1Korɛntea 13:4 - BII BILA

⁴ Biwnɔnndo kaolaa biwnun ni, o nɔ kɛndɛi, o paŋala le, o kuundian te, o pe a yonga le,

1Korɛntea 13:4 Referans Kwoze

1Piɛr 4:8

I tasei ya co niaa dimul-le, la kaolian vellaa-velle ɲɛkɛndɛi, kani kaolaa kumbu hakila bɔɔ-bɔɔ.

Efɛsea 4:32

La va vanaa kɛndɛa, mì la kaolian vellaa-velle. La malnan lahaki maa mɛɛ Hala mal niaa haki o Krista nin yɛ.

Kolɔsea 3:12

Vanaa co o yungu Hala-o nin-nda niaa co ni. Hala hɛli niaa mó kaola niaa. Lelan la va vanaa iɲííya, vanaa ikɛndɛa, vanaa tuisiannda, vanaa kɛndɛa a vanaa biuvannda.

Talelan 10:12

Nɛyɔnndo hun a sɔngɔlan ni, kɛ kaolaa kumbu tɛɛmbuulan kpow ni.

1Nsaŋ 4:11

Caaŋaa nia hɛnan ya-a, te Hala kaola pɛ naa kaola bɛndu súú vaa lende, o bɛnda mì naa bɛɛ n kaolian vellaa-velle.

Talelan 17:9

Tɛɛmbuu vanndo tɛɛmbuu-o pɔɛyɔnndo, kon yeeliaa canyɛi ni. Kɛ lambanndo sondo mingio lecoo, kon puusiaa canyɛi ni.

1Piɛr 3:8

O mɛɛlulan, la nɔ yiyan pilɔɔ a ɲííye. Kaolaa va o piaa niaa o lakɔl le puapilɛa niaa, la nɔ kɛndɛi a tuisinndo.

1Tesalonikea 5:14

N co niaa tɛɛlɔn puapilɛa naa, la kanalan vanaa siɛlɛiya, la luei vanaa nɔ siòònde-a yoomuan, la mala vanaa co o sangaa nin-nda mì la biwnun a vana-vana.

2Piɛr 1:7

mì la handu hɛɛnianndo o ipuapilɛyɛi nin o ɲííye coo, mì la handu kaolaa o hɛɛnianndo o ipuapilɛyɛi nin coo.

Efɛsea 4:2

La tuisin o dɛnndan kpow nin mì la va vanaa súú kɛndɛa, mì la biwnun. La biwnan vellaa-velle o kaolaa nin.

2Korɛntea 6:6

N co cɔmndo maa vanaa baalaa Hala-a naa n co ni: a diondɔɔ naa n dendu-o, dɛnɛ sinaa naa, biuvɔnndo naa, vili naa kɛndɔɔ, Kɔl-Diandaa co naa vallo nin-ndo, a o kaola kpeekpei naa n nɔ-o nin,

Talelan 19:22

Ɲɛ vana yeema vanacieo o ba-o co lou o diomnden coo ni. Vana bala fondoo co fisa a vana lacòòvaa.

Kolɔsea 1:11

N co ndu ɲunaa o nɛi oo nɛi coo le niaa yoomuan lueiyo a kpaaya ndɔ biilaa, o kon mì la va vanaa biuvannda o dɛnndan kpow nin.

Kalatea 5:26

N vannun vanaa yonga le naa pila tiiŋuanndo te kon te tɔ́ɔ́yanndan biinanndo vellaa-velle le.

1Korɛntea 4:6

Puapilɛa nia, le ya pila a le Apolɔs ya dimi sɔɔn mun kpow ni, haliko mi niáà sɔla pɛɛkoo, mí niáà bii taloo ho bila aa: «La hiilu ɲɛ-ɲɛ o ɲɛ sɛvan ho-o nin te.» Vana-vana o niaa tɛɛn tosa yonga mò biilu vana pilɛ hiovɔɔ vanndo pilɔɔ coo le.

2Timote 4:2

tiiyal vannda sɔɛi Hala-e. Dimul nda ndi o telenndan kpow bɛngu, o va telen kɛndɛ, o va telen vɔɔn, soo vannda mà cɔm tɛɛmbuulan, mà luei nda yoomuan, mà biwnun, mà biwnun pɛɛkoo lɔ́ɔ́-lɔ́ɔ̀.

2Timote 3:10

Kɛ nɔm Timote, a bii pɛɛkula nilan bila, a sínà niinu nuu, a sínà dɛnnda ya tuwnun o kɔltan, laalan nuu, biuvɔn nuu, kaola nuu, a mɛɛ ya sim yili o tiindan nuu coo yɛ,

Talelan 31:26

A kɔlkaloo pila o soaa ni, o caa bɔɔ silalan yɔngoo.

Talelan 31:20

O timbì ba ndɔɔ le vanaa ikɔɔa malaa, mò siɛndi baa le vanaa bala fondoa ɲɛ ke.

Talelan 17:14

Sɛɛngianndo kandɔɔ co ko maa ɲɛ kanda mɛnndan-ndo bulio. Lelan lɔ́ɔ́ sɔngɔɔ kuvan-ndɔ loo, soli pelon lenin.

Nehemi 9:17

Má kɛɛ diom nɔmndo biyɔɔ, má pɔɛɛnun dɛnnda kɔndɔfilta bɛndula n tosal nda lan, má kindi nilan, má dimi le muungɔnndo Esipte o cɛle ndalen nin. Kɛ nɔm, a mel nda le, kani Hala mal vana haki-o n co ni, Hala nɔ ɲííye a kɛndɛi-yo. A biwnùn, a pɛ a dɛnɛ kɛndɔɔ.

