɛmbuulan kpow ni.

1Korɛntea 9:12

Te vanaa pum a nɔ pɛ di kon le ɲɛm mun sɔlaa niaa o n'dial, baa naa yɛ? Vɛ̀ɛ̀ n nɔ dí mì n sɔla mun hiovɔɔ o kon coo le? Kɛ n co di kon tofa le. N co dɛnndan kpow biuvɔn yɔŋii naa mingi sɔɛi Yeesu-e a makɔɔ.

Kalatea 6:2

La maalian o sangalan nin vellaa-velle, tɔŋ Krista-o peeloo co kon ni.

2Timote 4:5

Kɛ nɔm nɔm, va vana taasio o dɛnndan nin kpow, mà biwnun sangalan, mà tiiyal vannda Yoongu Kɛndɔɔ, mà tosa vali n nɔ le tosaa-o maa vana baala Mɛlɛka-o.

Nsaki 1:12

Dɛnɛ kɛndɔɔ co le vana bìwnùn o tɔɔndanndo nin-ndo, kani o cii pɛ tɔɔndanndo sɔla, o sɔla mɔsil lemasa cindaa, o Mɛlɛka yiilu vanaa kaola ndu-a kpemaa-o.

Condii lisai 119:66

Pɛɛku ya sinapɛngoo mì sina tɔŋnda nɔmndan, kani lan ya laalan ni.

2Tesalonikea 1:4

Lelan naa n co lisanndo a niaa o lasondo o kundala vanaa laalannda tɛɛn ni, kani la co kindinndo o laalanndo nin, o yɛle tolaalen nin a o tɔɔndannda niaa co sɔlaa lan nin.

2Timote 3:11

a sínà mɛɛ vannda co ya yɛlen tollo yɛ. Sangala co ya coo lan kpede, ɔ́ɔ̀ o kɛɛ ya kei coo Antiɔs, Ikoniɔm a Listre-o? A sínà yɛle tolaale kei ya coo len. Kɛ mí Mɛlɛka ciindiaa ya o dɛnnda lan kpow nin.

Rɔmnda 15:1

Naa vanaa nɔ kpaayaa o laalanndo nin-nda, o bɛnda mì n biwnun vanaa nɔ kpaaya le-a. N nuwvian o hɛnan naa pila-o kínɛí le.

Matie 10:22

Vannda kpow nɔnin nɛyɔn niaa le diola nilan. Kɛ vana lonin lecoo háá o mɛɛlulan-ndo, ndu sɔlanin cindaa.

Hebreea 13:13

Mɛɛ n kɔnnun o ndu lo o dɔ́ɔ́ngɔ́ɔ̀ kɔɔli, mì n cɛlnun sɔɔlɛmaa maa ndu.

Rɔmnda 8:24

Kani o kɔlkɛsiaa nin naa n sɔla cindaa ni. Nduyɛ vanndo ce nin pɛ ɲɛ o kɛsi kɔllo coo-o, mɛɛ kon co lɛ kɔlkɛsiaa le. Vɛɛ vana kɛsi yɛ vɛlɛ ɲɛ n ce nin-ndo kɔllo coo?

SƐBƐ YƆB-O 13:15

Hala yeema pɛ o dii ya, i nɔ lɛ dɔ́ɔ́ tiindan te. Kɛ fɔ mì kɔɔsa le kela nuu.

O Kandɔɔ 29:20

Mí Yakɔb tosa vallo vɔsilan laŋɔmmɛw le Rasɛl kɛsio o nɔ̀u ndu o ba. Kɛ mó ca vɔsila ŋɔmmɛwla lan maa palɛi bingi, kani ndóò kaola bɔɔ Rasɛl.

Tɔŋ miingua 1:9

«Tuma kon, mí yáà dimul niaa aa: ‹I nɔla kpekula niaalan toosiaa ya pilɛ le.

Marke 9:23

Mí Yeesu mulul ndu aa: «A dimi aa ‹Taa tiw pɛ ba.› Dɛnndan kpede la nɔla tosanndo le vana laalanndo.»

Tɔŋ miingua 22:27

Kani yondoo nin langbanɔ kon komal ndu ni, cuaambɔɔ mɛli yeelan fee vana-vana hin le ndu mala le.