1Piɛr 2:1

Lelan, la kɛɛ dɛnɛ-dɛnɛ co kɔlvesɛiyo a o kɛ́-kɛ̀ co kafalan, muulɔnndo, yeemɛi bɛnduei a caanda diolan tɛɛmbuuo.

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

1Korɛntea 3:3

Kani paŋalianndan a sɛɛngianndan la co vɔ niaa tɛɛn. Vɛ̀ɛ̀ o co vanaa ceenda le niaa co vɔ o kon mì la va kelaa o vanacieeyɛi nin te?

Dɛnnda kiilaa 7:9

Puapilɛa Yosɛf-a a va ndu Yosɛf paŋalaa, má pisi ndu haliko mo va cɛɔ Esipte. Kɛ Hala va ndu ikɛi.

Vana Kɔlkaloo 10:4

Te vana nɔm bɛndoo tambu pɛ kɔl a nɔm, faŋan o fonda nɔm baalaa le. Kani meiyo mala vana le biondɔnnda bɔɔ-bɔɔ kpakpalaa.

Talelan 13:10

Yongaa hun a sɛɛngianndan ni, kɛ le vanaa bii silaa-a kɔlkaloo co ni.

Condii lisai 10:5

Ɲɛ-ɲɛ o co tosaa, o co simndan ndu o ba, Mɛlɛka nɔla ndu iyama kiolɔɔ le. O hul pɛ fuu, yaamɔaa ndɔa cuu o lepilɔɔ.

2Timote 2:25

O bɛnda mò mingi vanaa co ndu simullo-a o nɛi a kɔlɲuloo, mò nɔ o kɔl maa Hala co tosa, mà mangalan, mà sina toɲaa,

1Timote 6:4

mɛɛ yongaa pɛ ndu lende nin ni, o sínà ɲɛ-ɲɛ le. Yeemɛi o nɔ lende le sɛɛngianndan a le diomndan hiŋanndo o sɔɔn pum coo ni. Nduyɛ o kon nin paŋalianndan, sɛɛngianndan, yeowlan, sɔɔn vɔɔnndon tuuvo

1Korɛntea 8:1

Le visin nda co piɔmnda sálàlan solullo-on yɛ, muli ndɔɔ co hoo ni. I co toɲa maa «Naa kpow n sínà dɛnɛ» maa mɛɛ niaa co dimio yɛ. Kɛ nduyɛ, kuundianndo dɛnɛ sinaa yɔngu vana ni. Kaolaa yɛ, diom pilɔɔ o luei vannda tɛɛn ni.

Rɔmnda 1:29

A co a piaa a dɛnnda sendu le lan kpow: laasianndo, yeemɛi bɛnduei, kɔlvesɛiyo, paŋalaa, yeemɛi diuvaa n'vannde, cɔlɔbalan, vannda huiyo a kɔlkalu vɔɔndo. A co vannda diolan tɛɛmbuuo,

O Kandɔɔ 37:11

Bɛndaa ndɔa va ndu paŋalaa taw, kɛ mí fuɲa ndɔ mandan sɔɛi ken o kɔl.

Nsaki 4:5

La yiyan te maa fondo fúú o sɛvan-ndo dimi aa: «Kɔl Hala luei naa nin-ndo, o kaola ndu taw a paŋalaa.»

1Korɛntea 4:18

Vanaa pum a co yongaa sɔɛi niaa tɛɛn, vana ca ko bɛɛ aa i co lɛ lakɔ o niaa lo le.

Rɔmnda 13:13

N kelan kela sandaa, maa kela ipala déŋ. N vannun vanaa lepulua hiw dioo a kolɔɔ-a le. N vannun vanaa yiyannda vɔɔn, te kon te vanaa laasi-laasi le. N kpakpalan sɛɛngianndan a paŋalianndan.

Kolɔsea 2:18

Vana-vana pɛɛku niaa tuisin fondoo te kon te mɛlɛkaa biiloo, mì la malnun ndu o ba le. Vanaa vaa lende a ca lɔma sɔlaan ɲɛ ni, mà handu man kɔltan coo. Nda koni yiyannda ivanacieeyalan la pei kuundian fondoo nin ca ni.

Filipea 1:15

I co toɲa maa vanaa pum a co vannda sɔɛi Krista-e tiiyallo le yeemɛi co nda o kɔl-le, te kon te a paŋalaa. Kɛ a pum yɛ nda, a yiyan kɛndɔɔ nda co kon tosaa ni.

2Korɛntea 12:20

Nduyɛ, buulanndo co ya, kani lɔ́ɔ́ ya tiiyanin lon-ndo, ko i komalnin pá niaa mɛɛ ya yeema yɛ mi niaa bɛɛ ce ya mɛɛ niaa yeema le ya cɔu yɛ. I co buulanndo, ko sɛɛngianndan ya komalnin niaa tɛɛn ni, ko paŋalianndan ni, ko kɔltuwvo ni. Te kon te, yevanndan, diolan vannda tɛɛmbuuo, congulan, kelaa a vannda o lasonndo, yongaa te kon te sɔngɔlan.

1Korɛntea 5:2

Nduyɛ la co yongaa sɔɛi. Óò bɛnda mì mɔnɛi ndíì bii niaa taw, mí niáà soli vana tosa dɛnɛ kon-ndo niaa tɛɛn.

Matie 27:18

Nduyɛ Pilate ndóò sina maa le paŋala simlacia ndáà nɔ a Yeesu-o nda hin a ndu o ndu lo ni.

O Kandɔɔ 30:1

Mɛɛ Rasɛl ce maa o co Yakɔb cua vilul te, mó kandu Lea bɛ ndɔ paŋalaa. Le hee, mó dimul pɔnɔ ndɔ aa: «Yɔngu ya cuawva, yɔŋii ya vu.»